Mapisarema 61

1 Kumutungamiri wokuimba, nomutengeranwa une hungiso. Pisarema raDhavhidhi. Inzwai kuchema kwangu, imi Mwari; rerekerai nzeve yenyu kumunyengetero wangu.

For the choirmaster. With stringed instruments. Of David. Hear my cry, O God; attend to my prayer.

2 Kubva kumigumo yenyika, ndinodanidzira kwamuri, ndinodana sezvo mwoyo wangu woziya; nditungamirirei kudombo rakakwirira kundipfuura.

From the ends of the earth I call out to You whenever my heart is faint. Lead me to the rock that is higher than I.

3 Nokuti imi makanga muri utiziro hwangu, shongwe yakasimba pamusoro pavavengi vangu.

For You have been my refuge, a tower of strength against the enemy.

4 Ndinopanga kugara mutende renyu nokusingaperi, uye nokuvanda mumumvuri wamapapiro enyu. Sera

Let me dwell in Your tent forever and take refuge in the shelter of Your wings.

5 Nokuti makanzwa mhiko dzangu, imi Mwari; makandipa nhaka yaavo vanotya zita renyu.

For You have heard my vows, O God; You have given me the inheritance reserved for those who fear Your name.

6 Wedzerai mazuva oupenyu hwamambo, makore ake kumarudzi namarudzi.

Increase the days of the king’s life; may his years span many generations.

7 Ngaagare pachigaro choushe pamberi paMwari nokusingaperi; gadzai rudo nokutendeka kwenyu kuti zvimudzivirire.

May he sit enthroned in God’s presence forever; appoint Your loving devotion and Your faithfulness to guard him.

8 Ipapo ndichagara ndichirumbidza zita renyu nenziyo, uye ndichazadzisa mhiko dzangu zuva nezuva.

Then I will ever sing praise to Your name and fulfill my vows day by day.