Mapisarema 63

1 Pisarema raDhavhidhi paakanga ari murenje reJudha. Haiwa Mwari, ndimi Mwari wangu, ndinokutsvakai nomwoyo wose; mwoyo wangu une nyota kwamuri, muviri wangu unokupangai, munyika yakaoma uye yasakara isina mvura.

Salmo de David, estando en el desierto de Judá. Dios, Dios mío eres tú; a ti madrugaré; mi alma tuvo sed de ti, mi carne te desea en tierra de sequedad y transida sin aguas.

2 Ndakakuonai munzvimbo yenyu tsvene, uye ndikaona simba renyu nokubwinya kwenyu.

Así te miré en santidad, cuando vi tu fortaleza y tu gloria.

3 Nokuti rudo rwenyu runokunda upenyu, miromo yangu ichakurumbidzai.

Porque mejor es tu misericordia que la vida; mis labios te alabarán.

4 Ndichakurumbidzai ndichiri mupenyu, uye ndichasimudza maoko angu muzita renyu.

Así te bendeciré en mi vida; en tu Nombre alzaré mis manos.

5 Mweya wangu uchagutswa kunge wadya zvakakora kwazvo; muromo wangu uchakurumbidzai nemiromo inofara kwazvo.

Como de sebo y de grosura será saciada mi alma; y con labios de alegría te alabará mi boca,

6 Ndinokurangarirai ndiri pamubhedha wangu; ndinokufungai panguva dzose dzousiku.

cuando me acordaré de ti en mi lecho, cuando meditaré de ti en las velas de la noche.

7 Nokuti muri mubatsiri wangu, ndinoimba ndiri mumumvuri wamapapiro enyu.

Porque has sido mi socorro; y así en la sombra de tus alas me regocijaré.

8 Mweya wangu unonamatira kwamuri; ruoko rwenyu rworudyi runonditsigira.

Mi alma se apegó tras de ti; tu diestra me ha sustentado.

9 Vanotsvaka upenyu hwangu vachaparadzwa; vachaburukira kwakadzika kwepasi.

Mas los que para destrucción buscaron mi alma, descendieron en las bajuras de la tierra.

10 Vachaiswa kumunondo vagova zvokudya zvamakava.

Los matarán a filo de espada; serán porción de las zorras.

11 Asi mambo achafara muna Mwari; vose vanopika nezita raMwari vachamurumbidza, asi miromo yavanoreva nhema ichafumbirwa.

Y el rey se alegrará en Dios; serán alabados todos los que juran por él; porque la boca de los que hablan mentira, será cerrada.