Mapisarema 44
1 Kumutungamiri wokuimba waVanakomana vaKora. Masikiri. Haiwa Mwari, takanzwa nenzeve dzedu; madzibaba edu akatiudza zvamakaita pamazuva avo, pamazuva ekare.
| למנצח לבני-קרח משכיל ב אלהים באזנינו שמענו-- אבותינו ספרו-לנו פעל פעלת בימיהם בימי קדם |
2 Noruoko rwenyu makadzinga ndudzi uye mukasima madzibaba edu; makapwanya marudzi mukaita kuti madzibaba edu abudirire.
| אתה ידך גוים הורשת-- ותטעם תרע לאמים ותשלחם |
3 Havana kuzviwanira nyika nomunondo wavo, uye ruoko rwavo haruna kuvakundisa; rwakanga rwuri ruoko rwenyu rworudyi, irwo ruoko rwenyu, nokupenya kwechiso chenyu, nokuti imi makavada.
| כי לא בחרבם ירשו ארץ וזרועם לא-הושיעה-למו כי-ימינך וזרועך ואור פניך-- כי רציתם |
4 Ndimi Mambo wangu naMwari wangu, anorayira kukunda kwaJakobho.
| אתה-הוא מלכי אלהים צוה ישועות יעקב |
5 Kubudikidza nemi, tinosunda vavengi vedu shure; kubudikidza nezita renyu, tinotsika vavengi vedu netsoka dzedu.
| בך צרינו ננגח בשמך נבוס קמינו |
6 Handivimbi nouta hwangu, munondo wangu haundivigiri kukunda;
| כי לא בקשתי אבטח וחרבי לא תושיעני |
7 asi imi munotipa kukunda pamusoro pavavengi vedu, munonyadzisa vadzivisi vedu.
| כי הושעתנו מצרינו ומשנאינו הבישות |
8 Tinozvirumbidza muna Mwari zuva rose, uye ticharumbidza zita renyu nokusingaperi. Sera
| באלהים הללנו כל-היום ושמך לעולם נודה סלה |
9 Asi zvino matiramba uye matininipisa; hamuchabudi nehondo dzedu.
| אף-זנחת ותכלימנו ולא-תצא בצבאותינו |
10 Makaita kuti tidududze pamberi pavavengi vedu, uye vadzivisi vedu vakatipamba.
| תשיבנו אחור מני-צר ומשנאינו שסו למו |
11 Makatiramwira kumudyi samakwai uye makatiparadzira pakati pendudzi.
| תתננו כצאן מאכל ובגוים זריתנו |
12 Makatengesa vanhu venyu pasina, hamuna kuwana kana chinhu pakuvatengesa.
| תמכר-עמך בלא-הון ולא-רבית במחיריהם |
13 Makatiita chiseko kuvavakidzani vedu, chinozvidzwa nechinosekwa chaavo vakatipoteredza.
| תשימנו חרפה לשכנינו לעג וקלס לסביבותינו |
14 Makatiita tsumo pakati pendudzi; vanhu vanotidzungudzira misoro.
| תשימנו משל בגוים מנוד-ראש בלאמים |
15 Kunyadziswa kwangu kuri pamberi pangu zuva rose, uye chiso changu chafukidzwa nenyadzi
| כל-היום כלמתי נגדי ובשת פני כסתני |
16 pakuseka kwaavo vanondizvidza nokundirwisa, nokuda kwomuvengi, agarira kutsiva.
| מקול מחרף ומגדף מפני אויב ומתנקם |
17 Zvose izvi zvakaitika kwatiri kunyange takanga tisina kukukanganwai, kana kuva vasina kutendeka kusungano yenyu.
| כל-זאת באתנו ולא שכחנוך ולא-שקרנו בבריתך |
18 Mwoyo yedu yakanga isati yafuratira; tsoka dzedu dzakanga dzisati dzatsauka panzira yenyu.
| לא-נסוג אחור לבנו ותט אשרינו מני ארחך |
19 Asi makatipwanya mukatiita nzvimbo yamakava uye mukatifukidza nerima guru.
| כי דכיתנו במקום תנים ותכס עלינו בצלמות |
20 Dai takanga takanganwa zita raMwari wedu, kana kutambanudzira maoko edu kuna mwari wavatorwa,
| אם-שכחנו שם אלהינו ונפרש כפינו לאל זר |
21 Mwari haaizviziva here, sezvo achiziva zvakavanzika zvomwoyo?
| הלא אלהים יחקר-זאת כי-הוא ידע תעלמות לב |
22 Asi nokuda kwenyu takatarisana norufu zuva rose; tinotorwa samakwai anobayiwa.
| כי-עליך הרגנו כל-היום נחשבנו כצאן טבחה |
23 Mukai, imi Ishe! Munovatireiko? Zvisimudzei! Regai kutiramba nokusingaperi.
| עורה למה תישן אדני הקיצה אל-תזנח לנצח |
24 Ko, munovanzirei chiso chenyu muchikanganwa kutambudzika nokudzvinyirirwa kwedu?
| למה-פניך תסתיר תשכח ענינו ולחצנו |
25 Takawisirwa muguruva; miviri yedu inonamatira pavhu.
| כי שחה לעפר נפשנו דבקה לארץ בטננו |
26 Simukai mutibatsire; tidzikinurei nokuda kworudo rwenyu rusingaperi.
| קומה עזרתה לנו ופדנו למען חסדך |
