Mapisarema 48

1 Rwiyo. Pisarema raVanakomana vaKora. Jehovha mukuru, uye anofanira kurumbidzwa kwazvo, muguta raMwari wedu, mugomo rake dzvene.

Great is the LORD, and greatly to be praised in the city of our God, in the mountain of his holiness.

2 Rakanaka pakukwirira kwaro, mufaro wenyika yose. Sokumusoro-soro kweZafoni, ndizvo zvakaita Gomo reZioni, guta raMambo Mukuru.

Beautiful for situation, the joy of the whole earth, is mount Zion, on the sides of the north, the city of the great King.

3 Mwari ari munhare dzaro; akazviratidza kwariri kuti ndiye nharirire yaro.

God is known in her palaces for a refuge.

4 Madzimambo akati abatanidza mauto, vakati vafamba pamwe chete kundorwa,

For, see, the kings were assembled, they passed by together.

5 vakariona vakashamiswa; vakatiza nokutya.

They saw it, and so they marveled; they were troubled, and hurried away.

6 Vakabatwa nokudedera ipapo, nokurwadziwa sekwomukadzi osununguka.

Fear took hold on them there, and pain, as of a woman in travail.

7 Makavaparadza sezvakaitwa zvikepe zveTashishi, zvakaputswa-putswa nemhepo yokumabvazuva.

You break the ships of Tarshish with an east wind.

8 Sezvatakanzwa, ndizvo zvataona, muguta raJehovha Wamasimba Ose, muguta raMwari wedu: Mwari anorisimbisa nokusingaperi. Sera

As we have heard, so have we seen in the city of the LORD of hosts, in the city of our God: God will establish it for ever. (Selah)

9 Tiri mukati metemberi yenyu, imi Mwari, tinofungisisa nezvorudo rwenyu rusingaperi.

We have thought of your loving kindness, O God, in the middle of your temple.

10 Sezvakaita zita renyu, imi Mwari, kurumbidzwa kwenyu kunosvika kumagumo enyika; ruoko rwenyu rworudyi ruzere nokururama.

According to your name, O God, so is your praise to the ends of the earth: your right hand is full of righteousness.

11 Gomo reZioni rinofarisisa, misha yeJudha inofara nokuda kwokutonga kwenyu.

Let mount Zion rejoice, let the daughters of Judah be glad, because of your judgments.

12 Famba-fambai muZioni, ripoteredzei, verengai shongwe dzaro,

Walk about Zion, and go round about her: tell the towers thereof.

13 fungisisai zvakanaka nezvamasvingo aro, cherechedzai nhare dzaro, kuti mugotaura nezvazvo kuchizvarwa chinotevera.

Mark you well her bulwarks, consider her palaces; that you may tell it to the generation following.

14 Nokuti Mwari uyu ndiye Mwari wedu nokusingaperi-peri; iye achava muperekedzi wedu kusvikira kumagumo.

For this God is our God for ever and ever: he will be our guide even to death.