Sabuurradii 96

1 Rabbiga gabay cusub ugu gabya, Dadka dhulka oo dhammow, Rabbiga u gabya.

Sing to Jehovah a new song. Sing to Jehovah, all the earth.

2 Rabbiga u gabya, oo magiciisa ammaana, Oo badbaadintiisana muujiya maalin ka maalin.

Sing to Jehovah. Bless his name. Proclaim his salvation from day to day.

3 Ammaantiisa quruumaha dhexdooda ka sheega, Oo shuqulkiisa yaabka badanna dadyowga oo dhan ka dhex sheega.

Declare his glory among the nations, his marvelous works among all the peoples.

4 Waayo, Rabbigu waa weyn yahay, waana mudan yahay in aad loo ammaano. Isaga waa in laga cabsadaa in ka sii badan ilaahyada oo dhan.

For great is Jehovah, and greatly to be praised. He is to be feared above all gods.

5 Waayo, dadyowga ilaahyadooda oo dhammu waa sanamyo, Laakiinse Rabbigu isagaa sameeyey samooyinka.

For all the gods of the peoples are idols, but Jehovah made the heavens.

6 Sharaf iyo haybaduba hortiisay yaalliin, Xoog iyo quruxuna meeshiisa quduuska ah ayay ku jiraan.

Honor and majesty are before him. Strength and beauty are in his sanctuary.

7 Dadka qolooyinkiisow, Rabbiga ammaana, Waxaad Rabbiga ka sheegtaan ammaan iyo xoog.

Ascribe to Jehovah, you families of nations, ascribe to Jehovah glory and strength.

8 Waxaad Rabbiga ka sheegtaan ammaanta magiciisu mudan yahay, Qurbaan keena, oo barxadihiisa soo gala.

Ascribe to Jehovah the glory due to his name. Bring an offering, and come into his courts.

9 Rabbiga ku caabuda quruxda quduusnimada, Dadka dhulka oo dhammow, hortiisa ku gariira.

Worship Jehovah in holy array. Tremble before him, all the earth.

10 Quruumaha dhexdooda waxaad ka tidhaahdaan, Rabbigaa taliya, Oo duniduna waxay u dhisan tahay si aan la dhaqaajin karin, Dadyowgana wuxuu ugu garsoori doonaa caddaalad.

Say among the nations, "Jehovah reigns." The world is also established. It can't be moved. He will judge the peoples with equity.

11 Haddaba samooyinku ha farxeen, dhulkuna ha reyreeyo, Oo badda iyo waxa ka buuxaaba, ha guuxeen,

Let the heavens be glad, and let the earth rejoice. Let the sea roar, and its fullness.

12 Berriga iyo waxa ku jira oo dhammuna ha farxeen, Oo markaasay dhirta duurka oo dhammu Rabbiga hortiisa ku gabyi doonaan farxad daraaddeed,

Let the field and all that is in it exult. Then all the trees of the woods shall sing for joy

13 Waayo, isagu waa imanayaa, Oo wuxuu u imanayaa inuu dunida xukumo. Isagu wuxuu dunida ku xukumi doonaa xaqnimo, Dadyowgana runtiisa.

before Jehovah; for he comes, for he comes to judge the earth. He will judge the world with righteousness, the peoples with his truth.