Mapisarema 72
1 Pisarema raSoromoni. Shongedzai Mambo nokururamisira kwenyu, imi Mwari, mwanakomana wamambo nokururama kwenyu.
| לשלמה אלהים משפטיך למלך תן וצדקתך לבן מלך׃ |
2 Achatonga vanhu venyu nokururama, navanonetswa venyu nokururamisira.
| ידין עמך בצדק וענייך במשפט׃ |
3 Makomo achavigira vanhu kubudirira, nezvikomo, chibereko chokururama.
| ישאו הרים שלום לעם וגבעות בצדקה׃ |
4 Achadzivirira vanonetswa pakati pavanhu, uye achaponesa vana vavanoshayiwa; achapwanya mudzvinyiriri.
| ישפט עניי עם יושיע לבני אביון וידכא עושק׃ |
5 Achashinga sokuvapo kwezuva, sokuvapo kwomwedzi, kusvikira kumarudzi ose anotevera,
| ייראוך עם שמש ולפני ירח דור דורים׃ |
6 achafanana nemvura inonaya pamunda une uswa hwakachekererwa, seguti rinonyorovesa nyika.
| ירד כמטר על גז כרביבים זרזיף ארץ׃ |
7 Pamazuva ake vakarurama vachakura zvakanaka; kubudirira kuchawanda kusvikira mwedzi waguma.
| יפרח בימיו צדיק ורב שלום עד בלי ירח׃ |
8 Achatonga kubva kugungwa kusvikira kugungwa, uye kubva paRwizi kusvikira kumagumo enyika.
| וירד מים עד ים ומנהר עד אפסי ארץ׃ |
9 Marudzi omugwenga achapfugama pamberi pake, uye vavengi vake vachananzva guruva.
| לפניו יכרעו ציים ואיביו עפר ילחכו׃ |
10 Madzimambo eTashishi navari kumahombekombe ari kure vachamuvigira mutero; madzimambo eShebha neSebha vachamupa zvipo.
| מלכי תרשיש ואיים מנחה ישיבו מלכי שבא וסבא אשכר יקריבו׃ |
11 Madzimambo ose achamupfugamira uye ndudzi dzose dzichamushandira.
| וישתחוו לו כל מלכים כל גוים יעבדוהו׃ |
12 Nokuti acharwira vanoshayiwa vanodanidzira; vanonetswa vasina anovabatsira.
| כי יציל אביון משוע ועני ואין עזר לו׃ |
13 Achanzwira ngoni vasina simba navanoshayiwa, uye achaponesa vanoshayiwa kubva parufu.
| יחס על דל ואביון ונפשות אביונים יושיע׃ |
14 Achavanunura pakudzvinyirirwa nokuitirwa zvinhu nechisimba, nokuti ropa ravo rinokosha pamberi pake.
| מתוך ומחמס יגאל נפשם וייקר דמם בעיניו׃ |
15 Iye ngaararame upenyu hurefu! Goridhe rinobva kuShebha ngaripiwe kwaari. Vanhu ngavarambe vachimunyengeterera uye vamuropafadze zuva rose.
| ויחי ויתן לו מזהב שבא ויתפלל בעדו תמיד כל היום יברכנהו׃ |
16 Zviyo ngazviwande munyika yose; ngazvizengaire pamusoro pezvikomo. Zvibereko zvazvo ngazvikure zvakanaka seRebhanoni; ngazvibukire sebundo romusango.
| יהי פסת בר בארץ בראש הרים ירעש כלבנון פריו ויציצו מעיר כעשב הארץ׃ |
17 Zita rake ngarigare nokusingaperi; ngarirambe riripo sokuvapo kwezuva. Ndudzi dzose dzicharopafadzwa kubudikidza naye, uye vachamuti, ano mufaro.
| יהי שמו לעולם לפני שמש ינין שמו ויתברכו בו כל גוים יאשרוהו׃ |
18 Jehovha Mwari ngaarumbidzwe, Mwari waIsraeri, iye oga anoita mabasa anoshamisa.
| ברוך יהוה אלהים אלהי ישראל עשה נפלאות לבדו׃ |
19 Zita rake rinobwinya ngarirumbidzwe nokusingaperi; nyika yose ngaizadzwe nokubwinya kwake.
| וברוך שם כבודו לעולם וימלא כבודו את כל הארץ אמן ואמן׃ |
20 Ndipo panoperera minyengetero yaDhavhidhi, mwanakomana waJese.
| כלו תפלות דוד בן ישי׃ |
