Mapisarema 63

1 Pisarema raDhavhidhi paakanga ari murenje reJudha. Haiwa Mwari, ndimi Mwari wangu, ndinokutsvakai nomwoyo wose; mwoyo wangu une nyota kwamuri, muviri wangu unokupangai, munyika yakaoma uye yasakara isina mvura.

A Psalm of David, when he was in the wilderness of Judah. O God, thou art my God; earnestly will I seek thee: My soul thirsteth for thee, my flesh longeth for thee, In a dry and weary land, where no water is.

2 Ndakakuonai munzvimbo yenyu tsvene, uye ndikaona simba renyu nokubwinya kwenyu.

So have I looked upon thee in the sanctuary, To see thy power and thy glory.

3 Nokuti rudo rwenyu runokunda upenyu, miromo yangu ichakurumbidzai.

Because thy lovingkindness is better than life, My lips shall praise thee.

4 Ndichakurumbidzai ndichiri mupenyu, uye ndichasimudza maoko angu muzita renyu.

So will I bless thee while I live: I will lift up my hands in thy name.

5 Mweya wangu uchagutswa kunge wadya zvakakora kwazvo; muromo wangu uchakurumbidzai nemiromo inofara kwazvo.

My soul shall be satisfied as with marrow and fatness; And my mouth shall praise thee with joyful lips;

6 Ndinokurangarirai ndiri pamubhedha wangu; ndinokufungai panguva dzose dzousiku.

When I remember thee upon my bed, [And] meditate on thee in the night-watches.

7 Nokuti muri mubatsiri wangu, ndinoimba ndiri mumumvuri wamapapiro enyu.

For thou hast been my help, And in the shadow of thy wings will I rejoice.

8 Mweya wangu unonamatira kwamuri; ruoko rwenyu rworudyi runonditsigira.

My soul followeth hard after thee: Thy right hand upholdeth me.

9 Vanotsvaka upenyu hwangu vachaparadzwa; vachaburukira kwakadzika kwepasi.

But those that seek my soul, to destroy it, Shall go into the lower parts of the earth.

10 Vachaiswa kumunondo vagova zvokudya zvamakava.

They shall be given over to the power of the sword: They shall be a portion for foxes.

11 Asi mambo achafara muna Mwari; vose vanopika nezita raMwari vachamurumbidza, asi miromo yavanoreva nhema ichafumbirwa.

But the king shall rejoice in God: Every one that sweareth by him shall glory; For the mouth of them that speak lies shall be stopped.