Mapisarema 48

1 Rwiyo. Pisarema raVanakomana vaKora. Jehovha mukuru, uye anofanira kurumbidzwa kwazvo, muguta raMwari wedu, mugomo rake dzvene.

A Song; a Psalm of the sons of Korah. Great is the LORD, and highly to be praised, in the city of our God, His holy mountain,

2 Rakanaka pakukwirira kwaro, mufaro wenyika yose. Sokumusoro-soro kweZafoni, ndizvo zvakaita Gomo reZioni, guta raMambo Mukuru.

Fair in situation, the joy of the whole earth; even mount Zion, the uttermost parts of the north, the city of the great King.

3 Mwari ari munhare dzaro; akazviratidza kwariri kuti ndiye nharirire yaro.

God in her palaces hath made Himself known for a stronghold.

4 Madzimambo akati abatanidza mauto, vakati vafamba pamwe chete kundorwa,

For, lo, the kings assembled themselves, they came onward together.

5 vakariona vakashamiswa; vakatiza nokutya.

They saw, straightway they were amazed; they were affrighted, they hasted away.

6 Vakabatwa nokudedera ipapo, nokurwadziwa sekwomukadzi osununguka.

Trembling took hold of them there, pangs, as of a woman in travail.

7 Makavaparadza sezvakaitwa zvikepe zveTashishi, zvakaputswa-putswa nemhepo yokumabvazuva.

With the east wind Thou breakest the ships of Tarshish.

8 Sezvatakanzwa, ndizvo zvataona, muguta raJehovha Wamasimba Ose, muguta raMwari wedu: Mwari anorisimbisa nokusingaperi. Sera

As we have heard, so have we seen in the city of the LORD of hosts, in the city of our God — God establish it for ever. (Selah)

9 Tiri mukati metemberi yenyu, imi Mwari, tinofungisisa nezvorudo rwenyu rusingaperi.

We have thought on Thy lovingkindness, O God, in the midst of Thy temple.

10 Sezvakaita zita renyu, imi Mwari, kurumbidzwa kwenyu kunosvika kumagumo enyika; ruoko rwenyu rworudyi ruzere nokururama.

As is Thy name, O God, so is Thy praise unto the ends of the earth; Thy right hand is full of righteousness.

11 Gomo reZioni rinofarisisa, misha yeJudha inofara nokuda kwokutonga kwenyu.

Let mount Zion be glad, let the daughters of Judah rejoice, because of Thy judgments.

12 Famba-fambai muZioni, ripoteredzei, verengai shongwe dzaro,

Walk about Zion, and go round about her; count the towers thereof.

13 fungisisai zvakanaka nezvamasvingo aro, cherechedzai nhare dzaro, kuti mugotaura nezvazvo kuchizvarwa chinotevera.

Mark ye well her ramparts, traverse her palaces; that ye may tell it to the generation following.

14 Nokuti Mwari uyu ndiye Mwari wedu nokusingaperi-peri; iye achava muperekedzi wedu kusvikira kumagumo.

For such is God, our God, for ever and ever; He will guide us eternally.