< Mapisarema 46 >

1 Kumutungamiri wokuimba waVanakomana vaKora. Namaimbirwo earamoti. Rwiyo. Mwari ndiye utiziro hwedu nesimba redu, ndiye mubatsiri anogara aripo panguva yokutambudzika.
To the chief Musician. Of the sons of Korah. On Alamoth. A song. God is our refuge and strength, a help in distresses, very readily found.
2 Naizvozvo hatizotyi, kunyange nyika ikashanduka, uye makomo akawira mukatikati megungwa,
Therefore will we not fear though the earth be removed, and though the mountains be carried into the heart of the seas;
3 kunyange mvura yaro ikatinhira uye ikapupuma furo, uye makomo akadengenyeswa namafungu aro. Sera
Though the waters thereof roar [and] foam, though the mountains shake with the swelling thereof. (Selah)
4 Pane rwizi rwuripo rune hova dzinofadza guta raMwari, nzvimbo tsvene yeWokumusoro-soro.
There is a river the streams whereof make glad the city of God, the sanctuary of the habitations of the Most High.
5 Mwari ari mukati maro, haringawiri pasi; Mwari acharibatsira panguva yemambakwedza.
God is in the midst of her; she shall not be moved: God shall help her at the dawn of the morning.
6 Ndudzi dzinoita bope, umambo hunoondomoka; anotaura nenzwi guru, nyika yonyongodeka.
The nations raged, the kingdoms were moved; he uttered his voice, the earth melted.
7 Jehovha Wamasimba Ose anesu; Mwari waJakobho ndiye nhare yedu. Sera
Jehovah of hosts is with us; the God of Jacob is our high fortress. (Selah)
8 Uyai muone mabasa aJehovha, kuparadza kwaakaita panyika.
Come, behold the works of Jehovah, what desolations he hath made in the earth:
9 Anoita kuti hondo dzigume kusvikira kumagumo enyika; anovhuna uta uye anovhuna-vhuna mapfumo, anopisa nhoo nomoto.
He hath made wars to cease unto the end of the earth; he breaketh the bow, and cutteth the spear in sunder; he burneth the chariots in the fire.
10 “Mirai, muzive kuti ndini Mwari; ndichakudzwa pakati pendudzi, ndichasimudzirwa panyika.”
Be still, and know that I am God: I will be exalted among the nations, I will be exalted in the earth.
11 Jehovha Wamasimba Ose anesu; Mwari waJakobho ndiye nhare yedu. Sera
Jehovah of hosts is with us; the God of Jacob is our high fortress. (Selah)

< Mapisarema 46 >