Mapisarema 74
1 Masikiri raAsafi. Haiwa Mwari, makatirambireiko nokusingaperi? Kutsamwa kwenyu kwapfungairireiko pamusoro pamakwai anofudzwa nemi?
| משכיל לאסף למה אלהים זנחת לנצח יעשן אפך בצאן מרעיתך׃ |
2 Rangarirai vanhu vamakatenga kare, rudzi rwenhaka yenyu, ivo vamakadzikinura, Gomo reZioni, pamaigara.
| זכר עדתך קנית קדם גאלת שבט נחלתך הר ציון זה שכנת בו׃ |
3 Dzorai nhambwe dzenyu mutarise matongo asingaperi, kuparadza ikoku kwose kwakauya nomuvengi pamusoro penzvimbo yenyu tsvene.
| הרימה פעמיך למשאות נצח כל הרע אויב בקדש׃ |
4 Vavengi venyu vakaomba panzvimbo yamakasangana nesu; vakamisa mireza yavo sechiratidzo.
| שאגו צרריך בקרב מועדך שמו אותתם אתות׃ |
5 Vakaita savanhu vanosimudza matemo kuti vateme dondo remiti.
| יודע כמביא למעלה בסבך עץ קרדמות׃ |
6 Vakaputsa zvose zvakavezwa namatemo avo nembezo.
| ועת פתוחיה יחד בכשיל וכילפת יהלמון׃ |
7 Vakapisira pasi nzvimbo yenyu tsvene; vakamhura ugaro hweZita renyu.
| שלחו באש מקדשך לארץ חללו משכן שמך׃ |
8 Vakati mumwoyo yavo, “Tichavaputsa zvachose!” Vakapisa nzvimbo dzose dzokunamatira Mwari munyika.
| אמרו בלבם נינם יחד שרפו כל מועדי אל בארץ׃ |
9 Hatichaoni zviratidzo zvinoshamisa; hakuna muprofita akasara, pakati pedu hapana munhu anoziva kuti zvicharamba zvakadaro kusvikira rini.
| אותתינו לא ראינו אין עוד נביא ולא אתנו ידע עד מה׃ |
10 Haiwa Mwari, muvengi acharamba achikushorai kusvikira riniko? Ko, muvengi acharamba achimhura zita renyu nokusingaperi here?
| עד מתי אלהים יחרף צר ינאץ אויב שמך לנצח׃ |
11 Munodzoserereiko ruoko rwenyu shure, irwo ruoko rwenyu rworudyi? Rubvisei pamupendero wenguo yenyu muvaparadze!
| למה תשיב ידך וימינך מקרב חוקך כלה׃ |
12 Asi imi, iyemi Mwari, ndimi mambo wangu kubva nakare; imi munouyisa ruponeso panyika.
| ואלהים מלכי מקדם פעל ישועות בקרב הארץ׃ |
13 Ndimi makaganhura gungwa napakati nesimba renyu; makaputsa misoro yechikara chomumvura.
| אתה פוררת בעזך ים שברת ראשי תנינים על המים׃ |
14 Ndimi makapwanya misoro yaRevhiatani, mukamuita chokudya chezvisikwa zvomugwenga.
| אתה רצצת ראשי לויתן תתננו מאכל לעם לציים׃ |
15 Ndimi makazarura zvitubu nehova; mukapwisa nzizi dzaigara dzichierera.
| אתה בקעת מעין ונחל אתה הובשת נהרות איתן׃ |
16 Zuva nderenyu, uye usiku ndohwenyuwo; makasimbisa zuva nomwedzi.
| לך יום אף לך לילה אתה הכינות מאור ושמש׃ |
17 Ndimi makatara miganhu yose yenyika; mukaita zvose zhizha nechando.
| אתה הצבת כל גבולות ארץ קיץ וחרף אתה יצרתם׃ |
18 Rangarirai kuti muvengi akakushorai sei, imi Jehovha, uye kuti mapenzi akamhura sei zita renyu.
| זכר זאת אויב חרף יהוה ועם נבל נאצו שמך׃ |
19 Regai kuisa upenyu hwenjiva yenyu kumhuka dzesango; regai kukanganwa nokusingaperi upenyu hwavanhu venyu vanonetswa.
| אל תתן לחית נפש תורך חית ענייך אל תשכח לנצח׃ |
20 Ivai nehanya nesungano yenyu, nokuti mweya wokurwisana wazadza nzvimbo dzerima munyika.
| הבט לברית כי מלאו מחשכי ארץ נאות חמס׃ |
21 Musarega vakadzvinyirirwa vachidududza shure nenyadzi; varombo navanoshayiwa ngavarumbidze zita renyu.
| אל ישב דך נכלם עני ואביון יהללו שמך׃ |
22 Simukai, imi Mwari, mutsigire mhaka yenyu; rangarirai kuti mapenzi anokushorai sei zuva rose.
| קומה אלהים ריבה ריבך זכר חרפתך מני נבל כל היום׃ |
23 Regai kushayira hanya ruzha rwavadzivisi venyu, bope ravavengi venyu, rinoramba richikwira.
| אל תשכח קול צרריך שאון קמיך עלה תמיד׃ |
