Mapisarema 23

1 Pisarema raDhavhidhi. Jehovha ndiye mufudzi wangu, hapana chandingashayiwa.

A Psalm of David. Jehovah is my shepherd; I shall not want.

2 Anondivatisa pamafuro manyoro, anondisesedza pamvura inozorodza,

He maketh me to lie down in green pastures; he leadeth me beside still waters.

3 anoponesa mweya wangu. Anondifambisa panzira dzokururama nokuda kwezita rake.

He restoreth my soul; he leadeth me in paths of righteousness for his name's sake.

4 Kunyange ndikafamba nomumupata womumvuri worufu, handingatyi zvakaipa, nokuti imi muneni; tsvimbo yenyu nomudonzvo wenyu zvinondinyaradza.

Yea, though I walk through the valley of the shadow of death, I will fear no evil: for thou art with me; thy rod and thy staff, they comfort me.

5 Munondigadzirira tafura pamberi pavavengi vangu. Munozodza musoro wangu namafuta; mukombe wangu unopfachukira.

Thou preparest a table before me in the presence of mine enemies; thou hast anointed my head with oil; my cup runneth over.

6 Zvirokwazvo kunaka kwenyu norudo rwenyu zvichanditevera, mazuva ose oupenyu hwangu, uye ndichagara mumba maJehovha nokusingaperi.

Surely, goodness and loving-kindness shall follow me all the days of my life; and I will dwell in the house of Jehovah for the length of the days.