Mapisarema 78
1 Masikiri raAsafi. Haiwa vanhu vangu, inzwai kudzidzisa kwangu; teererai mashoko omuromo wangu.
| משכיל לאסף האזינה עמי תורתי הטו אזנכם לאמרי פי׃ |
2 Ndichashamisa muromo wangu nditaure nomufananidzo, ndichataura zvinhu zvakavanzika, zvinhu zvakare kare,
| אפתחה במשל פי אביעה חידות מני קדם׃ |
3 zvatakanzwa nezvatakaziva, zvatakaudzwa namadzibaba edu.
| אשר שמענו ונדעם ואבותינו ספרו לנו׃ |
4 Hatingazozvivanziri vana vavo; tichaudza rudzi runotevera mabasa angarumbidzwa aJehovha, simba rake, nezvishamiso zvaakaita.
| לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃ |
5 Akatema zvirevo zvaJakobho akasimbisa murayiro muIsraeri, waakarayira madzitateguru edu kuti vadzidzise vana vavo,
| ויקם עדות ביעקב ותורה שם בישראל אשר צוה את אבותינו להודיעם לבניהם׃ |
6 kuti rudzi runotevera ruzvizive, kunyange vana vachazoberekwa, naivo vagozoudzawo vana vavo.
| למען ידעו דור אחרון בנים יולדו יקמו ויספרו לבניהם׃ |
7 Ipapo vachavimba naMwari wavo uye havangazokanganwi mabasa ake asi vachazochengeta mirayiro yake.
| וישימו באלהים כסלם ולא ישכחו מעללי אל ומצותיו ינצרו׃ |
8 Havazofanani namadzitateguru avo, rudzi rwakanga rwakasindimara uye rwaimumukira, mwoyo yavo yakanga isingateereri Mwari, mweya yavo yakanga isina kutendeka kwaari.
| ולא יהיו כאבותם דור סורר ומרה דור לא הכין לבו ולא נאמנה את אל רוחו׃ |
9 Vanhu vokwaEfuremu, kunyange vakanga vakapakata uta, vakadzokera shure pazuva rokurwa;
| בני אפרים נושקי רומי קשת הפכו ביום קרב׃ |
10 havana kuchengeta sungano yaMwari, uye vakaramba kufamba maererano nomurayiro wake.
| לא שמרו ברית אלהים ובתורתו מאנו ללכת׃ |
11 Vakakanganwa zvaakaita, zvishamiso zvaakavaratidza.
| וישכחו עלילותיו ונפלאותיו אשר הראם׃ |
12 Akaita zviratidzo pamberi pamadzibaba avo munyika yeIjipiti, mudunhu reZoani.
| נגד אבותם עשה פלא בארץ מצרים שדה צען׃ |
13 Akapamura gungwa akavayambutsa napakati; akaita kuti mvura imire yakasimba sorusvingo.
| בקע ים ויעבירם ויצב מים כמו נד׃ |
14 Akavatungamirira negore masikati, uye nechiedza chomoto usiku hwose.
| וינחם בענן יומם וכל הלילה באור אש׃ |
15 Akapamura ruware mugwenga akavapa mvura yakawanda seyamakungwa;
| יבקע צרים במדבר וישק כתהמות רבה׃ |
16 akabudisa hova dzemvura paruware akaita kuti iyerere seyenzizi.
| ויוצא נוזלים מסלע ויורד כנהרות מים׃ |
17 Asi vakaramba vachingomutadzira, vachimukira Wokumusoro-soro mugwenga.
| ויוסיפו עוד לחטא לו למרות עליון בציה׃ |
18 Vakaedza Mwari nobwoni vachimugombedzera kuti avape zvokudya zvavaipanga.
| וינסו אל בלבבם לשאל אכל לנפשם׃ |
19 Vakapopotera Mwari, vachiti, “Ko, Mwari angawadzira tafura mugwenga here?
| וידברו באלהים אמרו היוכל אל לערך שלחן במדבר׃ |
20 Paakarova dombo, mvura yakatubuka, uye hova dzakayerera mvura zhinji. Asi angagona kutipawo zvokudya here? Angavigira vanhu vake nyama here?”
| הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃ |
21 Jehovha akati avanzwa, akatsamwa zvikuru kwazvo; moto wake ukaveserwa Jakobho, uye hasha dzake dzikamukira Israeri,
| לכן שמע יהוה ויתעבר ואש נשקה ביעקב וגם אף עלה בישראל׃ |
22 nokuti havana kutenda muna Mwari kana kuvimba nokurwira kwake.
| כי לא האמינו באלהים ולא בטחו בישועתו׃ |
23 Asi akarayira matenga kumusoro akazarura makonhi okumatenga;
| ויצו שחקים ממעל ודלתי שמים פתח׃ |
24 akanayisa mana kuti vanhu vadye, akavapa zviyo zvokudenga.
