Mapisarema 69

1 Kumutungamiri wokuimba namaimbirwo a“Maruva eMahapa.” Pisarema raDhavhidhi. Ndiponesei, imi Mwari, nokuti mvura zhinji yakwira kusvikira pamutsipa wangu.

For the Leader; upon Shoshannim. A Psalm of David. Save me, O God; for the waters are come in even unto the soul.

2 Ndinonyura munhope yakadzika, pasina pangatsika makumbo angu. Ndapinda mumvura yakadzika; ndafukidzwa namafashamu.

I am sunk in deep mire, where there is no standing; I am come into deep waters, and the flood overwhelmeth me.

3 Ndaneta nokuridza mhere yokuti ndibatsirwe; huro dzangu dzaoma, meso angu aneta nokumirira Mwari wangu.

I am weary of my crying; my throat is dried; mine eyes fail while I wait for my God.

4 Vanondivenga ndisina mhosva vakawanda kupfuura bvudzi romusoro wangu; vanondivenga ndisina mhosva vazhinji, avo vanotsvaka kundiparadza. Ndinomanikidzwa kudzosera zvandisina kuba.

They that hate me without a cause are more than the hairs of my head; they that would cut me off, being mine enemies wrongfully, are many; should I restore that which I took not away?

5 Munoziva upenzi hwangu, imi Mwari; mhaka yangu haina kuvanzika kwamuri.

O God, Thou knowest my folly; and my trespasses are not hid from Thee.

6 Vaya vane tariro mamuri ngavarege kunyadziswa nokuda kwangu, haiwa Ishe, Jehovha Wamasimba Ose; vanokutsvakai ngavarege kunyadziswa nokuda kwangu, haiwa Mwari waIsraeri.

Let not them that wait for Thee be ashamed through me, O Lord GOD of hosts; let not those that seek Thee be brought to confusion through me, O God of Israel.

7 Nokuti ndinotsunga kusekwa hangu nokuda kwenyu, uye nyadzi dzafukidza chiso changu.

Because for Thy sake I have borne reproach; confusion hath covered my face.

8 Ndiri mutorwa kuhama dzangu, nomweni kuvanakomana vamai vangu;

I am become a stranger unto my brethren, and an alien unto my mother's children.

9 nokuti kushingairira imba yenyu kwandipedza, uye kutuka kwaavo vanokutukai kunowira pamusoro pangu.

Because zeal for Thy house hath eaten me up, and the reproaches of them that reproach Thee are fallen upon me.

10 Pandinochema uye ndichitsanya, ndinofanira kushinga pakusekwa;

And I wept with my soul fasting, and that became unto me a reproach.

11 pandinofuka nguo dzamasaga, vanhu vanondiita shumo.

I made sackcloth also my garment, and I became a byword unto them.

12 Vaya vanogara pasuo vanondiseka, uye ndiri rwiyo rwezvidhakwa.

They that sit in the gate talk of me; and I am the song of the drunkards.

13 Asi ndinonyengetera kwamuri, imi Mwari, panguva inokufadzai; murudo rwenyu rukuru, imi Mwari, ndipindurei noruponeso rwenyu rwechokwadi.

But as for me, let my prayer be unto Thee, O LORD, in an acceptable time; O God, in the abundance of Thy mercy, answer me with the truth of Thy salvation.

14 Ndinunurei mumatope, musandirega ndichinyura; ndirwirei kuna vanondivenga, napamvura zhinji yakadzika.

Deliver me out of the mire, and let me not sink; let me be delivered from them that hate me, and out of the deep waters.

15 Musatendera mvura yamafashamu kuti indifukidze, kana kwakadzika kuti kundimedze kana kuti gomba rizarure muromo waro pamusoro pangu.

Let not the waterflood overwhelm me, neither let the deep swallow me up; and let not the pit shut her mouth upon me.

16 Ndipindurei, imi Jehovha, zvichibva pakunaka kworudo rwenyu; dzokerai henyu kwandiri nokuda kwetsitsi dzenyu huru.

Answer me, O LORD, for Thy mercy is good; according to the multitude of Thy compassions turn Thou unto me.

