Proverbios 22

1 Vale más el buen nombre que grandes riquezas, y más que la plata y el oro, la buena estima.

Vahe'mo'ma knare kagi'ma kami'zamo'a, rama'a fenoma ante'zana agatere'ne. Hagi vahe'mo'ma kagri'ma kavesigante zamo'a, goline silvanena agatere'ne.

2 El rico y el pobre viven en mutua oposición; sin embargo, a entrambos los hizo Yahvé.

Feno vahe'ene amunte omane vahe'enena, Ra Anumzamo ana tarega vahera tro huzanantege'ne mani'na'e.

3 El prudente ve venir el mal, y se precave, el necio pasa adelante y sufre el daño.

Antahi ankere antahi'zane vahe'mo'a, hazenke zama ne-esigeno'a negeno maniganesigeno agateregahianagi, knare antahizama omane vahe'mo'a, hazenkema fore'ma nehanigeno'a, negeno vuno ana hazenkezana erino knazampina manigahie.

4 Frutos de la humildad son: el temor de Dios, riqueza, honra y vida.

Agra'a avufga anteramino nemanino, Ra Anumzamofonku'ma koro hunteno, agorga'ama mani'zamo'a, rama'a fenoza nentesankeno kagia husga nehanagenka, za'za kna manigahane.

5 Espinas y lazos hay en el camino del perverso; guarda su alma quien se aleja de ellos.

Akrahe krahe avu'ava ene vahe'ma nevaza kampina, ave'ave zane vahe'ma azeri kukone me'ne. Hianagi iza'o agra'ama kegavama himo'a afete nemanie.

6 Enseña al niño el camino que debe seguir, y llegado a la vejez no se apartará de él.

Mofavreka'a knare kante'ma vu'za rempi humigeno knare kante nevuno, rama hanuno'a, ana avu'avara atreno rukrehe osino.

7 El rico domina a los pobres, y el que toma prestado sirve al que le presta.

Feno vahe'mo'za zamunte omne vahera, kegava hunezamantaze. Hagi zagoma nofi'ma nehaza vahe'mo'za zago'ama nofi'ma haza ne'mofo kazokazo eri'za vahe nemanize.

8 Quien siembra iniquidad cosecha desdicha, y será quebrada la vara de su furor.

Kefozama krinenimo'a, henka ne'zama'a hazenke'za kafigahie. Hagi vahe'ma zamazeri havizama nehia himamu'amo'a, vagaregahie.

9 El ojo compasivo será bendito, porque parte su pan con el pobre.

Iza'o zamunte'ma omane naga'ma muse zampinti'ma ne'zama zamisia vahera, Ra Anumzamo'a asomu huzamantegahie.

10 Echa fuera al altivo, y se irá la discordia, cesarán las contiendas y las afrentas.

Kehu haviza hu vahera zamahe anati atrenkeno, vahe'ma huhavizama hu'zane, ha'ma hu'zane, fragema hu'zana vagareno.

11 Quien ama la pureza de corazón y tiene la gracia del bien hablar, es amigo del rey.

Agu'amo'ma agru nehanigeno, fru kema huzanku avenesisimo'a, kini ne'mofo rone'a manigahie.

12 Los ojos de Yahvé protegen a los sabios, pues Él desbarata los planes de los pérfidos.

Ra Anumzamo'a antahi'zama erizante avu'a anteno kegava nehianagi, hazenke vahe'mofo kea erinetre.

13 Dice el perezoso: “Un león anda por la calle; seré devorado en medio de la plaza.”

Feru vahe'mo'a amanage nehie, megi'a laioni mani'neankino, vanuana nahe frigahie huno nehie.

14 Fosa profunda es la boca de la extraña; quien es objeto de la ira de Yahvé cae en ella.

Savri a'mofo agipinti'ma ne-ea kemo'a, muri kankna hu'ne, izano Ra Anumzamo'ma arimpa hentesimo'a, ana muri kampi tamigahie.