| וימטר עליהם מן לאכל ודגן שמים נתן למו׃ |
25 Vanhu vakadya chingwa chavatumwa; akavatumira zvokudya zvose zvavaigona kudya.
| לחם אבירים אכל איש צידה שלח להם לשבע׃ |
26 Akazarura mhepo yokumabvazuva kubva kudenga, uye akafambisa mhepo yakabva zasi nesimba rake.
| יסע קדים בשמים וינהג בעזו תימן׃ |
27 Akavanayisira nyama pamusoro pavo seguruva, shiri dzinobhururuka dzakaita sejecha rokumhenderekedzo yegungwa.
| וימטר עליהם כעפר שאר וכחול ימים עוף כנף׃ |
28 Akaita kuti dziburukire mumisasa yavo, dzakapoteredza matende avo ose.
| ויפל בקרב מחנהו סביב למשכנתיו׃ |
29 Vakadya kusvikira vaguta kwazvo, nokuti akanga avapa zvavakanga vachipanga.
| ויאכלו וישבעו מאד ותאותם יבא להם׃ |
30 Asi vasati vafuratira chokudya chavaikarira, kunyange pachakanga chichiri pamiromo yavo,
| לא זרו מתאותם עוד אכלם בפיהם׃ |
31 kutsamwa kwaMwari kwakavamukira; akauraya vakanga vakanyanya kusimba pakati pavo, akaparadza majaya eIsraeri.
| ואף אלהים עלה בהם ויהרג במשמניהם ובחורי ישראל הכריע׃ |
32 Kunyange zvakadaro, vakaramba vachingotadza; kunyange zvazvo zviratidzo zvake izvi zvaivapo, havana kutenda.
| בכל זאת חטאו עוד ולא האמינו בנפלאותיו׃ |
33 Saka akagumisa mazuva avo nezvisina maturo, uye makore avo mukutya.
| ויכל בהבל ימיהם ושנותם בבהלה׃ |
34 Pose pavaiurayiwa naMwari, ndipo pavaimutsvaka; vaishingairira kudzokerazve kwaari.
| אם הרגם ודרשוהו ושבו ושחרו אל׃ |
35 Vakarangarira kuti Mwari ndiye Dombo ravo, kuti Mwari Wokumusoro-soro ndiye Mudzikinuri wavo.
| ויזכרו כי אלהים צורם ואל עליון גאלם׃ |
36 Asizve vaingomubata kumeso nemiromo yavo, vachimurevera nhema nendimi dzavo;
| ויפתוהו בפיהם ובלשונם יכזבו לו׃ |
37 mwoyo yavo yakanga isina kutendeka kwaari, vakanga vasina kutendeka pasungano yake.
| ולבם לא נכון עמו ולא נאמנו בבריתו׃ |
38 Kunyange zvakadaro iye akavanzwira tsitsi; akavakanganwira kuipa kwavo akasavaparadza. Nguva nenguva akadzora kutsamwa kwake, uye haana kumutsa hasha dzake dzose.
| והוא רחום יכפר עון ולא ישחית והרבה להשיב אפו ולא יעיר כל חמתו׃ |
39 Akarangarira kuti ivo vaingova nyama bedzi, mhepo inopfuura isingadzoki.
| ויזכר כי בשר המה רוח הולך ולא ישוב׃ |
40 Vakamumukira mugwenga kazhinji sei, uye vakamuitisa shungu murenje!
| כמה ימרוהו במדבר יעציבוהו בישימון׃ |
41 Vakaedza Mwari vamuedzazve; vakagumbusa Iye Mutsvene waIsraeri.
| וישובו וינסו אל וקדוש ישראל התוו׃ |
42 Havana kurangarira simba rake, zuva raakavadzikinura kubva pamudzvinyiriri,
| לא זכרו את ידו יום אשר פדם מני צר׃ |
43 zuva raakaratidza zviratidzo zvake zvinoshamisa muIjipiti, zvishamiso zvake mudunhu reZoani.
| אשר שם במצרים אתותיו ומופתיו בשדה צען׃ |
44 Akashandura nzizi dzavo dzikava ropa; havana kugona kunwa muhova dzavo.
| ויהפך לדם יאריהם ונזליהם בל ישתיון׃ |
45 Akavatumira mapupira enhunzi dzikavaparadza, uye matatya akavaparadza zvikuru.
| ישלח בהם ערב ויאכלם וצפרדע ותשחיתם׃ |
46 Akapa zviyo zvavo kumagutaguta nezvibereko zvavo kumhashu.
| ויתן לחסיל יבולם ויגיעם לארבה׃ |
47 Akaparadza mazambiringa avo nechimvuramabwe, uye namaonde emionde yavo nechando.
| יהרג בברד גפנם ושקמותם בחנמל׃ |
48 Mombe dzavo akadziisa kuchimvuramabwe, nezvipfuwo zvavo kukurova kwemheni.
| ויסגר לברד בעירם ומקניהם לרשפים׃ |
49 Akaregedzera kutsamwa kwake kukuru pamusoro pavo, hasha dzake, shungu dzake noukasha hwake, boka ravatumwa vokuparadza.
