Mapisarema 46
1 Kumutungamiri wokuimba waVanakomana vaKora. Namaimbirwo earamoti. Rwiyo. Mwari ndiye utiziro hwedu nesimba redu, ndiye mubatsiri anogara aripo panguva yokutambudzika.
To the Overseer. — By sons of Korah. 'For the Virgins.' — A song. God [is] to us a refuge and strength, A help in adversities found most surely.
2 Naizvozvo hatizotyi, kunyange nyika ikashanduka, uye makomo akawira mukatikati megungwa,
Therefore we fear not in the changing of earth, And in the slipping of mountains Into the heart of the seas.
3 kunyange mvura yaro ikatinhira uye ikapupuma furo, uye makomo akadengenyeswa namafungu aro. Sera
Roar — troubled are its waters, Mountains they shake in its pride. (Selah)
4 Pane rwizi rwuripo rune hova dzinofadza guta raMwari, nzvimbo tsvene yeWokumusoro-soro.
A river — its rivulets rejoice the city of God, Thy holy place of the tabernacles of the Most High.
5 Mwari ari mukati maro, haringawiri pasi; Mwari acharibatsira panguva yemambakwedza.
God [is] in her midst — she is not moved, God doth help her at the turn of the morn!
6 Ndudzi dzinoita bope, umambo hunoondomoka; anotaura nenzwi guru, nyika yonyongodeka.
Troubled have been nations, Moved have been kingdoms, He hath given forth with His voice, earth melteth.
7 Jehovha Wamasimba Ose anesu; Mwari waJakobho ndiye nhare yedu. Sera
Jehovah of Hosts [is] with us, A tower for us [is] the God of Jacob. (Selah)
8 Uyai muone mabasa aJehovha, kuparadza kwaakaita panyika.
Come ye, see the works of Jehovah, Who hath done astonishing things in the earth,
9 Anoita kuti hondo dzigume kusvikira kumagumo enyika; anovhuna uta uye anovhuna-vhuna mapfumo, anopisa nhoo nomoto.
Causing wars to cease, Unto the end of the earth, the bow he shivereth, And the spear He hath cut asunder, Chariots he doth burn with fire.
10 “Mirai, muzive kuti ndini Mwari; ndichakudzwa pakati pendudzi, ndichasimudzirwa panyika.”
Desist, and know that I [am] God, I am exalted among nations, I am exalted in the earth.
11 Jehovha Wamasimba Ose anesu; Mwari waJakobho ndiye nhare yedu. Sera
Jehovah of hosts [is] with us, A tower for us [is] the God of Jacob! (Selah)
