Бытие 16
1 Сара же жена Аврамля не раждаше ему: бяше же ей раба Египтяныня, ейже имя Агарь.
| ושרי אשת אברם לא ילדה לו ולה שפחה מצרית ושמה הגר׃ |
2 Рече же Сара ко Авраму: се, заключи мя Господь, еже не раждати: вниди убо к рабе моей, да чада сотворю от нея. Послуша же Аврам гласа Сарина.
| ותאמר שרי אל אברם הנה נא עצרני יהוה מלדת בא נא אל שפחתי אולי אבנה ממנה וישמע אברם לקול שרי׃ |
3 И поимши Сара жена Аврамля Агарь Египтяныню рабу свою, по десяти летех вселения Аврамля в земли Ханаани, даде ю в жену Авраму мужу своему.
| ותקח שרי אשת אברם את הגר המצרית שפחתה מקץ עשר שנים לשבת אברם בארץ כנען ותתן אתה לאברם אישה לו לאשה׃ |
4 И вниде ко Агари, и зачат: и виде, яко во чреве имать, и укорена бысть госпожа (ея) пред нею.
| ויבא אל הגר ותהר ותרא כי הרתה ותקל גברתה בעיניה׃ |
5 И рече Сара ко Авраму: обида ми от тебе: аз дах рабу мою в недро твое: она же видевши, яко во чреве имать, укорена бых пред нею: суди Бог между мною и тобою.
| ותאמר שרי אל אברם חמסי עליך אנכי נתתי שפחתי בחיקך ותרא כי הרתה ואקל בעיניה ישפט יהוה ביני וביניך׃ |
6 Рече же Аврам к Саре: се, раба твоя в руку твоею: твори ей, якоже ти есть угодно. И озлоби ю Сара: и отбеже от лица ея.
| ויאמר אברם אל שרי הנה שפחתך בידך עשי לה הטוב בעיניך ותענה שרי ותברח מפניה׃ |
7 И обрете ю Ангел Господень у источника воды в пустыни, у источника на пути Сур.
| וימצאה מלאך יהוה על עין המים במדבר על העין בדרך שור׃ |
8 И рече ей Ангел Господень: Агарь, рабо Сарина, откуду идеши и камо грядеши? И рече: от лица Сары госпожи моея аз бегу.
| ויאמר הגר שפחת שרי אי מזה באת ואנה תלכי ותאמר מפני שרי גברתי אנכי ברחת׃ |
9 Рече же ей Ангел Господень: возвратися к госпоже своей и покорися под руку ея.
| ויאמר לה מלאך יהוה שובי אל גברתך והתעני תחת ידיה׃ |
10 И рече ей Ангел Господень: умножая умножу семя твое, и не сочтется от множества.
| ויאמר לה מלאך יהוה הרבה ארבה את זרעך ולא יספר מרב׃ |
11 И рече ей Ангел Господень: се, ты во чреве имаши и родиши сына, и наречеши имя ему Исмаил: яко услыша Господь смирение твое:
| ויאמר לה מלאך יהוה הנך הרה וילדת בן וקראת שמו ישמעאל כי שמע יהוה אל עניך׃ |
12 сей будет селный человек: руце его на всех, и руки всех на него, и пред лицем всея братии своея вселится.
| והוא יהיה פרא אדם ידו בכל ויד כל בו ועל פני כל אחיו ישכן׃ |
13 И призва Агарь имя Господа глаголющаго к ней: Ты Бог призревый на мя: яко рече: ибо предо мною видех явльшагося мне.
| ותקרא שם יהוה הדבר אליה אתה אל ראי כי אמרה הגם הלם ראיתי אחרי ראי׃ |
14 Сего ради прозва кладязь той: Кладязь, идеже предо мною видех: се между Кадисом и между Варадом.
| על כן קרא לבאר באר לחי ראי הנה בין קדש ובין ברד׃ |
15 И роди Агарь Авраму сына, и нарече Аврам имя сыну своему, егоже роди ему Агарь, Исмаил.
| ותלד הגר לאברם בן ויקרא אברם שם בנו אשר ילדה הגר ישמעאל׃ |
16 Аврам же бе лет осмидесяти шести, егда роди Агарь Авраму Исмаила.
| ואברם בן שמנים שנה ושש שנים בלדת הגר את ישמעאל לאברם׃ |
