Salmos 145

1 Te exaltaré, mi ʼElohim, oh Rey, Y bendeciré tu Nombre eternamente y para siempre.

Anumzamoka nagri kini mani'nanku hu'na Kagrira husga hugantegahue. Ana nehu'na maka zupa, Kagri kagia ahentesga huvava hugahue.

2 Cada día te bendeciré y alabaré tu Nombre Eternamente y para siempre.

Maka kna Kagrira husga hunegante'na, kagia erisga hu vava hugahue.

3 Grande es Yavé, y digno de suprema alabanza, Y su grandeza es inescrutable.

Ra Anumzamo'a agrake'za tusi'a Anumza mani'neankino, agrake'za ra agia erigara hu'ne. Ana hu'neankino agrake'za tusi'a Anumzana mani'neankita Agrira rezaganeta kegara osu'none.

4 Una generación a otra generación alabará tus obras, Y declarará tus poderosas obras.

Vahe'ma fore hu anante anante'ma hu'za vanafina, Kagrama hankave eri'zama erifore'ma hu'nana zamofo agenkea zamasami anante anante hu'za nevu'za, kagri hankavegura huama hu'za vahera zmasamigahaze.

5 Meditaré en el glorioso esplendor de tu majestad Y en tus maravillosas obras.

Kagri hihamu hankavegu'ene, knare'nare eri'zama eri'nana zankura, nagesa antahintahi hugahue.

6 Hablarán los hombres del poder de tus asombrosas obras, Y yo contaré tu grandeza.

Kagrama hankave eri'zama eri'nana eri'zamofo agenkea vahe'mo'za hugantu hugama hu'za nentahinage'na, tusi'a Anumza mani'nane hu'na vahera huama hu'na zamasamigahue.

7 Con anhelo proclamarán la memoria de tu gran bondad, Y clamarán de tu justicia con regocijo.

Rama'a knare'nare kavukvama hu'nana zankura maka vahe'mo'za huge antahige nehu'za, fatgo kavukva zankura zagamera nehu'za musenkase hugahaze.

8 Clemente y misericordioso es Yavé. Lento para la ira y grande en misericordia.

Ra Anumzamo'a knare avu'ava huneranteno asunku hunerantea Anumzankino, ame huno arimpa oheno, vagaore mevava avesi zanteti avesinerantea Anumza mani'ne.

9 Yavé es bueno para todos, Y sus misericordias están sobre todas sus obras.

Ra Anumzamo'a maka vahera knare avu'avaza hunezamanteno, maka zama tro'ma hunte'nea zantamina asunku hunezamantea Anumza mani'ne.

10 Oh Yavé, todas tus obras te darán gracias, Y tus santos te bendecirán.

Ra Anumzamoka maka zama tro'ma hunte'nana zantamimo'a Kagrira humuse hunegantesage'za, kamage'ma nentaza vahe'mo'za Kagri kagi'a husga hugahaze.

11 Hablarán de la gloria de tu reino, Y conversarán sobre tu poder.

Ana nehu'za kagrama maka mopama kegava hunana hihamu masa zanka'agura nanekea nehu'za, hanaveka'agura huama hu'za vahera zamasamigahaze.

12 Para proclamar a los hijos de hombres tus poderosas obras, Y la gloria de la majestad de tu reino.

Kagrama hankave eri'zama eri'nana zamofone, Kagrama kegavama hunana hihamu hankavea maka vahe'mo'za ke'za antahi'za hugahaze.

13 Tu reino es eterno, Y tu señorío por todas las generaciones.

Kagrama kini maninka kegavama hunana kuma'mo'a vagaore mevava huno vugahie. Mika knafima forehu anante anante'ma hu'za vanaza vahe'enena kegava huzmantenka vugahane.

14 Yavé sostiene a todos los que caen Y levanta a todos los que están doblegados.

Tanafa'ma hu'za masaza vahera Ra Anumzamo'a zamaza nehuno, knazamo'ma rentrakoma nehia vahera zamazeri sga nehie.

15 Los ojos de todos miran a Ti. Y en su tiempo Tú les das su alimento.

Maka zagamo'za kagrite zamavua antete'za amuhara nehu'za mani'nazagenka, kna fatgore ne'zana zaminke'za nenaze.

16 Abres tu mano Y sacias el deseo de todo ser viviente.

Maka zagagafamo'za ne'zama nesaza zanku'ma nehazagenka, Kagra kazana rutarenka ne'zana zaminke'za nezamu nehaze.

17 Justo es Yavé en todos sus procedimientos, Y bondadoso en todas sus obras.

Maka zama hifina Ra Anumzamo'a fatgo avu'ava zanke nehuno, asunku huranteno ana maka zana hunerante.

18 Cerca está Yavé de todos los que lo invocan, De todos los que lo invocan en verdad.

Tamage zamagu zamagesa regati'ma Ra Anumzamofonku'ma kezamatiza vahetera, Agra erava'o nehie.

19 Cumplirá el deseo de los que le temen. Escuchará también su clamor, Y los salvará.

Agri'ma koro'ma hunte'za amage'ma nentaza vahe'mo'zama nazankuro atupa'ma nehaza zana nezamino, zavi krafama nehazana nentahino, zamaza huno zamagu nevazie.

20 Yavé guarda a todos los que lo aman, Pero destruirá a los perversos.

Ra Anumzamofoma avesinentaza vahera, Agra kegava hunezamante. Hianagi havi zamavu zamava'ma nehaza vahera, zamazeri havizantfa hugahie.

21 Mi boca hablará la alabanza de Yavé, ¡Y todo ser viviente bendecirá su santo Nombre Eternamente y para siempre!

Nagra Ra Anumzamofo agi'a ahentesga hugahuanki, maka zantamima agra azampinti'ma tro'ma higeta ama mopafima mani'naza zantamimota, ruotage'ma hu'nea agi'a ahentesga huvava huta vugahaze.