Mapisarema 3
1 Pisarema raDhavhidhi. Panguva yaakatiza Abhusaromu mwanakomana wake. Haiwa Jehovha, vadzivisi vangu vakawanda sei! Vakawanda sei vanondimukira!
A psalm of David, when he fled from his son Absalom. How many, Lord, are my foes! Those who rise up against me are many.
2 Vazhinji vanoti kwandiri, “Mwari haangamudzikinuri.” Sera
Many are those who say of me, ‘There is no help for him in his God.’ (Selah)
3 Asi imi Jehovha, muri nhoo yakandipoteredza; munoisa rukudzo pandiri uye munosimudza musoro wangu.
But you, Lord, are shield about me, my glory, who lifts up my head.
4 Kuna Jehovha ndinodana nenzwi guru, uye anondipindura ari pagomo rake dzvene. Sera
When loudly I call to the Lord, from his holy hill he gives answer. (Selah)
5 Ndinovata pasi ndigokotsira; ndinomukazve, nokuti Jehovha anonditsigira.
I laid down and slept: now I wake, for the Lord sustains me.
6 Handizotyi makumi ezviuru vakandikomba kuti vandirwise.
I fear not the myriads of people who beset me on every side.
7 Simukai, imi Jehovha! Ndirwirei, imi Mwari wangu! Rovai vavengi vangu vose pashaya; gurai meno avakaipa.
Arise, Lord: save me, my God, who strikes all my foes on the cheek, and shatters the teeth of the wicked.
8 Rusununguko runobva kuna Jehovha. Maropafadzo enyu ngaave pamusoro pavanhu venyu. Sera
Victory belongs to the Lord: let your blessing descend on your people. (Selah)
