Mapisarema 30

1 Pisarema. Rwiyo rwokukumikidza temberi. Pisarema raDhavhidhi. Ndichakukudzai imi Jehovha, nokuti makandisimudza kubva pakadzika, uye hamuna kutendera vavengi vangu kuti vafare pamusoro pangu.

מזמור שיר חנכת הבית לדוד ארוממך יהוה כי דליתני ולא שמחת איבי לי׃

2 Haiwa Jehovha Mwari wangu, ndakachemera rubatsiro kwamuri uye mukandiporesa.

יהוה אלהי שועתי אליך ותרפאני׃

3 Haiwa Jehovha, makandibudisa muguva; mukandirwira kuti ndirege kupinda mugomba. (Sheol h7585)

יהוה העלית מן שאול נפשי חייתני מיורדי בור׃ (Sheol h7585)

4 Imbirai Jehovha, imi vatsvene vake; rumbidzai zita rake dzvene.

זמרו ליהוה חסידיו והודו לזכר קדשו׃

5 Nokuti kutsamwa kwake ndokwenguva duku, asi nyasha dzake ndedzoupenyu hwose; kuchema kungangovapo usiku. Asi mufaro unouya mangwanani.

כי רגע באפו חיים ברצונו בערב ילין בכי ולבקר רנה׃

6 Pandakanzwa kugadzikana, ndakati, “Handingatongozungunuswi.”

ואני אמרתי בשלוי בל אמוט לעולם׃

7 Haiwa Jehovha, pamakandinzwira tsitsi, makaita kuti gomo rangu rimire rakasimba; asi pamakavanza chiso chenyu, ini ndakavhunduka.

יהוה ברצונך העמדתה להררי עז הסתרת פניך הייתי נבהל׃

8 Ndakadana kwamuri, imi Jehovha; ndakachemera nyasha kuna Jehovha ndichiti,

אליך יהוה אקרא ואל אדני אתחנן׃

9 “Chiiko chinowanikwa pakuparadzwa kwangu, napakupinda kwangu mugomba? Ko, guruva richakurumbidzai here? Richaparidza kutendeka kwenyu here?

מה בצע בדמי ברדתי אל שחת היודך עפר היגיד אמתך׃

10 Inzwai, imi Jehovha, mundinzwire ngoni; imi Jehovha, ivai mubatsiri wangu.”

שמע יהוה וחנני יהוה היה עזר לי׃

11 Imi makashandura kuungudza kwangu kukava kutamba; makabvisa nguo dzangu dzamasaga mukandishongedza nomufaro,

הפכת מספדי למחול לי פתחת שקי ותאזרני שמחה׃

12 kuti mwoyo wangu ukuimbirei ugorega kunyarara. Haiwa Jehovha Mwari wangu, ndichakuvongai nokusingaperi.

למען יזמרך כבוד ולא ידם יהוה אלהי לעולם אודך׃