Mapisarema 33
1 Imbirai Jehovha, mufarisise, imi vakarurama; zvakanaka kuti vakarurama vamurumbidze.
Rejoice in the LORD, O ye righteous, praise is comely for the upright.
2 Rumbidzai Jehovha nembira; muimbirei nziyo nomutengeranwa une hungiso gumi.
Give thanks unto the LORD with harp, sing praises unto Him with the psaltery of ten strings.
3 Muimbirei rwiyo rutsva; muridze zvakanaka, mugopururudza nomufaro.
Sing unto Him a new song; play skilfully amid shouts of joy.
4 Nokuti shoko raJehovha rakarurama uye nderechokwadi; iye akatendeka pane zvose zvaanoita.
For the word of the LORD is upright; and all His work is done in faithfulness.
5 Jehovha anoda kururama nokururamisira; nyika izere norudo rwake rusingaperi.
He loveth righteousness and justice; the earth is full of the lovingkindness of the LORD.
6 Kudenga denga kwakaitwa neshoko raJehovha, hondo dzenyeredzi dzaikoko, nokufema kwomuromo wake.
By the word of the LORD were the heavens made; and all the host of them by the breath of His mouth.
7 Anounganidza mvura zhinji yegungwa muzvirongo; anoisa kwakadzika mumatura.
He gathereth the waters of the sea together as a heap; He layeth up the deeps in storehouses.
8 Nyika yose ngaitye Jehovha; marudzi ose enyika ngaamuremekedze.
Let all the earth fear the LORD; let all the inhabitants of the world stand in awe of Him.
9 Nokuti iye akataura, zvikaitika; akarayira, zvikamira zvakasimba.
For He spoke, and it was; He commanded, and it stood.
10 Jehovha anokonesa urongwa hwendudzi; anopinganidza mifungo yendudzi.
The LORD bringeth the counsel of the nations to nought; He maketh the thoughts of the peoples to be of no effect.
11 Asi urongwa hwaJehovha hunomira hwakasimba nokusingaperi, nendangariro dzomwoyo wake kusvikira kuzvizvarwa zvose.
The counsel of the LORD standeth for ever, the thoughts of His heart to all generations.
12 Rwakaropafadzwa rudzi rwakaita Jehovha Mwari warwo, vanhu vaakasarudza kuti vave nhaka yake.
Happy is the nation whose God is the LORD; the people whom He hath chosen for His own inheritance.
13 Jehovha anotarira pasi ari kudenga uye anoona marudzi ose avanhu;
The LORD looketh from heaven; He beholdeth all the sons of men;
14 ari pachigaro chake anotarira vose vagere panyika,
From the place of His habitation He looketh intently upon all the inhabitants of the earth;
15 iye anoumba mwoyo yavanhu vose, anofungisisa zvose zvavanoita.
He that fashioneth the hearts of them all, that considereth all their doings.
16 Hapana mambo anoponeswa nokukura kwehondo yake; hapana murwi anopunyuka nokuda kwesimba rake guru.
A king is not saved by the multitude of a host; a mighty man is not delivered by great strength.
17 Bhiza itariro isina maturo pakurwirwa; harigoni kuponesa kunyange rine simba guru.
A horse is a vain thing for safety; neither doth it afford escape by its great strength.
18 Asi meso aJehovha ari pamusoro paavo vanomutya, napamusoro paavo vakaisa tariro yavo murudo rwake rusingaperi,
Behold, the eye of the LORD is toward them that fear Him, toward them that wait for His mercy;
19 kuti avarwire parufu nokuvararamisa panzara.
To deliver their soul from death, and to keep them alive in famine.
20 Tinomirira Jehovha netariro; ndiye mubatsiri wedu nenhoo yedu.
Our soul hath waited for the LORD; He is our help and our shield.
21 Mwoyo yedu inofara maari, nokuti tinovimba nezita rake dzvene.
For in Him doth our heart rejoice, because we have trusted in His holy name.
22 Rudo rwenyu rusingaperi ngarugare pamusoro pedu, imi Jehovha, kunyange sezvatakaisa tariro yedu mamuri.
Let Thy mercy, O LORD, be upon us, according as we have waited for Thee.
