Mapisarema 41

1 Kumutungamiri wokuimba. Pisarema raDhavhidhi. Akaropafadzwa uyo ane hanya navasina simba; Jehovha anomurwira panguva dzokutambudzika.

Blessed is he who considers a poor man. Jehovah will deliver him in the day of evil.

2 Jehovha achamudzivirira uye achachengetedza upenyu hwake; achamuropafadza panyika uye haangamuisi kuchido chavavengi vake.

Jehovah will preserve him, and keep him alive, and he shall be blessed upon the earth. And thou do not deliver him to the will of his enemies.

3 Jehovha achamuraramisa panhoo yake yourwere uye achamuponesa panhoo yake yourwere.

Jehovah will support him upon the bed of languishing. Thou will make all his bed in his sickness.

4 Ini ndakati, “Haiwa Jehovha, ndinzwirei ngoni; ndiporesei, nokuti ndakakutadzirai.”

I said, O Jehovah, have mercy upon me. Heal my soul, for I have sinned against thee.

5 Vavengi vangu vachindigodora vanoti, “Achafa riniko uye zita rake rigoparara?”

My enemies speak evil against me, saying, When will he die, and his name perish?

6 Kana mumwe achiuya kuzondiona, anotaura zvenhema, mwoyo uchiunganidza makuhwa; ipapo anobuda ondozviparadzira kumwe.

And if he comes to see me, he speaks falsehood. His heart gathers iniquity to itself. When he goes abroad, he tells it.

7 Vavengi vangu vose vanoita zevezeve pamwe chete pamusoro pangu; vanondifungira zvakaipisisa, vachiti,

All who hate me whisper together against me. Against me they devise my hurt.

8 “Chirwere chakaipa chakamubata, haachambomukizve panzvimbo paakarara.”

An evil disease, they say, clings firm to him. And now that he lies he shall rise up no more.

9 Kunyange neshamwari yangu yapedyo yandaivimba nayo, yandaigovana zvokudya nayo, yandisimudzira chitsitsinho chayo.

Yea, my own familiar friend, in whom I trusted, who ate of my bread, has lifted up his heel against me.

10 Asi imi, iyemi Jehovha, mune tsitsi neni, ndisimudzei, kuti ndivatsive.

But thou, O Jehovah, have mercy upon me, and raise me up that I may requite them.

11 Ndinoziva kuti munofadzwa neni, nokuti muvengi wangu haandikundi.

By this I know that thou delight in me, because my enemy does not triumph over me.

12 Munonditsigira pakutendeka kwangu, uye munondiisa pamberi penyu nokusingaperi.

And as for me, thou uphold me in my integrity, and set me before thy face forever.

13 Kurumbidzwa ngakuve kuna Jehovha, Mwari waIsraeri, kubva pakusingaperi kusvikira nokusingaperi.

Blessed be Jehovah, the God of Israel, from everlasting and to everlasting. Truly, and Truly.