Mapisarema 81
1 Kumutungamiri wokuimba. Namaimbirwo egititi. Pisarema raAsafi. Imbirai Mwari nomufaro iye simba redu; danidzirai kuna Mwari waJakobho!
| למנצח על הגתית לאסף הרנינו לאלהים עוזנו הריעו לאלהי יעקב׃ |
2 Vambai rwiyo, muridze tambureni, ridzai mbira dzinonakidza nomutengeranwa.
| שאו זמרה ותנו תף כנור נעים עם נבל׃ |
3 Ridzai runyanga rwehwai paKugara kwoMwedzi, uye pakuchena kwomwedzi, pazuva roMutambo wedu;
| תקעו בחדש שופר בכסה ליום חגנו׃ |
4 ichi ndicho chirevo chaIsraeri, chakatarwa naMwari waJakobho.
| כי חק לישראל הוא משפט לאלהי יעקב׃ |
5 Akachisimbisa somutemo wakanyorwa waJosefa panguva yaakandorwa neIjipiti, uko kwatakanzwa mutauro watakanga tisinganzwisisi.
| עדות ביהוסף שמו בצאתו על ארץ מצרים שפת לא ידעתי אשמע׃ |
6 Iye anoti, “Ndakabvisa mutoro pamapfudzi avo; maoko avo akasunungurwa padengu.
| הסירותי מסבל שכמו כפיו מדוד תעברנה׃ |
7 Pakutambudzika kwako wakadana ini ndikakununura, ndakakupindura ndiri mugore rokutinhira; ndakakuedza pamvura zhinji yeMeribha. Sera
| בצרה קראת ואחלצך אענך בסתר רעם אבחנך על מי מריבה סלה׃ |
8 “Inzwai, imi vanhu vangu, uye ndichakuyambirai, kana mukada chete kunditeerera, imi Israeri!
| שמע עמי ואעידה בך ישראל אם תשמע לי׃ |
9 Pakati penyu ngaparege kuva namwari wavatorwa, musapfugamira mwari wokumwe.
| לא יהיה בך אל זר ולא תשתחוה לאל נכר׃ |
10 Ndini Jehovha Mwari wako, akakubudisa kubva munyika yeIjipiti. Shamisa muromo wako kwazvo, ndigouzadza.
| אנכי יהוה אלהיך המעלך מארץ מצרים הרחב פיך ואמלאהו׃ |
11 “Asi vanhu vangu havana kuda kundinzwa, Israeri haana kuda kuzviisa pasi pangu.
| ולא שמע עמי לקולי וישראל לא אבה לי׃ |
12 Saka ndakavaregera paukukutu hwemwoyo yavo, kuti vatevere mano avo.
| ואשלחהו בשרירות לבם ילכו במועצותיהם׃ |
13 “Kana vanhu vangu vakada kunditeerera, kana Israeri akada kutevera nzira dzangu,
| לו עמי שמע לי ישראל בדרכי יהלכו׃ |
14 ndaikurumidza kukunda sei vavengi vavo nokurova vavengi vavo noruoko rwangu!
| כמעט אויביהם אכניע ועל צריהם אשיב ידי׃ |
15 Vaya vanovenga Jehovha vachatya pamberi pake, uye kurangwa kwavo kuchagara nokusingaperi.
| משנאי יהוה יכחשו לו ויהי עתם לעולם׃ |
16 Asi imi muchagutswa nezviyo zvakaisvonaka; uye ndichakugutsai nouchi hunobva padombo.”
| ויאכילהו מחלב חטה ומצור דבש אשביעך׃ |
