Ayuub 38
1 Markaasaa Rabbigu Ayuub uga jawaabay dabaysha cirwareenta ah, oo wuxuu ku yidhi,
| ויען יהוה את איוב מן הסערה ויאמר׃ |
2 Waa kuma kan talada ku madoobeeya Erayada aan aqoonta lahayn?
| מי זה מחשיך עצה במלין בלי דעת׃ |
3 Haddaba sida nin rag ah dhexda u gunto, Waayo, wax baan ku weyddiinayaa, oo adna waa inaad ii sheegtaa.
| אזר נא כגבר חלציך ואשאלך והודיעני׃ |
4 Markaan dunida aasaaskeeda dhigay xaggee baad joogtay? Haddaad waxgarad tahay, taas ii sheeg.
| איפה היית ביסדי ארץ הגד אם ידעת בינה׃ |
5 Haddaadse taqaanid yaa qiyaasteeda amray? Amase yaa xadhiggii lagu qiyaasay ku kor fidiyey?
| מי שם ממדיה כי תדע או מי נטה עליה קו׃ |
6 Aasaaskeedase bal xaggee baa lagu dejiyey? Amase yaa dhigay dhagaxa geeska ah
| על מה אדניה הטבעו או מי ירה אבן פנתה׃ |
7 Markay xiddigaha aroorya isla wada heeseen, Oo ay carruurta Ilaah oo dhammu farxad la qayliyeen?
| ברן יחד כוכבי בקר ויריעו כל בני אלהים׃ |
8 Amase yaa badda albaabbo ku xidhay markay u soo faruurantay Sidii wax maxal ka soo baxay,
| ויסך בדלתים ים בגיחו מרחם יצא׃ |
9 Iyo markaan daruurta dharka uga dhigay, Oo aan gudcurka maro lagu duudduubo uga dhigay,
| בשומי ענן לבשו וערפל חתלתו׃ |
10 Oo aan hareeraheeda xad u amray, Oo aan u yeelay qataarro iyo albaabbo,
| ואשבר עליו חקי ואשים בריח ודלתים׃ |
11 Oo aan ku idhi, Ilaa halkan soo gaadh, laakiinse innaba ha soo dhaafin, Oo hirarkaaga kibirka lahu waa inay halkan ku joogsadaan?
