Proverbios 8

1 ¿No clama la sabiduría, Y el entendimiento hace oír su voz?

Githĩ ũũgĩ ndareetana? Githĩ ũtaũku ndaranĩrĩra na mũgambo wake?

2 En las cimas de las alturas junto al camino, En las encrucijadas de los senderos, allí está ella.

Njĩra-inĩ kũrĩa gũtũũgĩru, na magomano-inĩ ma njĩra-rĩ, nĩho ũũgĩ arũgamĩte;

3 Junto a las puertas, en la entrada de la ciudad, En el acceso a las puertas, ella da voces:

ningĩ hakuhĩ na ihingo iria cierekeire itũũra inene, o hau matoonyero-inĩ-rĩ, nĩho araanĩrĩra akoiga atĩrĩ:

4 ¡Oh hombres, a ustedes clamo! Mi voz se dirige a los hijos de los hombres.

“Inyuĩ andũ nĩ inyuĩ ndĩreeta; ndĩraanĩrĩra na mũgambo wakwa kũrĩ andũ othe a thĩ.

5 Oh simples, aprendan prudencia. Y ustedes, insensatos, dispongan su corazón.

Inyuĩ arĩa mũtarĩ na ũũgĩ, gĩai na ũbaarĩrĩri, inyuĩ arĩa akĩĩgu, gĩai na ũtaũku.

6 Escuchen, porque diré cosas excelentes, Y abriré mis labios para cosas rectas.

Thikĩrĩriai, nĩgũkorwo ndĩ na maũndũ ma bata ngwaria; ngũtumũra mĩromo yakwa njarie maũndũ marĩa magĩrĩire.

7 Mi boca pronunciará verdad. La maldad es repugnancia para mis labios.

Kanua gakwa kaaragia ũhoro wa ma, nĩgũkorwo mĩromo yakwa nĩĩthũire waganu mũno ta kĩndũ kĩrĩ magigi.

8 Todas las palabras de mi boca son con justicia. En ellas nada hay torcido o perverso.

Ciugo ciothe cia kanua gakwa nĩ cia ũthingu; gũtirĩ o na kiugo kĩmwe gĩacio kĩogomu kana gĩa kũhĩtithania.

9 Son claras para el que entiende Y rectas para los que hallan el conocimiento.

Kũrĩ arĩa makũũranaga maũndũ ciugo ciothe nĩciagĩrĩire; itirĩ mahĩtia kũrĩ arĩa marĩ na ũmenyo.

10 Reciban mi enseñanza y no plata, Conocimiento, mejor que oro fino.

Thuurai mataaro makwa handũ ha betha, mũthuure ũmenyo handũ ha thahabu ĩrĩa njega mũno,

11 Pues mejor es la sabiduría que las perlas. Nada de lo que desees podrá compararse con ella.

nĩgũkorwo ũũgĩ nĩ wa goro gũkĩra ruru iria ndune, na gũtirĩ kĩndũ ũngĩĩrirĩria kĩngĩringithanio naguo.

12 Yo, la sabiduría, moro con la prudencia, Y descubro el conocimiento y la discreción.

“Niĩ ũũgĩ-rĩ, ndũũranagia na ũbaarĩrĩri; nĩndĩgwatĩire ũmenyo o na gũthugunda maũndũ mega.

13 El temor a Yavé es aborrecer el mal. Aborrezco la soberbia, la arrogancia, el mal camino y la boca perversa.

Gwĩtigĩra Jehova nĩgũthũũra ũũru; nĩthũire mwĩtĩĩo na mwĩtũũgĩrio, na mĩtugo mĩũru na mĩario ya waganu.

14 Mío es el consejo y la eficiente sabiduría. Mía es la inteligencia y mía la valentía.

Kĩrĩra na ũũgĩ wa gũkũũrana maũndũ nĩ ciakwa; niĩ ndĩ na ũtaũku, na ndĩ na ũhoti.

15 Por mí reinan los reyes, Y los magistrados administran justicia.

Athamaki mathamakaga nĩ ũndũ wa hinya wakwa nao aathani magathondeka mawatho ma kĩhooto;

16 Por mí gobiernan los príncipes Y los nobles que juzgan la tierra.

anene mathamakaga nĩ ũndũ wa hinya wakwa, o ũndũ ũmwe na arĩa othe marĩ igweta arĩa maathanaga gũkũ thĩ.

17 Yo amo a los que me aman. Me hallan los que temprano me buscan.

Nĩnyendete arĩa manyendete, nao arĩa manjaragia na kĩyo nĩmanyonaga.

18 Las riquezas y la honra están conmigo, Riquezas y justicia perdurables.

Ũtonga na gĩtĩĩo cionekaga harĩ niĩ, o hamwe na ũtonga wa gũtũũra, na ũgaacĩru.

