Salmos 89

1 Una contemplación de Ethan, el Ezrahita. Cantaré eternamente la bondad de Yahvé. Con mi boca, daré a conocer tu fidelidad a todas las generaciones.

Ra Anumzamofo vagaore avesizama'agura nagra zagamera huvava hugahue. Hugahuema hu'nana kema avaririnkama hu kavukvazana huama nehanuge'za, forehu anante anante'ma hanaza vahe'mo'za antahigahaze.

2 En efecto, declaro: “El amor se mantiene firme para siempre. Tú estableciste los cielos. Tu fidelidad está en ellos”.

Na'ankure nagra amanage hu'na huama hugahue, Ra Anumzamoka vagaore kavesizamo'a mevava huno vugahie. Hugahuema hunana kema avaririnkama hu kavukvazamo'a monamo'ma nehiaza huno mevava hugahie.

3 “He hecho un pacto con mi elegido, He jurado a David, mi siervo,

Ra Anumzamoka hunka, Nagrama huhamprinte'noa eri'za ne' Deviti'ene huhagerafi huvempagea nehu'na, agri'ene huvempa kea hu'noe.

4 ‘Estableceré tu descendencia para siempre, y edificar tu trono por todas las generaciones”. (Selah)

Devitiga kagripinti'ma fore'ma hu anante anante'ma hu'za vanaza vahepintinke, kini vahera zamazeri fore huvava hu'na vugahue hunka hu'nane.

5 Los cielos alabarán tus maravillas, Yahvé, tu fidelidad también en la asamblea de los santos.

Ra Anumzamoka monamo'za knare huno mareri agatere kavukva zanka'a husga hunegantesage'za, hugahuema hu'nana ke'ma avaririnkama hu kavukvazana, atruma hu'za mani'saza ankero vahe'mo'za husga hugahaze.

6 Porque ¿quién en los cielos puede compararse con Yahvé? ¿Quién de los hijos de los seres celestiales es como Yahvé?

Iza monafima nemanizafintira Ra Anumzanknara hu'ne? Monafima mani'nea hanavenentake ankeromo'a Kagri knara osu'ne.

7 un Dios muy asombroso en el consejo de los santos, para ser temido por encima de todos los que le rodean?

Marerirfa ankero vahe'mo'za, Anumzamofonkura kesga hu'za koro hunentaze. Anumzamo'a Agri'ma tra'are'ma manigaginte'naza ankero vahetmina, zamagatereno mareri agatere'nea Anumza mani'ne.

8 Yahvé, Dios de los Ejércitos, ¿quién es un poderoso como tú? Yah, tu fidelidad te rodea.

Ra Anumzana Monafinka Sondia vahe'mofo Anumza mani'nane! Kagrikna hankave Anumzana omani'ne. Ra Anumzamoka kagra hankavenentake Anumza mani'nenka, hugahuema hu'nana kema avaririnkama hu kavukvazamo'a kazeri kagi'ne.

9 Tú gobiernas el orgullo del mar. Cuando sus olas se levantan, tú las calmas.

Kagra knafu knafu'ma nehia hagerina kegava hu'nane. Hagerimo'ma knafu knafu'ma higenka, Kagra zamaherava nehane.

10 Has hecho pedazos a Rahab, como a un muerto. Has dispersado a tus enemigos con tu poderoso brazo.

Rehapu'e hu'zama nehaza tusi'a osifave krerfama hagerimpima nemania osifavea, Kagra asenia rupraro vazinka ahe'nane. Hankavenentake kazanuti ha' vaheka'a zamahe panani hu'nane.

11 Los cielos son tuyos. La tierra también es tuya, el mundo y su plenitud. Tú los has fundado.

Ra Anumzamoka mona kagri su'a megeno, mopa kagri su'a me'ne. Hagi maka ama mopafima me'nea zantamina maka kagrike zantmi me'neankinka, kagrake tro huzmante'nane.

12 Tú has creado el norte y el sur. El Tabor y el Hermón se alegran en tu nombre.

Kagrake'za noti kazigama me'nea zantamina tro nehunka, sauti kazigama me'nea zantamina tro hu'nane. Tabori agonane Hemoni agonanemokea musena nehuke, zagamera huke kagia ahentesga neha'e.

13 Tienes un brazo poderoso. Tu mano es fuerte, y tu diestra es exaltada.

Anumzamoka kazamofona hihamu hanave'amo'a agatere'ne. Kazamo'a tusiza huno hanavenentake hu'ne. Tamaga kaziga kazamo'a mareri agatereno hankavenentake hu'ne.

14 La rectitud y la justicia son el fundamento de tu trono. La bondad amorosa y la verdad van delante de tu rostro.

Fatgo avu'avazane, maka zama fatgoma huno'ma refkohu avu'avazamokea kinima mani'nana traka'amofo tra me'na'e. Vagaore kavesizamo'ene tamage nanekekamo'enena kavuga neva'e.

