Mapisarema 94
1 Haiwa Jehovha, imi Mwari anotsiva, haiwa Mwari iyemi munotsiva, penyai.
| אל נקמות יהוה אל נקמות הופיע׃ |
2 Simukai, imi Mutongi wenyika; tsivai vanozvikudza zvakavafanira.
| הנשא שפט הארץ השב גמול על גאים׃ |
3 Haiwa Jehovha, vakaipa vachasvika riniko, vachasvika riniko vakaipa vachingofara?
| עד מתי רשעים יהוה עד מתי רשעים יעלזו׃ |
4 Vanodurura mashoko okuzvikudza; vose vanoita zvakaipa vazere nokuzvirumbidza.
| יביעו ידברו עתק יתאמרו כל פעלי און׃ |
5 Vanopwanya vanhu venyu, imi Jehovha, vanodzvinyirira nhaka yenyu.
| עמך יהוה ידכאו ונחלתך יענו׃ |
6 Vanouraya chirikadzi nomweni; vanoponda nherera.
| אלמנה וגר יהרגו ויתומים ירצחו׃ |
7 Vanoti, “Jehovha haaoni; Mwari waJakobho haana hanya.”
| ויאמרו לא יראה יה ולא יבין אלהי יעקב׃ |
8 Nzwisisai, imi vasina njere pakati pavanhu; imi mapenzi, muchava vakachenjera riniko?
| בינו בערים בעם וכסילים מתי תשכילו׃ |
9 Ko, iye akasima nzeve, haanganzwi here? Iye akaumba ziso haangaoni here?
| הנטע אזן הלא ישמע אם יצר עין הלא יביט׃ |
10 Ko, iye anoranga ndudzi haangarangi here? Anodzidzisa vanhu angashayiwa zivo here?
| היסר גוים הלא יוכיח המלמד אדם דעת׃ |
11 Jehovha anoziva mirangariro yavanhu; anoziva kuti haina maturo.
| יהוה ידע מחשבות אדם כי המה הבל׃ |
12 Akaropafadzwa munhu anorangwa nemi, iyemi Jehovha, munhu wamunodzidzisa pamurayiro wenyu;
| אשרי הגבר אשר תיסרנו יה ומתורתך תלמדנו׃ |
13 munomuzorodza pamazuva enhamo, kusvikira akaipa achererwa gomba.
| להשקיט לו מימי רע עד יכרה לרשע שחת׃ |
14 Nokuti Jehovha haangarambi vanhu vake; haangambosiyi nhaka yake.
| כי לא יטש יהוה עמו ונחלתו לא יעזב׃ |
15 Kururamisira kuchawanikwa nokuda kwevakarurama, uye vose vakarurama pamwoyo vachakutevera.
| כי עד צדק ישוב משפט ואחריו כל ישרי לב׃ |
16 Ndianiko achandirwira pane vakaipa? Ndianiko achandibatsira pavaiti vezvakaipa?
| מי יקום לי עם מרעים מי יתיצב לי עם פעלי און׃ |
17 Dai Jehovha asina kundibatsira, ndingadai ndakakurumidza kugara parunyararo rworufu.
| לולי יהוה עזרתה לי כמעט שכנה דומה נפשי׃ |
18 Pandakati, “Rutsoka rwangu rwotedzemuka,” rudo rwenyu, imi Jehovha, rwakanditsigira.
| אם אמרתי מטה רגלי חסדך יהוה יסעדני׃ |
19 Pandakava nokufunganya kukuru mandiri, kunyaradza kwenyu kwakandivigira mufaro kumweya wangu.
| ברב שרעפי בקרבי תנחומיך ישעשעו נפשי׃ |
20 Ko, chigaro choushe chino uori chingashamwaridzana nemi here, icho chinouyisa kutambudzika muzvirevo zvacho?
| היחברך כסא הוות יצר עמל עלי חק׃ |
21 Vanobatana pamwe chete kuti varwise vakarurama, vachipomera mhosva yorufu kuna vasina mhosva.
| יגודו על נפש צדיק ודם נקי ירשיעו׃ |
22 Asi Jehovha ndiye ava nhare yangu, uye Mwari wangu ndiye dombo randinotizira.
| ויהי יהוה לי למשגב ואלהי לצור מחסי׃ |
23 Achavatsiva nokuda kwezvivi zvavo, uye achavaparadza nokuda kwezvakaipa zvavo; Jehovha Mwari wedu achavaparadza.
| וישב עליהם את אונם וברעתם יצמיתם יצמיתם יהוה אלהינו׃ |
