Ayuub 33
1 Habase ahaatee, Ayuubow, waan ku baryayaaye, hadalkayga maqal, Oo erayadayda oo dhanna dhegta u dhig.
| ואולם--שמע-נא איוב מלי וכל-דברי האזינה |
2 Bal eeg haatan, afkaygaan furay, Oo carrabkaygu wuxuu ku dhex hadlay afkayga.
| הנה-נא פתחתי פי דברה לשוני בחכי |
3 Erayadaydu waxay sheegi doonaan qummanaanta qalbigayga, Oo bushimahayguna wixii ay yaqaaniin si daacad ah ayay ugu hadli doonaan.
| ישר-לבי אמרי ודעת שפתי ברור מללו |
4 Waxaa i sameeyey Ruuxa Ilaah, Oo waxaa i noolaysa Ilaaha Qaadirka ah neeftiisa.
| רוח-אל עשתני ונשמת שדי תחיני |
5 Haddaba haddaad kartid ii jawaab, Oo hortayda erayada si hagaagsan ugu sheeg oo istaag.
| אם-תוכל השיבני ערכה לפני התיצבה |
6 Bal eeg, aniguba xag Ilaah waxaan ahay sidaada oo kale; Oo anigana waxaa layga uumay dhoobo.
| הן-אני כפיך לאל מחמר קרצתי גם-אני |
7 Bal eeg, nixintaydu kuma cabsiin doonto, Oo gacantayduna kuguma cuslaan doonto.
| הנה אמתי לא תבעתך ואכפי עליך לא-יכבד |
8 Sida xaqiiqada ah dhegahaygaad ku hadashay, Waanan maqlay codkii erayadaada oo leh,
| אך אמרת באזני וקול מלין אשמע |
9 Anigu nadiif baan ahay, oo xadgudubna ma lihi, Xaq ma qabo, oo xumaanuna iguma jirto innaba.
| זך אני בלי-פשע חף אנכי ולא עון לי |
10 Bal eeg, sabab uu igu eedeeyo ayuu iga helaa, Oo wuxuu igu tiriyaa inaan cadowgiisa ahay;
| הן תנואות עלי ימצא יחשבני לאויב לו |
11 Cagahayga wuxuu geliyaa jeebbooyin, Oo jidadkayga oo dhanna wuu wada fiiriyaa.
| ישם בסד רגלי ישמר כל-ארחתי |
12 Bal eeg, waan kuu jawaabi doonaa, haddaba waxan xaq kuma tihid, Waayo, Ilaah baa binu-aadmiga ka sii weyn.
| הן-זאת לא-צדקת אענך כי-ירבה אלוה מאנוש |
13 Haddaba maxaad isaga ula asaraartantaa? Waayo, isagu axwaalkiisa midnaba jawaab kama baxsho.
| מדוע אליו ריבות כי כל-דבריו לא יענה |
14 Waayo, Ilaah wuxuu hadlaa mar, Ama laba jeer, in kastoo aan laga fiirsanayn.
| כי-באחת ידבר-אל ובשתים לא ישורנה |
15 Riyada iyo muujinta habeennimo, Markii hurdo weynu dadka ku soo degto, Oo sariirta lagu gam'o,
| בחלום חזיון לילה--בנפל תרדמה על-אנשים בתנומות עלי משכב |
16 Markaasuu dhegaha binu-aadmiga furaa, Oo waxa iyaga lagu waaniyey ayuu xaqiijiyaa,
| אז יגלה אזן אנשים ובמסרם יחתם |
17 Si uu dadka uga soo celiyo qasdigooda xun, Oo uu binu-aadmiga kibir uga qariyo,
| להסיר אדם מעשה וגוה מגבר יכסה |
18 Oo naftiisana wuxuu dib uga hayaa yamayska, Oo noloshiisana wuxuu ka hayaa seefta.
| יחשך נפשו מני-שחת וחיתו מעבר בשלח |
19 Oo weliba waxaa sariirtiisa lagu kor edbiyaa xanuun, Iyo dagaal joogto ah oo lafihiisa ku dhex jira.
| והוכח במכאוב על-משכבו וריב (ורוב) עצמיו אתן |
20 Sidaas daraaddeed nafsaddiisu kibista way karahsataa, Naftiisuna cuntada macaan way nacdaa.
| וזהמתו חיתו לחם ונפשו מאכל תאוה |
21 Hilibkiisu waa ka mudhuxsan yahay, oo mar dambe lama arki karo; Oo lafihiisii aan la arki jirinuna way soo baxaan.
| יכל בשרו מראי ושפי (ושפו) עצמתיו לא ראו |
22 Hubaal naftiisu waxay ku dhow dahay yamayska, Oo noloshiisuna waxay ku dhow dahay kuwii baabbi'in lahaa.
| ותקרב לשחת נפשו וחיתו לממתים |
23 Hadday la joogi lahayd malaa'ig dhexdhexaadeye ah Oo ah mid kun ka mid ahu, Inay dadka tusto waxa ku qumman,
| אם-יש עליו מלאך--מליץ אחד מני-אלף להגיד לאדם ישרו |
24 Markaas Ilaah baa u naxariista, oo wuxuu leeyahay, Yamayska uu ku sii dhacayo ka samatabbixi, Waayo, furasho baan helay.
| ויחננו--ויאמר פדעהו מרדת שחת מצאתי כפר |
25 Hilibkiisu waa ka sii jilicsanaan doonaa kan ilmaha; Oo wuxuu ku noqdaa wakhtigii dhallinyaranimadiisa.
| רטפש בשרו מנער ישוב לימי עלומיו |
26 Isagu Ilaah buu baryaa, oo isna raalli buu ka noqdaa, Sidaas daraaddeed wejigiisa farxad buu ku arkaa; Oo wuxuu dadka u soo celiyaa xaqnimadiisa.
| יעתר אל-אלוה וירצהו וירא פניו בתרועה וישב לאנוש צדקתו |
27 Isagu dadka hortiisa buu ku gabyaa, oo wuxuu leeyahay, Waan dembaabay, oo waxaan qalloociyey wixii qummanaa, Oo taasuna layguma abaalgudin.
| ישר על-אנשים ויאמר חטאתי וישר העויתי ולא-שוה לי |
28 Isagu naftayduu ka soo furtay yamayskii ay ku dhacaysay, Oo noloshayduna iftiin bay arki doontaa.
| פדה נפשי (נפשו) מעבר בשחת וחיתי (וחיתו) באור תראה |
29 Bal eeg, waxyaalahan oo dhan Ilaah baa binu-aadmiga ku sameeya, Laba ama saddex jeer,
| הן-כל-אלה יפעל-אל-- פעמים שלוש עם-גבר |
30 Si uu naftiisa yamayska uga soo celiyo, In isaga lagu iftiimiyo iftiinka kuwa nool.
| להשיב נפשו מני-שחת-- לאור באור החיים |
31 Ayuubow, i maqal oo aniga i dhegayso: Adigu iska aamus, oo anna waan hadli doonaa.
| הקשב איוב שמע-לי החרש ואנכי אדבר |
32 Haddaad wax odhan lahayd, ii jawaab, Oo hadal, waayo, waxaan jeclahay inaan xaq kaa dhigo.
| אם-יש-מלין השיבני דבר כי-חפצתי צדקך |
33 Haddii kalese, bal i dhegayso: Iska aamus, oo anna xigmad baan ku bari doonaa.
| אם-אין אתה שמע-לי החרש ואאלפך חכמה |