15 Dichosos los que aprenden a aclamarte. Caminan a la luz de tu presencia, Yahvé.

Ra Anumzamofoma mono'ma hunente'za muse zagame'ma nehaza vahe'mo'za muse hugahaze. Na'ankure zamagra Ra Anumzamofona Agri masa zampi vano nehaze.

16 En tu nombre se alegran todo el día. En tu justicia, son exaltados.

Kagri kagirera nanteranteti agafa hu'za musena nehazageno, vuno kinaga omese'ne. Fatgo kavukva zanka'amo'a zamagrira zamazeri muse nehie.

17 Porque tú eres la gloria de su fuerza. En su favor, nuestro cuerno será exaltado.

Kagra masanentake hihamu hankavezmi mani'nane. Na'ankure kagra muse hurantenka hankavea neraminketa, tagra hankavenentakera nehune.

18 Porque nuestro escudo pertenece a Yahvé, nuestro rey al Santo de Israel.

Ra Anumzantimoka Kagra tagri hanko mani'nane. Israeli vahe'mofo Ruotge'ma hu'nea Ne'mo'a Agra kinia tami'ne. (2 Samuel 7:8-16)

19 Entonces hablaste en visión a tus santos, y dijo: “He dado fuerza al guerrero. He exaltado a un joven del pueblo.

Korapara Kagri'ma kazigazima hu'za negavariri'za tagehemofona, ava'nafi nanekea amanage hunka zamasami'nane, Nagra hankavenentake sondia azeri oti'noe. Nagra amne vahepinti vahetmimofo kini manigahane hu'na huhamprinte'noe.

20 He encontrado a David, mi siervo. Lo he ungido con mi aceite santo,

Nagra eri'za vahe'ni'a Deviti hakena erifore hu'noe. Nagra ruotge masave anumpina taginte'na, azeri ruotge hunte'noe.

21 con el que mi mano se establecerá. Mi brazo también lo fortalecerá.

Nagra nazanu hagaza nemi'na, hihamu'ane nazanu azeri hankavetigahue.

22 Ningún enemigo le cobrará impuestos. Ningún malvado lo oprimirá.

Ha' vahe'amo'za revatga osuge, kefo avu'ava'ma nehaza vahe'mo'za azeri fenkamia otregahaze.

23 Derrotaré a sus adversarios delante de él, y golpear a los que le odian.

Agri avuga ha' vahe'aramina zamahe'na rehapatinetre'na, zamavaresrama hunentaza vahera zamahehna hugahue.

24 Pero mi fidelidad y mi bondad estarán con él. En mi nombre, su cuerno será exaltado.

Nagra avesinte vava nehu'na, agrane mani'nenugeno nagri nagifinti hankavea erino ome hankavetigahie.

25 También pondré su mano sobre el mar, y su mano derecha en los ríos.

Hihamu amisugeno Mediterenia hagerinteti vuno, zage hanati kaziga Yufretis tirantema uhanati'nea mopa kegava hugahie.

26 Me llamará: “Tú eres mi Padre”, mi Dios, y la roca de mi salvación”.

Ana hanugeno Nagrikura amanage hugahie, Kagra Nenfaga mani'nenka, nagri Anumza mani'nanankinka, nagri naguvazi Have mani'nane huno hugahie.

27 También lo nombraré mi primogénito, el más alto de los reyes de la tierra.

Nagra azeri nagonesa mofavre sa'nena, maka ama mopafina hankavenentake kini ne' fore huno manigahie.

28 Guardaré mi bondad amorosa para él por siempre. Mi pacto se mantendrá firme con él.

Nagra vagaore navesizanu, navesinte vava hu'na nevuna, huhagerafi huvempa ke'ni'a eri tamage hugahue.

29 También haré que su descendencia sea eterna, y su trono como los días del cielo.

Agripinti'ma fore hu anante anante'ma hu'za vanaza vahera kegava huzmante'nanena, kini tra'amo'a monagna huno mevava huno vugahie.

30 Si sus hijos abandonan mi ley, y no camines en mis ordenanzas;

Hianagi agripinti fore hu anante anantema hanaza vahe'mo'zama nagri kene kasegenema novaririza, kasegeni'a novaririsaza,

31 si rompen mis estatutos, y no guardan mis mandamientos;

tra keni'a ruhanetagi'za, kasegenima ovaririnazana,

32 entonces castigaré su pecado con la vara, y su iniquidad con azotes.

Nagra ana kumizmirera sefu nezmi'na, ke'nima rutrage'narera knazana zamigahue.