19 Mi fruto es mejor que el oro, Aun que el oro puro, Y mi ganancia mejor que la plata escogida.

Maciaro makwa nĩ mega gũkĩra thahabu ĩrĩa therie; uumithio wakwa nĩũkĩrĩte betha ĩrĩa njega.

20 Yo ando por camino de justicia, Por los senderos de equidad,

Niĩ thiiaga na njĩra ya ũthingu, ngathiĩra o njĩra-inĩ cia kĩhooto,

21 Para hacer que los que me aman obtengan su heredad. Y para que yo llene sus tesoros.

ngĩheaga andũ arĩa manyendete ũtonga, na ngaiyũragia igĩĩna ciao.

22 Yavé me poseía en el principio, Ya de antiguo, antes de sus obras.

“Jehova aanyũmbire o kĩambĩrĩria-inĩ kĩa wĩra wake, mbere ya mawĩra make ma tene;

23 Eternamente estaba establecida, Antes de haber tierra.

ndaathuurirwo kuuma tene wa tene, kuuma o kĩambĩrĩria, thĩ ĩtarĩ yagĩa.

24 Nací antes que existieran los océanos, Antes que existieran las fuentes de muchas aguas.

Rĩrĩa gũtaagĩte maria manene-rĩ, nĩguo ndaciarirwo, o hĩndĩ ĩrĩa gũtaarĩ matherũkĩro maiyũrĩte maaĩ;

25 Antes que las montañas fueran fundadas, Antes de las colinas, fui yo engendrada.

ndaciarirwo irĩma itanahaandwo harĩa irĩ, na tũrĩma tũtanagĩa,

26 Cuando Él no había hecho la tierra, ni los campos, Ni el primer polvo del mundo.

we atanoomba thĩ kana ithaka ciayo, o na kana rũkũngũ o ruothe rwa thĩ.

27 Cuando estableció los cielos, allí estaba yo. Cuando trazó el horizonte sobre la superficie del océano,

Niĩ ndaarĩ o kuo hĩndĩ ĩrĩa aathondekire igũrũ na akĩrĩiga handũ ha rĩo, hĩndĩ ĩrĩa eekĩrire rũkiriri rwa kũrĩa kũriku,

28 Cuando afirmó los cielos arriba, Cuando afirmó las fuentes del océano,

rĩrĩa aahaandire matu kũu igũrũ, na akĩrũmia ithima cia kũrĩa kũriku wega,

29 Cuando señaló al mar su estatuto, Para que las aguas no traspasaran su mandato, Cuando estableció los fundamentos de la tierra,

rĩrĩa eekĩrire mũhaka wa iria nĩguo maaĩ matikanae kwagarara watho wake, na rĩrĩa aahandire mĩthingi ya thĩ.

30 Yo estaba junto a Él como arquitecto. Diariamente era su deleite. Me regocijaba ante Él siempre.

Hĩndĩ ĩyo ndaarĩ o hakuhĩ nake ndĩ ta mũbundi mũũgĩ. Ndaaiyũrĩtwo nĩ gĩkeno mũthenya o mũthenya, na ngakenaga hĩndĩ ciothe ndĩ mbere yake,

31 Me regocijaba en su tierra habitada, Y tenía mi deleite con los hijos de los hombres.

ngakenagĩra thĩ yake yothe, na ngakenagio nĩ andũ othe a thĩ.

32 Ahora pues, hijos, escúchenme. Inmensamente felices los que guardan mis caminos.

“Atĩrĩrĩ ariũ akwa, ta thikĩrĩriai; kũrathimwo nĩ arĩa marũmagia njĩra ciakwa.

33 Atiendan la instrucción, sean sabios Y no la menosprecien.

Ta thikĩrĩriai mataaro makwa nĩguo mũhĩge; mũtikamarege.

34 ¡Inmensamente feliz es el hombre que me escucha, Que vigila en mis portones cada día, Que espera en el umbral de mis entradas!

Kũrathimwo nĩ mũndũ ũrĩa ũnjiguaga, agacũthagĩrĩria mĩrango-inĩ yakwa o mũthenya, akanjetagĩrĩra hingĩro-inĩ cia mĩrango yakwa.

35 Porque el que me halla, Halla la vida y alcanza el favor de Yavé.

Nĩgũkorwo ũrĩa wothe ũgĩte na niĩ nĩ muoyo agĩte naguo, nake akagĩa na agetĩkĩrĩka harĩ Jehova.

36 Pero el que peca contra mí, defrauda su propia alma. Todos los que me aborrecen aman la muerte.

No ũrĩa wothe ũhĩtanĩtie na niĩ nĩ ũũru eĩkaga; nao arĩa othe maathũire nĩ gĩkuũ mendete.”