Mapisarema 7
1 Rwiyo rwaDhavhidhi, rwaakaimbira Jehovha pamusoro paKushi, muBhenjamini. Haiwa Jehovha, Mwari wangu, ndinovanda mamuri; ndiponesei uye mundirwire pane vose vanondidzinganisa,
| שגיון לדוד אשר שר ליהוה על דברי כוש בן ימיני יהוה אלהי בך חסיתי הושיעני מכל רדפי והצילני׃ |
2 kuti varege kundibvambura seshumba nokundibvambura-bvambura pasina anondinunura.
| פן יטרף כאריה נפשי פרק ואין מציל׃ |
3 Haiwa Jehovha, Mwari wangu, kana ndichinge ndakaita izvi uye ndine mhosva pamaoko angu,
| יהוה אלהי אם עשיתי זאת אם יש עול בכפי׃ |
4 kana ndakaita zvakaipa kuno uya akanga ane rugare neni kana kupamba muvengi wangu pasina mhaka,
| אם גמלתי שולמי רע ואחלצה צוררי ריקם׃ |
5 ipapo muvengi wangu ngaandidzinganise andibate; ngaatsike-tsike upenyu hwangu muvhu uye andivatise muguruva.
| ירדף אויב נפשי וישג וירמס לארץ חיי וכבודי לעפר ישכן סלה׃ |
6 Simukai, imi Jehovha pakutsamwa kwenyu; simukai murwise hasha dzavavengi vangu. Simukai, Mwari wangu; rayirai kururamisira.
| קומה יהוה באפך הנשא בעברות צוררי ועורה אלי משפט צוית׃ |
7 Marudzi akaungana ngaaungane akakupoteredzai. Vatongei imi muri kumusoro;
| ועדת לאמים תסובבך ועליה למרום שובה׃ |
8 Jehovha ngaatonge marudzi. Nditongei, imi Jehovha, zvakafanira kururama kwangu, zvakafanira kukwaniswa kwangu, imi Wokumusoro-soro.
| יהוה ידין עמים שפטני יהוה כצדקי וכתמי עלי׃ |
9 Haiwa, Mwari akarurama, iyemi munonzvera ndangariro nomwoyo, gumisai kuita nesimba kwavakaipa mugoita kuti vakarurama vagare zvakanaka.
| יגמר נא רע רשעים ותכונן צדיק ובחן לבות וכליות אלהים צדיק׃ |
10 Nhoo yangu ndimi Mwari Wokumusoro-soro, iye anoponesa vane mwoyo yakarurama.
| מגני על אלהים מושיע ישרי לב׃ |
11 Mwari ndiye mutongi akarurama, iye Mwari anoratidza hasha dzake zuva nezuva.
| אלהים שופט צדיק ואל זעם בכל יום׃ |
12 Kana munhu asingatendeuki, iye acharodza munondo wake; achakunga uta hwake agogadzirira.
| אם לא ישוב חרבו ילטוש קשתו דרך ויכוננה׃ |
13 Agadzirira zvombo zvake zvinouraya; anozvigadzirira miseve yake inopisa.
| ולו הכין כלי מות חציו לדלקים יפעל׃ |
14 Iye ane mimba yezvakaipa akatakura mimba yokutambudzika achabereka nhema.
| הנה יחבל און והרה עמל וילד שקר׃ |
15 Uyo anochera gomba, akaridzikisa achawira mugomba raachera.
| בור כרה ויחפרהו ויפל בשחת יפעל׃ |
16 Zvakashata zvake zvichadzokera pamusoro wake; uye kumanikidza kwake kuchauya pamusoro wake.
| ישוב עמלו בראשו ועל קדקדו חמסו ירד׃ |
17 Ndichatenda Jehovha nokuda kwokururama kwake, uye ndichaimbira zita raJehovha Wokumusoro-soro nziyo dzokurumbidza.
| אודה יהוה כצדקו ואזמרה שם יהוה עליון׃ |
