Mapisarema 24

1 Pisarema raDhavhidhi. Nyika ndeyaJehovha, nezvose zviri mairi, nyika, navose vanogaramo;

“A psalm of David.” The earth is the LORD'S, and all that is therein; The world, and they who inhabit it.

2 nokuti akaiteya pamusoro pamakungwa uye akaisimbisa pamusoro pemvura zhinji.

For he hath founded it upon the seas, And established it upon the floods.

3 Ndianiko angakwira pachikomo chaJehovha? Ndianiko angamira panzvimbo yake tsvene?

Who shall ascend the hill of the LORD? And who shall stand in his holy place?

4 Uyo ana maoko akachena nomwoyo wakanaka, asingasimudziri mwoyo wake kuzvifananidzo, kana kupika nhema.

He that hath clean hands and a pure heart; Who hath not inclined his soul to falsehood, Nor sworn deceitfully.

5 Iye achagamuchira makomborero anobva kuna Jehovha nokururamiswa kunobva kuna Mwari woruponeso rwake.

He shall receive a blessing from the LORD, And favor from the God of his salvation.

6 Ivava ndivo rudzi rwaavo vanomutsvaka, ivo vanotsvaka chiso chenyu, imi Mwari waJakobho. Sera

This is the race of them that seek him; They that seek thy face are Jacob. (Pause)

7 Simudzai misoro yenyu, imi masuo; muisimudze, imi makonhi akare, kuti Mambo wokubwinya apinde.

Lift up your heads, O ye gates! Lift yourselves up, ye everlasting doors, That the king of glory may come in!

8 Ndianiko uyu Mambo wokubwinya? Ndiye Jehovha ane simba noumhare, Jehovha ane simba pakurwa.

“Who is this king of glory?” Jehovah, strong and mighty; Jehovah, mighty in battle.

9 Simudzai misoro yenyu, imi masuo; muasimudze, imi makonhi akare, kuti Mambo wokubwinya apinde.

Lift up your heads, O ye gates! Lift yourselves up, ye everlasting doors, That the king of glory may enter in!

10 Ndianiko, uyu Mambo wokubwinya? Jehovha Wamasimba Ose, ndiye Mambo wokubwinya. Sera

“Who is this king of glory?” Jehovah, God of hosts, he is the king of glory. (Pause)