Mapisarema 23

1 Pisarema raDhavhidhi. Jehovha ndiye mufudzi wangu, hapana chandingashayiwa.

[A Psalm by David.] The LORD is my shepherd; I will not lack.

2 Anondivatisa pamafuro manyoro, anondisesedza pamvura inozorodza,

He makes me lie down in green pastures. He leads me beside still waters.

3 anoponesa mweya wangu. Anondifambisa panzira dzokururama nokuda kwezita rake.

He restores my soul. He guides me in the paths of righteousness for his name's sake.

4 Kunyange ndikafamba nomumupata womumvuri worufu, handingatyi zvakaipa, nokuti imi muneni; tsvimbo yenyu nomudonzvo wenyu zvinondinyaradza.

Even though I walk through the valley of the shadow of death, I will fear no evil, for you are with me. Your rod and your staff, they comfort me.

5 Munondigadzirira tafura pamberi pavavengi vangu. Munozodza musoro wangu namafuta; mukombe wangu unopfachukira.

You prepare a table before me in the presence of my enemies. You anoint my head with oil. My cup overflows.

6 Zvirokwazvo kunaka kwenyu norudo rwenyu zvichanditevera, mazuva ose oupenyu hwangu, uye ndichagara mumba maJehovha nokusingaperi.

Surely goodness and loving kindness shall follow me all the days of my life, and I will dwell in the LORD's house forever.