Sabuurradii 71

1 Rabbiyow, adigaan isku kaa halleeyaa, Yaanan weligay wareerin.

In you, O LORD, do I put my trust: let me never be put to confusion.

2 Xaqnimadaada igu samatabbixi oo i nabad geli, Dhegta ii dhig, oo i badbaadi.

Deliver me in your righteousness, and cause me to escape: incline your ear unto me, and save me.

3 Ii noqo dhagax weyn oo rug ah, oo aan had iyo goorba ku noqnoqdo, Waxaad amar ku bixisay in lay badbaadsho, Waayo, adigu waxaad tahay dhagax weyn oo ii gabbaad ah iyo qalcaddayda.

Be you my strong habitation, unto which I may continually resort: you have given commandment to save me; for you are my rock and my fortress.

4 Ilaahayow, iga badbaadi kan sharka leh gacantiisa, Iyo gacanta xaqlaawaha iyo ninka nacabkaa.

Deliver me, O my God, out of the hand of the wicked, out of the hand of the unrighteous and cruel man.

5 Waayo, Sayidow Ilaahow, waxaad tahay rajadayda, Oo waxaad tahay kii aan isku hallaynayay tan iyo yaraantaydii.

For you are my hope, O Lord GOD: you are my trust from my youth.

6 Tan iyo uurkii hooyaday adigaa i tiirinayay, Waxaad tahay kii iga soo bixiyey uurkii hooyaday, Had iyo goorba adigaan ku ammaani doonaa.

By you have I been held up from the womb: you are he that took me out of my mother's bowels: my praise shall be continually of you.

7 Anigu kuwo badan baan u ahay sidii wax yaab leh, Laakiinse adigu waxaad ii tahay magangal xoog leh.

I am as a wonder unto many; but you are my strong refuge.

8 Maalin kasta waxaa afkayga ka buuxi doona Ammaantaada iyo sharaftaada.

Let my mouth be filled with your praise and with your honour all the day.

9 Ha i tuurin markaan gaboobo, Oo ha i dayrin markaan itaal darnaado.

Cast me not off in the time of old age; forsake me not when my strength fails.

10 Waayo, cadaawayaashaydu waxay ka hadlaan wax igu saabsan, Oo kuwa naftayda inay iga qaadaan doonayaana way wada arrinsadaan,

For mine enemies speak against me; and they that lay wait for my soul take counsel together,

11 Oo waxay isyidhaahdaan, Ilaah baa dayriyey, Haddaba ka daba taga oo qabta, waayo, ma jiro mid samatabbixinayaa.

Saying, God has forsaken him: persecute and take him; for there is none to deliver him.

12 Ilaahow, ha iga fogaan, Ilaahayow, soo dhaqso oo i caawi.

O God, be not far from me: O my God, make haste for my help.

13 Kuwa naftayda cadaawayaal ku ahu ha ceeboobeen oo ha baabba'een, Oo kuwa waxyeelladayda doondoonayana ceeb iyo sharafdarro ha ku bateen.

Let them be confounded and consumed that are adversaries to my soul; let them be covered with reproach and dishonour that seek my hurt.

14 Laakiinse anigu had iyo goorba wax baan rajaynayaa, Oo weliba waan kuu sii ammaanayaa aad iyo aad.

But I will hope continually, and will yet praise you more and more.

15 Afkaygu wuxuu maalinta oo dhan ka sheekayn doonaa xaqnimadaada, iyo badbaadintaada, Waayo, anigu ma aqaan intay tiro le'eg yihiin.

My mouth shall show forth your righteousness and your salvation all the day; for I know not the numbers thereof.

16 Waxaan la imanayaa Sayidka Ilaahaa shuqulladiisa xoogga leh, Oo waxaan ka hadli doonaa xaqnimadaada, taasoo ah taada oo keliya.

I will go in the strength of the Lord GOD: I will make mention of your righteousness, even of your only.

17 Ilaahow, wax baad i bari jirtay tan iyo yaraantaydii, Oo ilaa haatanna waxaan caddayn jiray shuqulladaada yaabka badan.

O God, you have taught me from my youth: and until now have I declared your wondrous works.

18 Ilaahow, ha i dayrin, xataa markaan gaboobo oo madaxaygu cirroobo, Jeeraan xooggaaga uga warramo farcanka dambe Oo aan itaalkaaga uga sheekeeyo mid kasta oo hadda ka dib imanaya.

Now also when I am old and greyheaded, O God, forsake me not; until I have showed your strength unto this generation, and your power to every one that is to come.

19 Ilaahow, xaqnimadaadu aad iyo aad bay u sarraysaa, Ilaahow, adiga oo waxyaalaha waaweyn sameeyey, Bal yaa kula mid ah?

Your righteousness also, O God, is very high, who have done great things: O God, who is like unto you!

20 Adiga oo na tusay dhibaatooyin badan oo aad u xun, Ayaa haddana na noolayn doona, Oo haddana waxaad naga soo saari doontaa dhulka moolkiisa.

You, which have showed me great and sore troubles, shall restore life in me again, and shall bring me up again from the depths of the earth.

21 Weynaantayda ii sii kordhi, Oo intaad soo jeesatid i qalbi qabooji.

You shall increase my greatness, and comfort me on every side.

22 Ilaahow, waxaan kugu ammaani doonaa alaab muusiko ah, Oo runtaadaan ammaani doonaa, Israa'iil kiisa Quduuska ahow, Waxaan ammaan kuugula gabyi doonaa kataarad.

I will also praise you with the psaltery, even your truth, O my God: unto you will I sing with the harp, O you Holy One of Israel.

23 Bushimahaygu aad bay ugu farxi doonaan, markaan ammaan kuugu gabyo, Oo xataa naftaydii aad soo furatayna way rayrayn doonta.

My lips shall greatly rejoice when I sing unto you; and my soul, which you have redeemed.

24 Oo weliba carrabkayguna maalinta oo dhan wuxuu ka sheekayn doonaa xaqnimadaada, Waayo, kuwa waxyeelladayda doondoonayaa way ceeboobaan, oo way isku wareeraan.

My tongue also shall talk of your righteousness all the day long: for they are confounded, for they are brought unto shame, that seek my hurt.