Mapisarema 85

1 Kumutungamiri wokuimba waVanakomana vaKora. Pisarema. Makanzwira nyasha nyika yenyu, imi Jehovha; makadzosera Jakobho nhaka yake.

To the chief Musician, A Psalm for the sons of Korah. LORD, thou hast been favourable to thy land: thou hast brought back the captivity of Jacob.

2 Makakanganwira kutadza kwavanhu venyu, uye mukafukidza zvivi zvavo zvose. Sera

Thou hast forgiven the iniquity of thy people, thou hast covered all their sin. (Selah)

3 Makaisa parutivi hasha dzenyu dzose, mukadzoka pakutsamwa kwenyu kunotyisa.

Thou hast taken away all thy wrath: thou hast turned thyself from the fierceness of thy anger.

4 Tidzoreizve, imi Mwari Muponesi wedu, mugoisa kure nemi kusafara kwenyu pamusoro pedu.

Restore us, O God of our salvation, and cause thy anger toward us to cease.

5 Mucharamba makatitsamwira nokusingaperi here? Mucharega kutsamwa kwenyu kuripo kusvikira kuzvizvarwa zvose here?

Wilt thou be angry with us for ever? wilt thou draw out thy anger to all generations?

6 Ko, hamungatimutsiridzizve here, kuti vanhu venyu vagofara mamuri?

Wilt thou not revive us again: that thy people may rejoice in thee?

7 Tiratidzei ngoni dzenyu, imi Jehovha, mugotipawo ruponeso rwenyu.

Show us thy mercy, O LORD, and grant us thy salvation.

8 Ndichateerera zvichataurwa naJehovha Mwari; anovimbisa rugare kuvanhu vake, vatsvene vake, asi ngavasadzokerazve kuupenzi.

I will hear what God the LORD will speak: for he will speak peace to his people, and to his saints: but let them not turn again to folly.

9 Chokwadi, ruponeso rwake rwuri pedyo navanomutya, kuti kubwinya kwake kugogara munyika yedu.

Surely his salvation is near them that fear him; that glory may dwell in our land.

10 Rudo nokutendeka zvinosangana pamwe chete; kururama norugare zvinosvetana.

Mercy and truth are met together; righteousness and peace have kissed each other.

11 Kutendeka kunomera panyika, kururama kunotarira pasi kuri kudenga.

Truth shall spring out of the earth; and righteousness shall look down from heaven.

12 Chokwadi, Jehovha achapa zvinhu zvakanaka, uye nyika yedu ichabereka mukoho wayo.

Yea, the LORD shall give that which is good; and our land shall yield her increase.

13 Kururama kuchamutungamirira, uye kuchamugadzirira nzira yetsoka dzake.

Righteousness shall go before him; and shall set us in the way of his steps.