15 La necedad se pega al corazón del joven, mas la vara de corrección la arroja fuera.

Mofavremofo agu'afina negi'nagi avu'avazamo avitegahianagi, kanoma amino azeri fatgoma hu'zamo ana avu'ava zampintira azeri arukrahe hugahie.

16 Quien oprime al pobre, lo enriquece; quien da al rico, lo empobrece.

Fenozami mago'ane eri rama'a hunaku'ma zamunte omane vahe kna zamiza zamazeri haviza nehaza vahe'ene, feno vahe'ma musezama nezamiza vahe'mokizmia, zamuntera omanegahie.

17 Inclina tu oído y escucha las palabras de los sabios; aplica tu corazón a mis enseñanzas;

Knare antahi'zane vahe'mofo kere kagesa antenka antahise nehunka, nagrama rempima hugamisuaza huo.

18 porque es cosa dulce conservarlas en tu corazón, y tenerlas siempre prontas en tus labios.

Na'ankure anankemo'a knare hu'neankinka kagu'afi erintenankeno ana kemo'a, kagitera me'ne'na kea hutere hugahane.

19 Para que tu confianza se apoye en Yahvé, quiero hoy darte esta instrucción.

Nagra menina rempi hunegamugu, nentahinka Ra Anumzamofonte kagranena kamentinti huo.

20 ¿No te he escrito cosas excelentes en forma de consejos y enseñanzas,

Nagra 30'a knare kegaga krentegantenofina, kavumro kene, antahiza eri zamofo naneke kregaminoankinka,

21 para mostrarte la certeza de las palabras de verdad, a fin de que sepas dar claras respuestas a tus mandantes?

ama ana kereti tamage kea rempi hunka antahinenka, iza'o tamage kegu'ma hugantenigenka e'nesamofona fatgo'are kenona ome asamigahane.

22 No despojes al pobre, porque es pobre, ni oprimas en juicio al desvalido;

Zamunte omane vahe'mokizmi zana ohanareho, na'ankure zamagra zamunte omane vahe mani'naze. Hagi zamunte omanesige'zama atupama hu'nesaza vahera, keagarera zamavarenteta zamazeri havizana osiho.

23 pues Yahvé defenderá su causa y quitará la vida a los que lo despojan.

Na'ankure Ra Anumzamo'a, zamunte omane vahera zamahokeno zamazeri havizama hanaza vahe'mokizmia, zamazeri haviza hugahie.

24 No seas de aquellos que se obligan con aquel que no puede dominar su furor,

Arimpa hevava vahera rone huonto, ame huno rimpahe vahe'enena tagro oto,

25 no sea que aprendas sus caminos, y prepares un lazo para tu alma.

ru ana vahe zamavu'zamava enerisankeno, kukomo kazeriankna huno kagu'a kazeri haviza hugahie.

26 No seas de aquellos que se obligan con apretón de manos, y por deudas ajenas prestan caución.

Mago vahera huvempa hunka mago'za hugantegahue osuo. Hagi ru vahe'mo'ma nofi'ma hu'nesigenka, ana nofi'ma hu'nea zana nagra vakanentegahue hunka osuo.

27 Porque si no tienes con qué pagar, te quitarán la cama de debajo de tu cabeza.

Anama nofi'ma hu'nesaza zama apa osesanke'za miko zanka'ane, tafe'ma masinkama nemasesana zanena eri vagaregahaze.

28 No trasplantes los hitos antiguos, los que plantaron tus padres.

Tamagehe'mo'za ko'ma re'nenaza kanagi kana, akasi kantutretma rumofo mopa eri havia osiho.

29 Mira al hombre hábil en su trabajo; ante los reyes estará y no quedará entre la plebe.

Eri'zama eri antahi'zama eri'nea ne'mofo eri'zana negano? Agra kini vahe'mokizmi eri'za vahe nemanino, agi omane vahe'mofo eri'za vahera omanigahie.