Mapisarema 46
1 Kumutungamiri wokuimba waVanakomana vaKora. Namaimbirwo earamoti. Rwiyo. Mwari ndiye utiziro hwedu nesimba redu, ndiye mubatsiri anogara aripo panguva yokutambudzika.
For the music director by the sons of Korah. According to alamoth, a song. God is our protection and our strength; always ready to help when troubles come.
2 Naizvozvo hatizotyi, kunyange nyika ikashanduka, uye makomo akawira mukatikati megungwa,
So we will not be afraid though the earth shakes, though the mountains fall into the depths of the sea,
3 kunyange mvura yaro ikatinhira uye ikapupuma furo, uye makomo akadengenyeswa namafungu aro. Sera
though the waters roar and foam, though the mountains tremble as the waters surge violently! (Selah)
4 Pane rwizi rwuripo rune hova dzinofadza guta raMwari, nzvimbo tsvene yeWokumusoro-soro.
A river flows to bring happiness to those in God's city, the holy place where the Most High lives.
5 Mwari ari mukati maro, haringawiri pasi; Mwari acharibatsira panguva yemambakwedza.
God is in the midst of the city; it will never fall. God protects it as soon as it is light.
6 Ndudzi dzinoita bope, umambo hunoondomoka; anotaura nenzwi guru, nyika yonyongodeka.
Nations are in turmoil, kingdoms collapse. God raises his voice and the earth melts.
7 Jehovha Wamasimba Ose anesu; Mwari waJakobho ndiye nhare yedu. Sera
The Lord Almighty is with us; the God of Jacob protects us. (Selah)
8 Uyai muone mabasa aJehovha, kuparadza kwaakaita panyika.
Come and see what the Lord has achieved! See the amazing things he has done on the earth!
9 Anoita kuti hondo dzigume kusvikira kumagumo enyika; anovhuna uta uye anovhuna-vhuna mapfumo, anopisa nhoo nomoto.
He stops wars all over the world. He smashes the bow; he breaks the spear; he sets shields on fire.
10 “Mirai, muzive kuti ndini Mwari; ndichakudzwa pakati pendudzi, ndichasimudzirwa panyika.”
Stop fighting! Recognize I am God! I am the ruler of the nations; I am the ruler of the earth.
11 Jehovha Wamasimba Ose anesu; Mwari waJakobho ndiye nhare yedu. Sera
The Lord Almighty is with us; the God of Jacob protects us. (Selah)
