Maahmaahyadii 28
1 Kuwa sharka lahu waxay cararaan iyadoo aan ciduna eryanayn, Laakiinse kuwa xaqa ahu waxay u dhiirran yihiin sida libaax oo kale.
| נסו ואין רדף רשע וצדיקים ככפיר יבטח׃ |
2 Waddan xadgudubkiisa aawadiis amiirradu way badan yihiin, Laakiinse ninkii waxgarasho iyo aqoon leh dowladdiisu way sii raagtaa.
| בפשע ארץ רבים שריה ובאדם מבין ידע כן יאריך׃ |
3 Miskiin masaakiinta dulmaa Waa sida roob dhulka xaadha oo aan cunto ka tegin.
| גבר רש ועשק דלים מטר סחף ואין לחם׃ |
4 Kuwa sharciga ka tagaa waxay ammaanaan kuwa sharka leh, Laakiinse kuwa sharciga dhawra ayaa iyaga la dirira.
| עזבי תורה יהללו רשע ושמרי תורה יתגרו בם׃ |
5 Nimanka sharka lahu garsooridda ma gartaan, Laakiinse kuwa Rabbiga doondoonaa wax walbay gartaan.
| אנשי רע לא יבינו משפט ומבקשי יהוה יבינו כל׃ |
6 Kii jidad qalloocan ku socda, in kastoo uu taajir yahay, Waxaa ka roon miskiinka daacadnimadiisa ku socda.
| טוב רש הולך בתמו מעקש דרכים והוא עשיר׃ |
7 Ku alla kii sharciga dhawraa waa wiil caqli leh, Laakiinse kii raaca kuwa cirta weyn, aabbihiisuu ceebeeyaa.
| נוצר תורה בן מבין ורעה זוללים יכלים אביו׃ |
8 Kii korsaar iyo ribo maalkiisa ku korodhsadaa, Wuxuu u ururin doonaa mid masaakiinta u naxariista.
| מרבה הונו בנשך ובתרבית לחונן דלים יקבצנו׃ |
9 Kii dhegtiisa ka leexiya inuu sharciga maqlo, Xataa baryootankiisu waa karaahiyo.
| מסיר אזנו משמע תורה גם תפלתו תועבה׃ |
10 Ku alla kii kuwa xaqa ah jid shar ah ku ambiyaa, Isagaa ku dhici doona godkiisa, Laakiinse kuwa qummanu wax wanaagsan bay dhaxli doonaan.
| משגה ישרים בדרך רע בשחותו הוא יפול ותמימים ינחלו טוב׃ |
11 Taajirku waa isla caqli weyn yahay, Laakiinse miskiinka waxgarashada leh ayaa isaga kashifa.
| חכם בעיניו איש עשיר ודל מבין יחקרנו׃ |
12 Kuwa xaqa ahu markay guulaystaan, waxaa jirta ammaan weyn, Laakiinse markii kuwa sharka lahu sara kacaan dadku waa dhuuntaa.
| בעלץ צדיקים רבה תפארת ובקום רשעים יחפש אדם׃ |
13 Kii xadgudubyadiisa qariyaa ma liibaani doono, Laakiinse kii qirta oo haddana ka tagaa, naxariis buu heli doonaa.
| מכסה פשעיו לא יצליח ומודה ועזב ירחם׃ |
14 Ninkii mar kasta cabsadaa waa barakaysan yahay, Laakiinse kii qalbigiisa sii adkeeyaa masiibuu ku dhici doonaa.
| אשרי אדם מפחד תמיד ומקשה לבו יפול ברעה׃ |
15 Taliyihii shar lahu wuxuu dadka masaakiintaa ku yahay Sida libaax ciyaya iyo sida orso weerar ah oo kale.
| ארי נהם ודב שוקק משל רשע על עם דל׃ |
16 Amiirkii garaaddaranu waa nin dulun weyn, Laakiinse kii neceb faa'iidada xaqdarrada ah cimrigiisuu dheerayn doonaa.
| נגיד חסר תבונות ורב מעשקות שנאי בצע יאריך ימים׃ |
17 Ninkii nin dhiiggiis qabaa Wuxuu u carari doonaa godka, oo ninna yaanu ka joojin.
| אדם עשק בדם נפש עד בור ינוס אל יתמכו בו׃ |
18 Ku alla kii si qumman u socda waa la samatabbixin doonaa, Laakiinse kii si qalloocan laba jid ugu socdaa haddiiba wuu dhici doonaa.
| הולך תמים יושע ונעקש דרכים יפול באחת׃ |
19 Kii dhulkiisa beertaa, cunto badan buu ka dhergi doonaa, Laakiinse kii waxmatarayaal raacaa wuxuu ka dhergi doonaa caydhnimo.
| עבד אדמתו ישבע לחם ומרדף רקים ישבע ריש׃ |
20 Ninkii aamin ahu aad buu u barakoobi doonaa, Laakiinse kii taajirnimo ku degdegaa ma taqsiir la'aan doono.
| איש אמונות רב ברכות ואץ להעשיר לא ינקה׃ |
21 Ma wanaagsana in dadka loo kala eexdo, Iyo inuu nin xabbad kibis ah u xadgudbo toona.
| הכר פנים לא טוב ועל פת לחם יפשע גבר׃ |
22 Kii taajirnimo ku degdegaa waa qumay, Mana oga inuu caydhoobi doono.
| נבהל להון איש רע עין ולא ידע כי חסר יבאנו׃ |
23 Kii nin canaantaa wuxuu marka dambe heli doonaa Raallinimo ka badan kan carrabka ku faaniya.
| מוכיח אדם אחרי חן ימצא ממחליק לשון׃ |
24 Kii aabbihiis ama hooyadiis wax ka dhaca oo haddana yidhaahda, Taasu xadgudub ma aha, Wuxuu saaxiib la yahay kii wax dumiya.
| גוזל אביו ואמו ואמר אין פשע חבר הוא לאיש משחית׃ |
25 Kii hunguri weynu muran buu kiciyaa, Laakiinse kii Rabbiga isku halleeya waa la barwaaqaysiin doonaa.
| רחב נפש יגרה מדון ובוטח על יהוה ידשן׃ |
26 Kii qalbigiisa isku halleeyaa waa nacas, Laakiinse ku alla kii si caqli ah u socda waa la samatabbixin doonaa.
| בוטח בלבו הוא כסיל והולך בחכמה הוא ימלט׃ |
27 Kii miskiinka wax siiyaa ma baahan doono, Laakiinse kii indhaha ka qarsada aad baa loo habaari doonaa.
| נותן לרש אין מחסור ומעלים עיניו רב מארות׃ |
28 Markii kuwa sharka lahu kacaan dadku waa dhuuntaa, Laakiinse markay halligmaan, kuwa xaqa ahu way sii kordhaan.
| בקום רשעים יסתר אדם ובאבדם ירבו צדיקים׃ |
