Mapisarema 36

1 Kumutungamiri wokuimba. Pisarema raDhavhidhi muranda waJehovha. Shoko riri mumwoyo mangu pamusoro pokutadza kweakaipa rinoti: Hakuna kutya Mwari pamberi pake.

למנצח לעבד-יהוה לדוד ב נאם-פשע לרשע בקרב לבי אין-פחד אלהים לנגד עיניו

2 Pamaonero ake anozvirumbidza, nokuti anozvibata kumeso kwazvo pakuona kwake, zvokuti anotadza kuona kana kuvenga chivi chake.

כי-החליק אליו בעיניו למצא עונו לשנא

3 Mashoko omuromo wake akaipa uye anonyengera; haachisiri munhu akachenjera kana anoita zvakanaka.

דברי-פיו און ומרמה חדל להשכיל להיטיב

4 Kunyange panhoo yake anofunga zvakaipa; anozvifambisa panzira yezvakaipa uye haarambi chakaipa.

און יחשב--על-משכבו יתיצב על-דרך לא-טוב רע לא ימאס

5 Rudo rwenyu, imi Jehovha, runosvika kudenga denga, kutendeka kwenyu kunosvika kumakore.

יהוה בהשמים חסדך אמונתך עד-שחקים

6 Kururama kwenyu kwakaita segomo guru guru, kururamisira kwenyu sepakadzika dzika. Haiwa Jehovha, imi munochengetedza zvose munhu nemhuka.

צדקתך כהררי-אל--משפטיך תהום רבה אדם ובהמה תושיע יהוה

7 Haiwa rudo rwenyu rusingatongoperi runokosha sei! Vose vakuru navaduku pakati pavanhu vanovanda mumumvuri wamapapiro enyu.

מה-יקר חסדך אלהים ובני אדם--בצל כנפיך יחסיון

8 Vanogutswa nezvakawanda zvomumba menyu; munovanwisa kubva parwizi rwenyu runofadza.

ירוין מדשן ביתך ונחל עדניך תשקם

9 Nokuti kwamuri ndiko kune chitubu choupenyu; muchiedza chenyu tinoona chiedza.

כי-עמך מקור חיים באורך נראה-אור

10 Rambai muchiitira rudo kuna avo vanokuzivai, uye kururama kwenyu kuna vane mwoyo yakarurama.

משך חסדך לידעיך וצדקתך לישרי-לב

11 Rutsoka rwounozvikudza ngarurege kusvika kwandiri, kunyange ruoko rweakaipa ngarurege kundidzingira kure.

אל-תבואני רגל גאוה ויד-רשעים אל-תנדני

12 Tarirai vaiti vezvakaipa kuti vawa sei, vakandwa pasi, havagoni kumuka.

שם נפלו פעלי און דחו ולא-יכלו קום