Mapisarema 8

1 Kumutungamiri wokuimba negititi. Pisarema raDhavhidhi. Haiwa Jehovha, Ishe wedu, zita renyu rakaisvonaka sei panyika yose! Makaisa kubwinya kwenyu kudenga kumusoro.

For the choirmaster. According to Gittith. A Psalm of David. O LORD, our Lord, how majestic is Your name in all the earth! You have set Your glory above the heavens.

2 Pamiromo yavana navacheche makaisa rumbidzo nokuda kwavavengi venyu, kuti munyaradze muvengi nomutsivi.

From the mouths of children and infants You have ordained praise on account of Your adversaries, to silence the enemy and avenger.

3 Kana ndichifunga nezvamatenga enyu, iro basa reminwe yenyu, mwedzi nenyeredzi, zvamakarongedza panzvimbo yazvo,

When I behold Your heavens, the work of Your fingers, the moon and the stars, which You have set in place—

4 munhu chiiko zvamunomufunga, kana mwanakomana womunhu zvamune hanya naye?

what is man that You are mindful of him, or the son of man that You care for him?

5 Makamuita muduku zvishoma pana Mwari, uye mukamushongedza korona yokubwinya nokukudzwa.

You made him a little lower than the angels; You crowned him with glory and honor.

6 Makamuita mutongi pamusoro pebasa ramaoko enyu; mukaisa zvinhu zvose pasi petsoka dzake:

You made him ruler of the works of Your hands; You have placed everything under his feet:

7 makwai ose nemombe, nemhuka dzesango,

all sheep and oxen, and even the beasts of the field,

8 neshiri dzedenga, nehove dzegungwa, zvose zvinofamba munzira dzomugungwa.

the birds of the air and the fish of the sea, all that swim the paths of the seas.

9 Haiwa Jehovha, Ishe wedu, zita renyu rakaisvonaka sei panyika yose!

O LORD, our Lord, how majestic is Your name in all the earth!