Mapisarema 32

1 Pisarema raDhavhidhi neMasikiri. Akaropafadzwa uyo akakanganwirwa kudarika kwake, akafukidzirwa zvivi zvake.

[A Psalm] of instruction by David. Blessed [are they] whose transgressions are forgiven, and who sins are covered.

2 Akaropafadzwa munhu asingaverengerwi zvivi zvake naJehovha, uye asina kunyengera mumwoyo make.

Blessed is the man to whom the Lord will not impute sin, and whose mouth there is no guile.

3 Pandakanyarara, mapfupa angu akarukutika nokuda kwokugomera kwangu zuva rose.

Because I kept silence, my bones waxed old, from my crying all the day.

4 Nokuti masikati nousiku ruoko rwenyu rwakanga ruchirema pamusoro pangu; simba rangu rakasvetwa sezvinoita kupisa kwechirimo. Sera

For day and night your hand was heavy upon me: I became thoroughly miserable while a thorn was fastened in [me]. (Pause)

5 Ipapo ndakazivisa chivi changu kwamuri uye handina kuvanza chakaipa changu. Ndakati, “Ndichareurura kudarika kwangu kuna Jehovha,” uye makandiregerera mhosva yechivi changu. Sera

I acknowledged my sin, and hid not mine iniquity: I said, I will confess mine iniquity to the Lord against myself; and you forgave the ungodliness of my heart. (Pause)

6 Naizvozvo vose vanoda Mwari ngavanyengetere kwamuri muchiri kuwanikwa; zvirokwazvo mvura zhinji ine simba painokwira, haingasviki kwavari.

Therefore shall every holy one pray to you in a fit time: only in the deluge of many waters they shall not come near to him.

7 Ndimi nzvimbo yangu yokuvanda; muchandidzivirira panhamo uye muchandipoteredza nenziyo dzorusununguko. Sera

You are my refuge from the affliction that encompasses me; my joy, to deliver me from them that have compassed me. (Pause)

8 Ndichakurairidza uye ndichakudzidzisa nzira yaunofanira kufamba nayo; ndichakupa zano uye ndichakurinda.

I will instruct you and guide you in this way wherein you shall go: I will fix mine eyes upon you.

9 Rega kuva sebhiza kana senyurusi, zvisinganzwisisi asi zvinofanira kupingudzwa nomukaro kana namatomu, kana kuti hazvingauyi kwauri.

Be you not as horse and mule, which have no understanding; [but you must] constrain their jaws with bit and curb, lest they should come near to you.

10 Wakaipa ana matambudziko mazhinji, asi rudo rusingaperi rwaJehovha runopoteredza munhu anovimba naye.

Many are the scourges of the sinner: but him that hopes in the Lord mercy shall compass about.

11 Farai muna Jehovha uye mufarisise, imi vakarurama; imbai, imi mose makarurama pamwoyo!

Be glad in the Lord, and exult, you righteous: and glory, all you that are upright in heart.