Mapisarema 51
1 Kumutungamiri wokuimba. Pisarema raDhavhidhi. Panguva yakauya muprofita Natani kwaari shure kwokuita upombwe kwaDhavhidhi naBhatishebha. Ndinzwirei tsitsi, imi Mwari, nokuda kworudo rwenyu rusingaperi; dzimai kudarika kwangu nokuda kwengoni dzenyu huru.
| למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃ |
2 Shambidzai zvakaipa zvangu zvose uye mundinatse kubva pachivi changu.
| הרבה כבסני מעוני ומחטאתי טהרני׃ |
3 Nokuti ndinoziva kudarika kwangu, uye chivi changu chinogara chiri pamberi pangu.
| כי פשעי אני אדע וחטאתי נגדי תמיד׃ |
4 Ndakakutadzirai imi, iyemi moga nokuita chinhu chakaipa pamberi penyu, kuti munzi makarurama pamunotaura uye musapomerwa mhosva pakutonga kwenyu.
| לך לבדך חטאתי והרע בעיניך עשיתי למען תצדק בדברך תזכה בשפטך׃ |
5 Zvirokwazvo ndakanga ndiri mutadzi pandakaberekwa, ndiri mutadzi kubva pandakaumbwa mudumbu ramai vangu.
| הן בעוון חוללתי ובחטא יחמתני אמי׃ |
6 Zvirokwazvo imi munoda chokwadi pakati pomwoyo; munondidzidzisa uchenjeri panzvimbo yomukatikati.
| הן אמת חפצת בטחות ובסתם חכמה תודיעני׃ |
7 Ndinatsei nehisopi, ipapo ndichachena; ndishambidzei, ipapo ndichachena sechando.
| תחטאני באזוב ואטהר תכבסני ומשלג אלבין׃ |
8 Ndiitei kuti ndinzwe mufaro nokufarisisa; itai kuti mapfupa amakapwanya afare.
| תשמיעני ששון ושמחה תגלנה עצמות דכית׃ |
9 Vanzai chiso chenyu pazvivi zvangu uye mudzime zvakaipa zvangu zvose.
| הסתר פניך מחטאי וכל עונתי מחה׃ |
10 Sikai mukati mangu mwoyo wakachena, imi Mwari, uye muvandudze mweya wakarurama mukati mangu.
| לב טהור ברא לי אלהים ורוח נכון חדש בקרבי׃ |
11 Regai kundirasa pamberi penyu kana kubvisa Mweya wenyu Mutsvene kwandiri.
| אל תשליכני מלפניך ורוח קדשך אל תקח ממני׃ |
12 Dzoreraizve kwandiri mufaro woruponeso rwenyu, uye mundipe mweya unoda, kuti undiraramise.
| השיבה לי ששון ישעך ורוח נדיבה תסמכני׃ |
13 Ipapo ndichadzidzisa vadariki nzira dzenyu, uye vatadzi vachatendeukira kwamuri.
| אלמדה פשעים דרכיך וחטאים אליך ישובו׃ |
14 Ndiponesei pamhosva yeropa, imi Mwari, iyemi Mwari anondiponesa, ipapo rurimi rwangu ruchaimba zvokururama kwenyu.
| הצילני מדמים אלהים אלהי תשועתי תרנן לשוני צדקתך׃ |
15 Haiwa Ishe, zarurai miromo yangu, ipapo muromo wangu uchaparidza rumbidzo yenyu.
| אדני שפתי תפתח ופי יגיד תהלתך׃ |
16 Hamufariri chibayiro, ndingadai ndakuvigirai, imi hamufariri zvipiriso zvinopiswa.
| כי לא תחפץ זבח ואתנה עולה לא תרצה׃ |
17 Zvibayiro zvaMwari mweya wakaputsika; mwoyo wakaputsika nowakapwanyika, imi Mwari hamuzoushori.
| זבחי אלהים רוח נשברה לב נשבר ונדכה אלהים לא תבזה׃ |
18 Pamufaro wenyu wakanaka, itai kuti Zioni ribudirire; muvake masvingo eJerusarema.
| היטיבה ברצונך את ציון תבנה חומות ירושלם׃ |
19 Ipapo pachava nezvibayiro zvakarurama, zvipiriso zvinopiswa zvakazara zvinokufadzai; ipapo hando dzichabayirwa paaritari yenyu.
| אז תחפץ זבחי צדק עולה וכליל אז יעלו על מזבחך פרים׃ |
