Второзаконие 27
1 И заповеда Моисей и старейшины сынов Израилевых, глаголя: сохраните вся заповеди сия, елики аз заповедаю вам днесь.
| ויצו משה וזקני ישראל את העם לאמר שמר את כל המצוה אשר אנכי מצוה אתכם היום׃ |
2 И будет в оньже день прейдете Иордан на землю, юже Господь Бог твой дает тебе во жребий, и поставиши себе камение велико и обелиши я мелом,
| והיה ביום אשר תעברו את הירדן אל הארץ אשר יהוה אלהיך נתן לך והקמת לך אבנים גדלות ושדת אתם בשיד׃ |
3 и напишеши на каменех тех вся словеса закона сего, егда прейдете Иордан, егда внидете в землю, юже Господь Бог твой дает тебе, землю кипящую медом и млеком, якоже рече Господь Бог отец твоих тебе.
| וכתבת עליהן את כל דברי התורה הזאת בעברך למען אשר תבא אל הארץ אשר יהוה אלהיך נתן לך ארץ זבת חלב ודבש כאשר דבר יהוה אלהי אבתיך לך׃ |
4 И будет егда прейдете Иордан, да поставите камение сие, яже аз повелеваю вам днесь, в горе Гевал, и побелиши их мелом:
| והיה בעברכם את הירדן תקימו את האבנים האלה אשר אנכי מצוה אתכם היום בהר עיבל ושדת אותם בשיד׃ |
5 и да созиждеши тамо олтарь Господеви Богу твоему, олтарь от камения: да не возложиши на них железа:
| ובנית שם מזבח ליהוה אלהיך מזבח אבנים לא תניף עליהם ברזל׃ |
6 камением всецелым да созиждеши олтарь Господеви Богу твоему и вознесеши на нем всесожжения Господеви Богу твоему,
| אבנים שלמות תבנה את מזבח יהוה אלהיך והעלית עליו עולת ליהוה אלהיך׃ |
7 и пожреши жертву спасения: и яси, и насытишися тамо, и возвеселишися пред Господем Богом твоим,
| וזבחת שלמים ואכלת שם ושמחת לפני יהוה אלהיך׃ |
8 и напишеши на камениих сих весь закон сей яве зело.
| וכתבת על האבנים את כל דברי התורה הזאת באר היטב׃ |
9 И глагола Моисей и жерцы левити всему Израилю, глаголюще: молчи и слыши, Израилю, в день сей стался еси в люди Господеви Богу твоему:
| וידבר משה והכהנים הלוים אל כל ישראל לאמר הסכת ושמע ישראל היום הזה נהיית לעם ליהוה אלהיך׃ |
10 и да послушаеши гласа Господа Бога твоего, и да сотвориши вся заповеди Его и оправдания Его, яже аз заповедаю тебе днесь.
| ושמעת בקול יהוה אלהיך ועשית את מצותו ואת חקיו אשר אנכי מצוך היום׃ |
11 И заповеда Моисей людем в той день, глаголя:
| ויצו משה את העם ביום ההוא לאמר׃ |
12 сии да станут благословляти люди на горе Гаризин, прешедше Иордан: Симеон, Левий, Иуда, Иссахар, Иосиф и Вениамин:
| אלה יעמדו לברך את העם על הר גרזים בעברכם את הירדן שמעון ולוי ויהודה ויששכר ויוסף ובנימן׃ |
13 и сии да станут на клятву на горе Гевал: Рувим, Гад и Асир, Завулон, Дан и Неффалим.
| ואלה יעמדו על הקללה בהר עיבל ראובן גד ואשר וזבולן דן ונפתלי׃ |
14 И отвещавше рекут левити всему Израилю гласом великим:
| וענו הלוים ואמרו אל כל איש ישראל קול רם׃ |
15 проклят человек, иже сотворит изваяние и слияние, мерзость Господеви, дело рук художника, и положит е в сокровении. И отвещавше вси людие рекут: буди.
| ארור האיש אשר יעשה פסל ומסכה תועבת יהוה מעשה ידי חרש ושם בסתר וענו כל העם ואמרו אמן׃ |
16 Проклят безчестяй отца своего или матерь свою. И рекут вси людие: буди.
| ארור מקלה אביו ואמו ואמר כל העם אמן׃ |
17 Проклят прелагаяй пределы ближняго своего. И рекут вси людие буди.
| ארור מסיג גבול רעהו ואמר כל העם אמן׃ |
18 Проклят прельщаяй слепаго в пути. И рекут вси людие: буди.
| ארור משגה עור בדרך ואמר כל העם אמן׃ |
19 Проклят, иже уклонит суд пришелцу и сироте и вдове. И рекут вси людие: буди.
| ארור מטה משפט גר יתום ואלמנה ואמר כל העם אמן׃ |
20 Проклят лежай с женою отца своего, яко открыл есть покровение отца своего. И рекут вси людие: буди.
| ארור שכב עם אשת אביו כי גלה כנף אביו ואמר כל העם אמן׃ |
21 Проклят лежай со всяким скотом. И рекут вси людие: буди.
| ארור שכב עם כל בהמה ואמר כל העם אמן׃ |
22 Проклят лежай с сестрою своею, дщерию отца своего или дщерию матере своея и рекут вси людие: буди.
| ארור שכב עם אחתו בת אביו או בת אמו ואמר כל העם אמן׃ |
23 Проклят лежай с тещею своею. И рекут вси людие: буди. Проклят лежай с сестрою жены своея. И рекут вси людие: буди.
| ארור שכב עם חתנתו ואמר כל העם אמן׃ |
24 Проклят бияй ближняго с лестию. И рекут вси людие: буди.
| ארור מכה רעהו בסתר ואמר כל העם אמן׃ |
25 Проклят, иже возмет дары поразити душу крове неповинныя. И рекут вси людие: буди.
| ארור לקח שחד להכות נפש דם נקי ואמר כל העם אמן׃ |
26 Проклят всяк человек, иже не пребудет во всех словесех закона сего, еже творити я. И рекут вси людие: буди.
| ארור אשר לא יקים את דברי התורה הזאת לעשות אותם ואמר כל העם אמן׃ |