| ואמר עד פה תבוא ולא תסיף ופא ישית בגאון גליך׃ |
12 Tan iyo waagii aad dhalatay marna subaxda ma amartay? Waaberigase ma meeshiisaad ogeysiisay,
| המימיך צוית בקר ידעתה שחר מקמו׃ |
13 Si uu u qabsado dhulka darfihiisa, Oo sharrowyada looga hurgufo?
| לאחז בכנפות הארץ וינערו רשעים ממנה׃ |
14 Waa loo beddelaa sidii dhoobo shaabad ka hoosaysa, Oo wax kastaaba waxay kor uga muuqdaan sidii dhar oo kale,
| תתהפך כחמר חותם ויתיצבו כמו לבוש׃ |
15 Oo sharrowyadana iftiinkooda waa loo diiday, Oo gacantii sarraysayna waa la jebiyey.
| וימנע מרשעים אורם וזרוע רמה תשבר׃ |
16 Adigu miyaad badda ilaheeda dhex gashay? Miyaadse moolka salkiisa martay?
| הבאת עד נבכי ים ובחקר תהום התהלכת׃ |
17 Geerida irdaheeda miyaa laguu muujiyey? Miyaadse aragtay irdaha hooska dhimashada?
| הנגלו לך שערי מות ושערי צלמות תראה׃ |
18 Miyaad garanaysaa dhulka ballaadhkiisa? Haddaad waxaas wada taqaanid ii sheeg.
| התבננת עד רחבי ארץ הגד אם ידעת כלה׃ |
19 Rugta iftiinka jidka loo maraa waa xaggee? Gudcurkase meeshiisu waa xaggee,
| אי זה הדרך ישכן אור וחשך אי זה מקמו׃ |
20 Si aad soohdintiisa u martid, Oo aad u garatid wadiiqooyinka gurigiisa loo maro?
| כי תקחנו אל גבולו וכי תבין נתיבות ביתו׃ |
21 Shakila'aan waad taqaan, waayo, adigu wakhtigaas waad dhalanayd Oo cimrigaaguna wuu dheer yahay!
| ידעת כי אז תולד ומספר ימיך רבים׃ |
22 Adigu miyaad dhex gashay meesha barafka cad lagu kaydiyo? Miyaadse aragtay meesha roobdhagaxyaalaha la dhigo,
| הבאת אל אצרות שלג ואצרות ברד תראה׃ |
23 Kuwaasoo aan u kaydsaday wakhtiga dhibaatada, Iyo maalinta dirirta iyo dagaalka?
| אשר חשכתי לעת צר ליום קרב ומלחמה׃ |
24 Iftiinka jidkee baa lagu kala qaybiyaa? Dabaysha barise sidee baa dhulka loogu kor firdhiyaa?
| אי זה הדרך יחלק אור יפץ קדים עלי ארץ׃ |
25 Bal yaa jid u sameeyey biyaha daadka ah, Amase hillaaca onkodka,
| מי פלג לשטף תעלה ודרך לחזיז קלות׃ |
26 Si roob ugu da'o dhul aan binu-aadmina joogin, Iyo cidlada aan ninna degganayn,
| להמטיר על ארץ לא איש מדבר לא אדם בו׃ |
27 Si uu u dherjiyo dhulka cidlo iyo baabba' ah, Oo uu doog jilicsan uga soo bixiyo?
| להשביע שאה ומשאה ולהצמיח מצא דשא׃ |
28 Roobku ma aabbuu leeyahay? Yaase dhalay dhibicyaha sayaxa?
| היש למטר אב או מי הוליד אגלי טל׃ |
29 Barafkuse bal yuu maxalkiisa ka soo baxay? Yaase dhalay sayaxa barafoobay ee cirka ka yimaada?
| מבטן מי יצא הקרח וכפר שמים מי ילדו׃ |
30 Biyihii waxay u adkaadeen sidii dhagax oo kale, Oo moolka korkiisiina wuu barafoobay.
| כאבן מים יתחבאו ופני תהום יתלכדו׃ |
31 Adigu miyaad xidhi kartaa ururka xiddigaha ee Toddobaadyada la yidhaahdo? Miyaadse furi kartaa ururka Oriyon la yidhaahdo?
| התקשר מעדנות כימה או משכות כסיל תפתח׃ |
32 Miyaad kartaa inaad xiddigaha Masarood la yidhaahdo xilligooda soo saarto? Miyaadse ururka xiddigaha ee Orsada la yidhaahdo carruurtiisa la kaxayn kartaa?
| התציא מזרות בעתו ועיש על בניה תנחם׃ |
33 Miyaad taqaan amarrada samooyinka? Dowladnimadoodana ma dhulkaad ku dhisi kartaa?
| הידעת חקות שמים אם תשים משטרו בארץ׃ |
34 Codkaaga miyaad daruuraha kor ugu qaadi kartaa, Si biyo badanu ay kuu daboolaan daraaddeed?
| התרים לעב קולך ושפעת מים תכסך׃ |
35 Miyaad hillaaca diri kartaa, si ay u tagaan, Oo ay kuugu yidhaahdaan, Waa na kan?
| התשלח ברקים וילכו ויאמרו לך הננו׃ |
36 Bal yaa qalbiga xigmadda geliyey? Yaase maanka waxgarashada siiyey?
| מי שת בטחות חכמה או מי נתן לשכוי בינה׃ |
37 Bal yaa daruuraha xigmad ku tirin kara? Yaase qarbeddada samada biyo ka shubi kara,
| מי יספר שחקים בחכמה ונבלי שמים מי ישכיב׃ |
38 Markii boodhku taallooyin noqdo, Oo ciidduna ay isku dhegto?
| בצקת עפר למוצק ורגבים ידבקו׃ |
39 Miyaad karaysaa inaad gool libaax u ugaadhid? Miyaadse dhal libaax dherjin kartaa,
| התצוד ללביא טרף וחית כפירים תמלא׃ |
40 Markay boholahooda ku dhex dhuuntaan, Oo ay hogga u joogaan inay wax gaadaan?
| כי ישחו במעונות ישבו בסכה למו ארב׃ |
41 Bal yaa tukaha cunto ku quudiya, Markii dhashiisu Ilaah u qayshadaan, Oo ay cuntola'aan daraaddeed u warwareegaan?
| מי יכין לערב צידו כי ילדו אל אל ישועו יתעו לבלי אכל׃ |
