Mapisarema 45
1 Kumutungamiri wokuimba waVanakomana vaKora. Masikiri nomuimbirwo wa“Maruva aMahapa.” Rwiyo rwoMuchato. Mwoyo wangu unobvongodzwa nedingindira rakanaka, pandinodetembera mambo ndima dzangu; rurimi rwangu chinyoreso chomunyori anogona.
| למנצח על ששנים לבני קרח משכיל שיר ידידת רחש לבי דבר טוב אמר אני מעשי למלך לשוני עט סופר מהיר׃ |
2 Imi makanakisisa pavanhu vose uye miromo yenyu yakazadzwa nenyasha, sezvo Mwari akakuropafadzai nokusingaperi.
| יפיפית מבני אדם הוצק חן בשפתותיך על כן ברכך אלהים לעולם׃ |
3 Sungai munondo wenyu parutivi, imi wamasimba, zvishongedzei nokubwinya noumambo.
| חגור חרבך על ירך גבור הודך והדרך׃ |
4 Paumambo hwenyu kwirai mukunde kwazvo, makamirira chokwadi, kuzvininipisa nokururama; ruoko rwenyu rworudyi ngaruratidze mabasa enyu anotyisa.
| והדרך צלח רכב על דבר אמת וענוה צדק ותורך נוראות ימינך׃ |
5 Miseve yenyu inopinza ngaibaye mwoyo yavavengi vamambo; ndudzi ngadziputsikire pasi petsoka dzenyu.
| חציך שנונים עמים תחתיך יפלו בלב אויבי המלך׃ |
6 Chigaro chenyu, imi Mwari, chichagara nokusingaperi-peri; tsvimbo yokururamisira ichava tsvimbo youmambo hwenyu.
| כסאך אלהים עולם ועד שבט מישר שבט מלכותך׃ |
7 Imi munoda kururama uye munovenga zvakaipa; naizvozvo Mwari, Mwari wenyu, akakuisai pamusoro peshamwari dzenyu nokukuzodzai namafuta omufaro.
| אהבת צדק ותשנא רשע על כן משחך אלהים אלהיך שמן ששון מחבריך׃ |
8 Nguo dzenyu dzose dzinonhuwirira mura, arosi nekasia, zvinobva kumizinda yamadzimambo yakashongedzwa nenyanga dzenzou, kurira kwehungiso kunokufadzai.
| מר ואהלות קציעות כל בגדתיך מן היכלי שן מני שמחוך׃ |
9 Vanasikana vamadzimambo vari pakati pavakadzi vanokudzwa; kuruoko rwenyu rworudyi kuno mwenga akashongedzwa negoridhe reOfiri.
| בנות מלכים ביקרותיך נצבה שגל לימינך בכתם אופיר׃ |
10 Teerera, iwe mwanasikana, rangarira, uye urereke nzeve yako: Kanganwa vanhu vako neimba yababa vako.
| שמעי בת וראי והטי אזנך ושכחי עמך ובית אביך׃ |
11 Mambo ayevedzwa norunako rwako; mukudze, nokuti ndiye Ishe wako.
| ויתאו המלך יפיך כי הוא אדניך והשתחוי לו׃ |
12 Mwanasikana weTire achauya nechipo, vanhu vakapfuma vachatsvaka nyasha kwauri.
| ובת צר במנחה פניך יחלו עשירי עם׃ |
13 Mwanasikana wamambo akanaka kwazvo mukati meimba yake; nguo yake yakarukirirwa negoridhe.
| כל כבודה בת מלך פנימה ממשבצות זהב לבושה׃ |
14 Akapfeka nguo dzakashongedzwa achaperekedzwa kuna mambo; shamwari dzake idzo mhandara dzinomutevera uye vanouyiswa kwamuri.
| לרקמות תובל למלך בתולות אחריה רעותיה מובאות לך׃ |
15 Vanoperekedzwa vachapinda nomufaro nokufarisisa; vanopinda mumuzinda wamambo.
| תובלנה בשמחת וגיל תבאינה בהיכל מלך׃ |
16 Vanakomana venyu vachatsiva nzvimbo yamadzibaba enyu; muchavaita machinda munyika yose.
| תחת אבתיך יהיו בניך תשיתמו לשרים בכל הארץ׃ |
17 Ndichaita kuti kurangarirwa kwenyu kurambe kuripo, kusvikira kuzvizvarwa zvose; naizvozvo ndudzi dzichakurumbidzai nokusingaperi-peri.
| אזכירה שמך בכל דר ודר על כן עמים יהודך לעלם ועד׃ |
