Mapisarema 24

1 Pisarema raDhavhidhi. Nyika ndeyaJehovha, nezvose zviri mairi, nyika, navose vanogaramo;

Of David. A psalm. The earth is the Lord’s and all that it holds, the world and those who live in it.

2 nokuti akaiteya pamusoro pamakungwa uye akaisimbisa pamusoro pemvura zhinji.

For he founded it on the seas, and on the floods he sustains it.

3 Ndianiko angakwira pachikomo chaJehovha? Ndianiko angamira panzvimbo yake tsvene?

Who may ascend the hill of the Lord? Who may stand in his holy place?

4 Uyo ana maoko akachena nomwoyo wakanaka, asingasimudziri mwoyo wake kuzvifananidzo, kana kupika nhema.

The clean of hands, the pure of heart, who sets not their heart upon sinful things, nor swears with intent to deceive:

5 Iye achagamuchira makomborero anobva kuna Jehovha nokururamiswa kunobva kuna Mwari woruponeso rwake.

they win from the Lord a blessing: God is their champion and savior.

6 Ivava ndivo rudzi rwaavo vanomutsvaka, ivo vanotsvaka chiso chenyu, imi Mwari waJakobho. Sera

Such must be those who resort to him, and seek the face of the God of Jacob. (Selah)

7 Simudzai misoro yenyu, imi masuo; muisimudze, imi makonhi akare, kuti Mambo wokubwinya apinde.

Lift high your heads, you gates – Higher, you ancient doors; welcome the glorious king.

8 Ndianiko uyu Mambo wokubwinya? Ndiye Jehovha ane simba noumhare, Jehovha ane simba pakurwa.

“Who is the glorious king?” “The Lord strong and heroic, the Lord heroic in battle.”

9 Simudzai misoro yenyu, imi masuo; muasimudze, imi makonhi akare, kuti Mambo wokubwinya apinde.

Lift high your heads, you gates – Higher, you ancient doors; welcome the glorious king.

10 Ndianiko, uyu Mambo wokubwinya? Jehovha Wamasimba Ose, ndiye Mambo wokubwinya. Sera

“Who is the glorious king?” “The Lord, the God of hosts, he is the glorious king.” (Selah)