Mapisarema 8

1 Kumutungamiri wokuimba negititi. Pisarema raDhavhidhi. Haiwa Jehovha, Ishe wedu, zita renyu rakaisvonaka sei panyika yose! Makaisa kubwinya kwenyu kudenga kumusoro.

O Jehovah, our Lord, how excellent is thy name in all the earth, who has set thy glory upon the heavens!

2 Pamiromo yavana navacheche makaisa rumbidzo nokuda kwavavengi venyu, kuti munyaradze muvengi nomutsivi.

Out of the mouth of babes and sucklings thou have perfected praise, because of thine adversaries, that thou might still the enemy and the avenger.

3 Kana ndichifunga nezvamatenga enyu, iro basa reminwe yenyu, mwedzi nenyeredzi, zvamakarongedza panzvimbo yazvo,

When I consider thy heavens, the work of thy fingers, the moon and the stars, which thou have ordained,

4 munhu chiiko zvamunomufunga, kana mwanakomana womunhu zvamune hanya naye?

what is man that thou remember him? And the son of man that thou succor him?

5 Makamuita muduku zvishoma pana Mwari, uye mukamushongedza korona yokubwinya nokukudzwa.

For thou have made him but little lower than agents, and crowned him with glory and honor.

6 Makamuita mutongi pamusoro pebasa ramaoko enyu; mukaisa zvinhu zvose pasi petsoka dzake:

Thou make him to have dominion over the works of thy hands. Thou have put all things under his feet.

7 makwai ose nemombe, nemhuka dzesango,

All sheep and oxen, yea, and the beasts of the field,

8 neshiri dzedenga, nehove dzegungwa, zvose zvinofamba munzira dzomugungwa.

the birds of the heavens, and the fish of the sea, whatever passes through the paths of the seas.

9 Haiwa Jehovha, Ishe wedu, zita renyu rakaisvonaka sei panyika yose!

O Jehovah, our Lord, how excellent is thy name in all the earth!