< Mapisarema 46 >

1 Kumutungamiri wokuimba waVanakomana vaKora. Namaimbirwo earamoti. Rwiyo. Mwari ndiye utiziro hwedu nesimba redu, ndiye mubatsiri anogara aripo panguva yokutambudzika.
TO THE OVERSEER. BY SONS OF KORAH. FOR GIRLS’ [VOICES]. A SONG. God [is] our refuge and strength, A most sure help in adversities.
2 Naizvozvo hatizotyi, kunyange nyika ikashanduka, uye makomo akawira mukatikati megungwa,
Therefore we do not fear in the changing of earth, And in the slipping of mountains Into the heart of the seas.
3 kunyange mvura yaro ikatinhira uye ikapupuma furo, uye makomo akadengenyeswa namafungu aro. Sera
Roar—troubled are its waters, Mountains shake in its pride. (Selah)
4 Pane rwizi rwuripo rune hova dzinofadza guta raMwari, nzvimbo tsvene yeWokumusoro-soro.
A river—its streams make glad the city of God, Your holy place of the dwelling places of the Most High.
5 Mwari ari mukati maro, haringawiri pasi; Mwari acharibatsira panguva yemambakwedza.
God [is] in her midst—she is not moved, God helps her at the turn of the morning!
6 Ndudzi dzinoita bope, umambo hunoondomoka; anotaura nenzwi guru, nyika yonyongodeka.
Nations have been troubled, Kingdoms have been moved, He has given forth with His voice—earth melts.
7 Jehovha Wamasimba Ose anesu; Mwari waJakobho ndiye nhare yedu. Sera
YHWH of Hosts [is] with us, The God of Jacob [is] a tower for us. (Selah)
8 Uyai muone mabasa aJehovha, kuparadza kwaakaita panyika.
Come, see the works of YHWH, Who has done astonishing things in the earth,
9 Anoita kuti hondo dzigume kusvikira kumagumo enyika; anovhuna uta uye anovhuna-vhuna mapfumo, anopisa nhoo nomoto.
Causing wars to cease, To the end of the earth, He shatters the bow, And He has cut apart the spear, He burns chariots with fire.
10 “Mirai, muzive kuti ndini Mwari; ndichakudzwa pakati pendudzi, ndichasimudzirwa panyika.”
Desist, and know that I [am] God, I am exalted among nations, I am exalted in the earth.
11 Jehovha Wamasimba Ose anesu; Mwari waJakobho ndiye nhare yedu. Sera
YHWH of hosts [is] with us, The God of Jacob [is] a tower for us! (Selah)

< Mapisarema 46 >