Maahmaahyadii 14
1 Naag kastoo caqli lahu gurigeeday dhistaa, Laakiinse nacasaddu gacmaheeday ku dumisaa.
| חכמות נשים בנתה ביתה ואולת בידיה תהרסנו |
2 Kii qummanaantiisa ku socda ayaa Rabbiga ka cabsada, Laakiinse kii jidkiisa ku qalloocan wuu quudhsadaa isaga.
| הולך בישרו ירא יהוה ונלוז דרכיו בוזהו |
3 Afka nacasyada waxaa ka soo biqla kibir; Laakiinse kuwa caqliga leh bushimahooda ayaa iyaga dhawri doona.
| בפי-אויל חטר גאוה ושפתי חכמים תשמורם |
4 Meeshii aan dibi joogin qabaalkii ay wax ka cuni jireen waa baabbah; Laakiinse kordhinta badanu waxay ku timaadaa xoogga dibiga.
| באין אלפים אבוס בר ורב-תבואות בכח שור |
5 Markhaatigii aamin ahu been ma sheego, Laakiinse markhaatigii been ahu been buu ku hadlaa.
| עד אמונים לא יכזב ויפיח כזבים עד שקר |
6 Kii wax quudhsadaa xigmad buu doondoonaa, mana helo, Laakiinse aqoontu waa u fudud dahay kii waxgarasho leh.
| בקש-לץ חכמה ואין ודעת לנבון נקל |
7 Nacaska hortiisa ka fogow, Waayo, bushimihiisa aqoon ka heli maysid.
| לך מנגד לאיש כסיל ובל-ידעת שפתי-דעת |
8 Ninkii miyir leh xigmaddiisu waa inuu jidkiisa gartaa, Laakiinse nacasyada nacasnimadoodu waa khiyaano.
| חכמת ערום הבין דרכו ואולת כסילים מרמה |
9 Nacasyadu dembigay ku majaajiloodaan, Laakiinse kuwa qumman waxaa ku dhex jirta raallinimo.
| אולים יליץ אשם ובין ישרים רצון |
10 Qalbigu qadhaadhnimadiisuu yaqaan, Oo shisheeyena farxaddiisa lama qaybsado.
| לב--יודע מרת נפשו ובשמחתו לא-יתערב זר |
11 Guriga kuwa sharka leh waa la afgembiyi doonaa, Laakiinse taambuugga kuwa qummanu waa barwaaqoobi doonaa.
| בית רשעים ישמד ואהל ישרים יפריח |
12 Waxaa jirta waddo dadka la hagaagsan, Laakiinse dhammaadkeedu waa waddooyinka dhimashada.
| יש דרך ישר לפני-איש ואחריתה דרכי-מות |
13 Qalbigu xataa qosol waa ku murugoodaa, Oo farxad dhammaadkeeduna waa caloolxumo.
| גם-בשחק יכאב-לב ואחריתה שמחה תוגה |
14 Kii xaqnimada qalbigiisa dib ugaga noqdaa jidkiisuu ka dhergi doonaa, Oo ninkii wanaagsanuna wuxuu ka dhergi doonaa naftiisa.
| מדרכיו ישבע סוג לב ומעליו איש טוב |
15 Kii garaaddaranu eray kasta wuu rumaystaa, Laakiinse kii miyir lahu socodkiisa aad buu u fiiriyaa.
| פתי יאמין לכל-דבר וערום יבין לאשרו |
16 Ninkii caqli lahu waa cabsadaa, oo sharka wuu ka noqdaa; Laakiinse nacasku waa ciishoodaa, wuuna isku kalsoon yahay.
| חכם ירא וסר מרע וכסיל מתעבר ובוטח |
17 Kii degdeg u cadhoodaa nacasnimuu wax ku sameeyaa, Oo ninkii sharnimo hindisana waa la neceb yahay.
| קצר-אפים יעשה אולת ואיש מזמות ישנא |
18 Garaadlaawayaashu nacasnimay dhaxlaan, Laakiinse kuwii miyir leh waxaa madaxa loo saaraa taaj aqoon ah.
| נחלו פתאים אולת וערומים יכתרו דעת |
19 Kuwa sharka lahu kuwa wanaagsan hortooda ayay ku foororsadaan, Oo kuwa xunxunna waxay ku foororsadaan irdaha kuwa xaqa ah.