33 Pero no le quitaré del todo mi bondad amorosa, ni permitir que falle mi fidelidad.

Hianagi Nagra navesinte vava nehu'na, agri'enema huvempama hu'noa keni'a ruha'ontagigahue.

34 No romperé mi pacto, ni alterar lo que mis labios han pronunciado.

Huge huhagerafi'noa keni'a ruha'ontagige, magore hu'na kema hu'noa kea ete'na eri otregahue.

35 Una vez he jurado por mi santidad, No voy a mentir a David.

Nagra ruotge hu'nea huvempage Devitina hunte'noankina, havigea osugahue.

36 Su descendencia será eterna, su trono como el sol ante mí.

Deviti nagapintike kini vahera manivava hu'za vanageno, kini tra'amo'a zagemo'ma nehiaza huno mevava huno vugahie.

37 Se establecerá para siempre como la luna, el testigo fiel en el cielo”. (Selah)

Ikamo'ma monafima me'nenoma, huama'ma huno neviaza huno, tra'amo'a mevava huno vugahie.

38 Pero tú has rechazado y despreciado. Te has enfadado con tu ungido.

Hianagi menina kavresra hunentenka kamefi humine. Masavema anumpima tagintenka kinima azeri oti'nana nera krimpa ahentane.

39 Has renunciado al pacto de tu siervo. Has ensuciado su corona en el polvo.

Eri'za vaheka'anema huhagerafi'nana huvempa kea kamefi huneminka, kini fetori'a kugusopafi zafitre'nane.

40 Has derribado todos sus setos. Has llevado sus fortalezas a la ruina.

Agu'ma nevazia kuma have keginaramina, maka ahe fragu vazinetrenka, fraki kuma'a eri haviza hutre'nane.

41 Todos los que pasan por el camino le roban. Se ha convertido en un reproche para sus vecinos.

Maka vahe'ma ana kante'ma enevaza vahe'mo'za arohure'za keonke zama'a eri hana nehazageno, tavaoma'arema nemaniza kini ne'mofona kizazokago ke hunte'naze.

42 Has exaltado la mano derecha de sus adversarios. Has hecho que todos sus enemigos se alegren.

Ha' vahe'aramina hankave zaminke'za hara hugate'nere'za, musenkase nehaze.

43 Sí, tú haces retroceder el filo de su espada, y no lo han apoyado en la batalla.

Ha'ma nehia bainati kazinknoma'a eri amnezankna nehunka, ha'ma nehigenka kamefi huminka aza osu'nane.

44 Has acabado con su esplendor, y arrojó su trono al suelo.

Kagra marerirfa konariri'a eri netrenka, kini tra'a mopafi eri akaha hutre'nane.

45 Has acortado los días de su juventud. Lo has cubierto de vergüenza. (Selah)

Kagra ame hunka zahufafi azeri ozafa nerenka, azeri agaze hu'nane.

46 ¿Hasta cuándo, Yahvé? ¿Te vas a esconder para siempre? ¿Arderá su ira como el fuego?

Ra Anumzamoka nama'agna fraki vava hunka vugahane? Krimpa ahe'zamo'a nama'gna teveareno vugahie?

47 Recuerda lo corto que es mi tiempo, ¡para qué vanidad has creado a todos los hijos de los hombres!

Kagesa antahio, nagra zazatera mani'na ovugahue. Vahe'ma tro'ma hurante'nanana, amne'za mani'none.

48 ¿Qué hombre es el que vivirá y no verá la muerte? ¿quién librará su alma del poder del Seol? (Selah) (Sheol h7585)

Mago'mo'e huno mani vava huno ovugahianki, maka frisuna vaheke mani'none. Mago'mo'e huno fri'zana agatereno fregara osu'ne. (Sheol h7585)

49 Señor, ¿dónde están tus antiguas bondades? que juraste a David en tu fidelidad?

Ra Anumzamoka iga vagaore kavesizana me'negenka anara nehane? Kagra huvempama Deviti'ma hunentenka, kavesinte vava hugahue hu'nane.

50 Acuérdate, Señor, del reproche de tus siervos, cómo llevo en mi corazón las burlas de todos los pueblos poderosos,

Ra Anumzamoka eri'za vaheka'amo'na huhavizama hunenantazana antahio. Rama'a vahe'mo'zama huhavizama hunenantaza kea nagu'afi erinte'na vano nehue.

51 Con que tus enemigos se han burlado, Yahvé, con la que se han burlado de los pasos de tu ungido.

Ra Anumzamoka ha' vahekamo'za kizazokago ke hunenantaze. Anumpima masavema tagintenka kinima azeri oti'nana nera, vuno eno'ma hirega hunte'za ki'za zokago ke hunentaze.

52 Benditosea Yahvé por siempre. Amén, y amén.

Ra Anumzana ragi amivava hugahune. Tamage, tamage.