Бытие 2
1 И совершишася небо и земля, и все украшение их.
| ויכלו השמים והארץ וכל צבאם |
2 И соверши Бог в день шестый дела Своя, яже сотвори: и почи в день седмый от всех дел Своих, яже сотвори.
| ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה |
3 И благослови Бог день седмый, и освяти его: яко в той почи от всех дел Своих, яже начат Бог творити.
| ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות |
4 Сия книга бытия небесе и земли, егда бысть, в оньже день сотвори Господь Бог небо и землю,
| אלה תולדות השמים והארץ בהבראם ביום עשות יהוה אלהים--ארץ ושמים |
5 и всякий злак селный, прежде даже быти на земли, и всякую траву селную, прежде даже прозябнути: не бо одожди Господь Бог на землю, и человек не бяше делати ю:
| וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה |
6 источник же исхождаше из земли и напаяше все лице земли.
| ואד יעלה מן הארץ והשקה את כל פני האדמה |
7 И созда Бог человека, персть (взем) от земли, и вдуну в лице его дыхание жизни: и бысть человек в душу живу.
| וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה |
8 И насади Господь Бог рай во Едеме на востоцех, и введе тамо человека, егоже созда.
| ויטע יהוה אלהים גן בעדן--מקדם וישם שם את האדם אשר יצר |
9 И прозябе Бог еще от земли всякое древо красное в видение и доброе в снедь: и древо жизни посреде рая, и древо еже ведети разуметелное добраго и лукаваго.
| ויצמח יהוה אלהים מן האדמה כל עץ נחמד למראה וטוב למאכל--ועץ החיים בתוך הגן ועץ הדעת טוב ורע |
10 Река же исходит из Едема напаяти рай: оттуду разлучается в четыри начала.
| ונהר יצא מעדן להשקות את הגן ומשם יפרד והיה לארבעה ראשים |
11 Имя единей Фисон: сия окружающая всю землю Евилатскую: тамо убо есть злато.
| שם האחד פישון--הוא הסבב את כל ארץ החוילה אשר שם הזהב |
12 Злато же оныя земли доброе: и тамо есть анфракс и камень зеленый.
| וזהב הארץ ההוא טוב שם הבדלח ואבן השהם |
13 И имя реце вторей Геон: сия окружающая всю землю Ефиопскую.
| ושם הנהר השני גיחון--הוא הסובב את כל ארץ כוש |
14 И река третия Тигр: сия проходящая прямо Ассириом. Река же четвертая Евфрат.
| ושם הנהר השלישי חדקל הוא ההלך קדמת אשור והנהר הרביעי הוא פרת |
15 И взя Господь Бог человека, егоже созда, и введе его в рай Сладости, делати его и хранити.
| ויקח יהוה אלהים את האדם וינחהו בגן עדן לעבדה ולשמרה |
16 И заповеда Господь Бог Адаму, глаголя: от всякаго древа, еже в раи, снедию снеси:
| ויצו יהוה אלהים על האדם לאמר מכל עץ הגן אכל תאכל |
17 от древа же, еже разумети доброе и лукавое, не снесте от него: а в оньже аще день снесте от него, смертию умрете.
| ומעץ הדעת טוב ורע--לא תאכל ממנו כי ביום אכלך ממנו--מות תמות |
18 И рече Господь Бог: не добро быти человеку единому: сотворим ему помощника по нему.
| ויאמר יהוה אלהים לא טוב היות האדם לבדו אעשה לו עזר כנגדו |
19 И созда Бог еще от земли вся звери селныя и вся птицы небесныя, и приведе я ко Адаму видети, что наречет я: и всяко еже аще нарече Адам душу живу, сие имя ему.
| ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו |
20 И нарече Адам имена всем скотом, и всем птицам небесным, и всем зверем земным. Адаму же не обретеся помощник подобный ему.
| ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו |
21 И наложи Бог изступление на Адама, и успе: и взя едино от ребр его, и исполни плотию вместо его.
| ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה |
22 И созда Господь Бог ребро, еже взя от Адама, в жену, и приведе ю ко Адаму.
| ויבן יהוה אלהים את הצלע אשר לקח מן האדם לאשה ויבאה אל האדם |
23 И рече Адам: се, ныне кость от костей моих и плоть от плоти моея: сия наречется жена, яко от мужа своего взята бысть сия.
| ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת |
24 Сего ради оставит человек отца своего и матерь и прилепится к жене своей, и будета два в плоть едину.
| על כן יעזב איש את אביו ואת אמו ודבק באשתו והיו לבשר אחד |
25 И беста оба нага, Адам же и жена его, и не стыдястася.
| ויהיו שניהם ערומים האדם ואשתו ולא יתבששו |
