Mapisarema 23

1 Pisarema raDhavhidhi. Jehovha ndiye mufudzi wangu, hapana chandingashayiwa.

“A psalm of David.” The LORD is my shepherd: I shall not want.

2 Anondivatisa pamafuro manyoro, anondisesedza pamvura inozorodza,

He maketh me to lie down in green pastures; He leadeth me beside the still waters.

3 anoponesa mweya wangu. Anondifambisa panzira dzokururama nokuda kwezita rake.

He reviveth my soul; He leadeth me in paths of safety, For his name's sake.

4 Kunyange ndikafamba nomumupata womumvuri worufu, handingatyi zvakaipa, nokuti imi muneni; tsvimbo yenyu nomudonzvo wenyu zvinondinyaradza.

When I walk through a valley of deathlike shade, I fear no evil; for thou art with me; Thy crook and thy staff, they comfort me.

5 Munondigadzirira tafura pamberi pavavengi vangu. Munozodza musoro wangu namafuta; mukombe wangu unopfachukira.

Thou preparest a table before me In the presence of mine enemies. Thou anointest my head with oil; My cup runneth over.

6 Zvirokwazvo kunaka kwenyu norudo rwenyu zvichanditevera, mazuva ose oupenyu hwangu, uye ndichagara mumba maJehovha nokusingaperi.

Surely goodness and mercy shall follow me all the days of my life, And I shall dwell in the house of the LORD for ever.