17 Regai kuvanzira muranda wenyu chiso chenyu; ndipindurei nokukurumidza, nokuti ndava mudambudziko.

And hide not Thy face from Thy servant; for I am in distress; answer me speedily.

18 Swederai pedyo mundinunure; ndidzikinurei nokuda kwavavengi vangu.

Draw nigh unto my soul, and redeem it; ransom me because of mine enemies.

19 Munoziva kusekwa kwangu, kunyadziswa nokusakudzwa kwangu; vavengi vangu vose vari pamberi penyu.

Thou knowest my reproach, and my shame, and my confusion; mine adversaries are all before Thee.

20 Kusekwa kwaputsa mwoyo wangu, uye kwandisiya ndisisina chingandibatsira; Ndakatsvaka vangandinzwira ngoni, asi ndakavashaya, vangandinyaradza, asi ndakavashayazve.

Reproach hath broken my heart; and I am sore sick; and I looked for some to show compassion, but there was none; and for comforters, but I found none.

21 Vakaisa nduru mune zvokudya zvangu, uye vakandipa vhiniga pandaiva nenyota.

Yea, they put poison into my food; and in my thirst they gave me vinegar to drink.

22 Tafura yagadzirwa pamberi pavo ngaive musungo; ngaive shamhu yokuranga neriva.

Let their table before them become a snare; and when they are in peace, let it become a trap.

23 Meso avo ngaapofumadzwe kuti varege kuona, uye misana yavo iminame nokusingaperi.

Let their eyes be darkened, that they see not; and make their loins continually to totter.

24 Dururirai hasha dzenyu pamusoro pavo; kutsamwa kwenyu kunotyisa ngakuvakurire.

Pour out Thine indignation upon them, and let the fierceness of Thine anger overtake them.

25 Nzvimbo yavo ngaisiyiwe; ngaparege kuva nomunhu anogara mumatende avo.

Let their encampment be desolate; let none dwell in their tents.

26 Nokuti vanotambudza vaya vamakarova, uye vanotaura pamusoro pokurwadziwa kwavakakuvadzwa nemi.

For they persecute him whom Thou hast smitten; and they tell of the pain of those whom Thou hast wounded.

27 Vapei mhosva pamusoro pemhosva; ngavarege kuva nomugove woruponeso rwenyu.

Add iniquity unto their iniquity; and let them not come into Thy righteousness.

28 Ngavadzimwe mubhuku roupenyu, uye varege kuverengwa pamwe chete navakarurama.

Let them be blotted out of the book of the living, and not be written with the righteous.

29 Ndiri pakurwadziwa nenhamo; ruponeso rwenyu imi Mwari, ngarundidzivirire.

But I am afflicted and in pain; let Thy salvation, O God, set me up on high.

30 Ndicharumbidza zita raMwari norwiyo, uye ndichamukudza nokuvonga.

I will praise the name of God with a song, and will magnify Him with thanksgiving.

31 Izvi zvichafadza Jehovha kukunda nzombe, kupfuura hando nenyanga dzayo, namahwanda ayo.

And it shall please the LORD better than a bullock that hath horns and hoofs.

32 Varombo vachazviona uye vachafara, imi vanotsvaka Mwari, mwoyo yenyu ngairarame!

The humble shall see it, and be glad; ye that seek after God, let your heart revive.

33 Jehovha anonzwa vanoshayiwa uye haashori vanhu vake vakatapwa.

For the LORD hearkeneth unto the needy, and despiseth not His prisoners.

34 Denga nenyika ngazvimurumbidze, makungwa nezvose zvinofamba, imomo,

Let heaven and earth praise Him, the seas, and every thing that moveth therein.

35 nokuti Mwari achaponesa Zioni agovakazve maguta aJudha. Ipapo vanhu vachagarako, vagoritora;

For God will save Zion, and build the cities of Judah; and they shall abide there, and have it in possession.

36 Vana vavaranda vake vacharipiwa senhaka, uye avo vanoda zita rake vachagara ikoko.

The seed also of His servants shall inherit it; and they that love His name shall dwell therein.