| שחו רעים לפני טובים ורשעים על-שערי צדיק |
20 Miskiinka xataa deriskiisu waa neceb yahay, Laakiinse taajirku saaxiibbo badan buu leeyahay.
| גם-לרעהו ישנא רש ואהבי עשיר רבים |
21 Kii deriskiisa quudhsadaa wuu dembaabaa, Laakiinse kii miskiinka u naxariistaa waa barakaysan yahay.
| בז-לרעהו חוטא ומחונן עניים (ענוים) אשריו |
22 Kuwa sharka ku fikiraa sow ma qaldamaan? Laakiinse kuwa wanaagga ku fikira waxaa u ahaan doona naxariis iyo run.
| הלוא-יתעו חרשי רע וחסד ואמת חרשי טוב |
23 Hawl kasta faa'iidaa ku jirta, Laakiinse hadalka bushimuhu wuxuu keenaa caydhnimo keliya.
| בכל-עצב יהיה מותר ודבר-שפתים אך-למחסור |
24 Kuwa caqliga leh taajkoodu waa maalkooda, Laakiinse nacasyada nacasnimadoodu waa nacasnimo keliya.
| עטרת חכמים עשרם אולת כסילים אולת |
25 Markhaatigii run ahu nafuu samatabbixiyaa, Laakiinse kii been sheegaa waa khaayin.
| מציל נפשות עד אמת ויפח כזבים מרמה |
26 Rabbiga ka cabsashadiisu waxay leedahay kalsoonaan xoog leh, Oo carruurtiisuna waxay lahaan doonaan meel ay magangalaan.
| ביראת יהוה מבטח-עז ולבניו יהיה מחסה |
27 Rabbiga ka cabsashadiisu waa il nololeed, Si dabinnada dhimashada looga leexdo.
| יראת יהוה מקור חיים-- לסור ממקשי מות |
28 Sharafta boqorku waxay ku jirtaa dadka badnaantiisa, Laakiinse baabba'a amiirku wuxuu ku jiraa dadka yaraantiisa.
| ברב-עם הדרת-מלך ובאפס לאם מחתת רזון |
29 Kii cadhada u gaabiyaa waa garasho badan yahay; Laakiinse kii degdeg u cadhoodaa nacasnimuu sarraysiiyaa.
| ארך אפים רב-תבונה וקצר-רוח מרים אולת |
30 Qalbigii degganu waa nolosha jidhka, Laakiinse hinaaso waa qudhunka lafaha.
| חיי בשרים לב מרפא ורקב עצמות קנאה |
31 Kii miskiinka dulmaa wuxuu caayaa Kan sameeyey, Laakiinse kii ka baahan u naxariistaa wuu murweeyaa.
| עשק דל חרף עשהו ומכבדו חנן אביון |
32 Kii shar leh waxaa lagu afgembiyaa sharnimadiisa, Laakiinse kan xaqa ahu rajuu leeyahay markuu dhinto.
| ברעתו ידחה רשע וחסה במותו צדיק |
33 Xigmaddu waxay taal kii garasho leh qalbigiisa, Laakiinse wixii nacasyada uurkooda ku jiraa waa ismuujiyaa.
| בלב נבון תנוח חכמה ובקרב כסילים תודע |
34 Xaqnimadu quruun way sarraysiisaa, Laakiinse dembigu waa u ceeb dad kasta.
| צדקה תרומם-גוי וחסד לאמים חטאת |
35 Boqorka raallinimadiisa waxaa leh midiidinkii caqli ku shaqeeya, Laakiinse wuxuu u cadhoon doonaa kii ceeb sameeya.
| רצון-מלך לעבד משכיל ועברתו תהיה מביש |