| ישלח בם חרון אפו עברה וזעם וצרה משלחת מלאכי רעים׃ |
50 Akagadzira nzira yokutsamwa kwake; haana kuponesa mweya yavo parufu asi akavaisa kudenda.
| יפלס נתיב לאפו לא חשך ממות נפשם וחיתם לדבר הסגיר׃ |
51 Akauraya matangwe ose eIjipiti, chibereko chokutanga chomurume pamatende aHamu.
| ויך כל בכור במצרים ראשית אונים באהלי חם׃ |
52 Asi akabudisa vanhu vake seboka ramakwai; akavatungamirira samakwai nomugwenga.
| ויסע כצאן עמו וינהגם כעדר במדבר׃ |
53 Akavafambisa norugare, asi gungwa rakamedza vavengi vavo.
| וינחם לבטח ולא פחדו ואת אויביהם כסה הים׃ |
54 Saizvozvo akavasvitsa kumuganhu wenyika yake tsvene, kunyika yamakomo yaakatora noruoko rwake rworudyi.
| ויביאם אל גבול קדשו הר זה קנתה ימינו׃ |
55 Akadzinga ndudzi mberi kwavo, akagovera nyika yavo kwavari senhaka; akagarisa rudzi rwaIsraeri mudzimba dzavo.
| ויגרש מפניהם גוים ויפילם בחבל נחלה וישכן באהליהם שבטי ישראל׃ |
56 Asi vakaedza Mwari uye vakamukira Wokumusoro-soro; vakasachengeta zvirevo zvake.
| וינסו וימרו את אלהים עליון ועדותיו לא שמרו׃ |
57 Vakanga vasingazvirereki uye vasina kutendeka samadzibaba avo, vasingavimbiki souta hunonyengera.
| ויסגו ויבגדו כאבותם נהפכו כקשת רמיה׃ |
58 Vakamutsamwisa nenzvimbo dzavo dzakakwirira; vakamutsa godo rake nokuda kwezvifananidzo zvavo.
| ויכעיסוהו בבמותם ובפסיליהם יקניאוהו׃ |
59 Mwari akati avanzwa akatsamwa zvikuru kwazvo; akaramba Israeri zvachose.
| שמע אלהים ויתעבר וימאס מאד בישראל׃ |
60 Akasiya tabhenakeri yeShiro, iyo tende yaakanga amisa pakati pavanhu.
| ויטש משכן שלו אהל שכן באדם׃ |
61 Akaendesa areka yesimba rake kuutapwa, kubwinya kwake mumaoko omuvengi.
| ויתן לשבי עזו ותפארתו ביד צר׃ |
62 Akaisa vanhu vake kumunondo; akatsamwira nhaka yake zvikuru kwazvo.
| ויסגר לחרב עמו ובנחלתו התעבר׃ |
63 Moto wakaparadza majaya avo, uye varandakadzi vavo vakashayiwa nziyo dzesvitsa;
| בחוריו אכלה אש ובתולתיו לא הוללו׃ |
64 vaprista vavo vakanga vaiswa kumunondo, uye chirikadzi dzavo hadzina kugona kuchema.
| כהניו בחרב נפלו ואלמנתיו לא תבכינה׃ |
65 Ipapo Ishe akamuka somunhu anga akakotsira, somunhu amuka pakubatwa newaini.
| ויקץ כישן אדני כגבור מתרונן מיין׃ |
66 Akarova vavengi vake vakadzokera shure; akavanyadzisa nokusingaperi.
| ויך צריו אחור חרפת עולם נתן למו׃ |
67 Ipapo akaramba matende aJosefa, haana kusarudza rudzi rwaEfuremu;
| וימאס באהל יוסף ובשבט אפרים לא בחר׃ |
68 asi akasarudza rudzi rwaJudha, Gomo reZioni, raakada.
| ויבחר את שבט יהודה את הר ציון אשר אהב׃ |
69 Akavaka nzvimbo yake tsvene senhare yakakwirira, senyika yaakasimbisa nokusingaperi.
| ויבן כמו רמים מקדשו כארץ יסדה לעולם׃ |
70 Akasarudza Dhavhidhi muranda wake, akamutora kumatanga amakwai;
| ויבחר בדוד עבדו ויקחהו ממכלאת צאן׃ |
71 akamubvisa pakufudza makwai kuti ave mufudzi wavanhu vake Jakobho, vaIsraeri nhaka yake.
| מאחר עלות הביאו לרעות ביעקב עמו ובישראל נחלתו׃ |
72 Uye Dhavhidhi akavafudza nokururama kwomwoyo; akavatungamirira namaoko ouchenjeri.
| וירעם כתם לבבו ובתבונות כפיו ינחם׃ |
