Mapisarema 22
1 Kumutungamiri wokuimba. Namaimbirwo e“Nondo yamangwanani.” Pisarema raDhavhidhi. Mwari wangu, Mwari wangu, mandisiyireiko? Sei muri kure zvakadai nokundiponesa, kure zvakadai namashoko okugomera kwangu?
| למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃ |
2 Haiwa Mwari wangu, ndinodanidzira masikati, asi hamundipinduri, nousiku, uye handinyarari.
| אלהי אקרא יומם ולא תענה ולילה ולא דומיה לי׃ |
3 Asi imi makagadzwa saIye Mutsvene; ndimi rumbidzo yaIsraeri.
| ואתה קדוש יושב תהלות ישראל׃ |
4 Madzibaba edu akavimba nemi; vakavimba, uye mukavarwira.
| בך בטחו אבתינו בטחו ותפלטמו׃ |
5 Vakachema kwamuri, vakaponeswa; vakavimba nemi uye havana kunyadziswa.
| אליך זעקו ונמלטו בך בטחו ולא בושו׃ |
6 Asi ini ndiri honye kwete munhu, ndinozvidzwa navanhu uye ndinoshorwa namarudzi.
| ואנכי תולעת ולא איש חרפת אדם ובזוי עם׃ |
7 Vose vanondiona vanondiseka; vanoshamisa miromo yavo vachindituka, vachidzungudza misoro yavo vachiti,
| כל ראי ילעגו לי יפטירו בשפה יניעו ראש׃ |
8 “Anovimba naJehovha; Jehovha ngaamununure. Ngaamuponese, sezvo achimufarira.”
| גל אל יהוה יפלטהו יצילהו כי חפץ בו׃ |
9 Asi ndimi makandibudisa mudumbu; mukaita kuti ndivimbe nemi ndichiri pachipfuva chamai vangu.
| כי אתה גחי מבטן מבטיחי על שדי אמי׃ |
10 Kubva pakuzvarwa kwangu, ndakaiswa kwamuri; kubva mudumbu ramai vangu, makanga muchingova Mwari wangu.
| עליך השלכתי מרחם מבטן אמי אלי אתה׃ |
11 Regai kuva kure neni, nokuti dambudziko riri pedyo uye hakuna angabatsira.
| אל תרחק ממני כי צרה קרובה כי אין עוזר׃ |
12 Hando zhinji dzakandikomba; hando dzine simba dzeBhashani dzakandipoteredza.
| סבבוני פרים רבים אבירי בשן כתרוני׃ |
13 Shumba dzinoomba dzichibvambura nyama, dzinondishamira miromo yadzo.
| פצו עלי פיהם אריה טרף ושאג׃ |
14 Ndadururwa semvura, uye mapfupa angu ose abva asvodogoka. Mwoyo wangu washanduka ukava namo; wanyungudika mukati mangu.
| כמים נשפכתי והתפרדו כל עצמותי היה לבי כדונג נמס בתוך מעי׃ |
15 Simba rangu raoma sechaenga, uye rurimi rwangu runonamatira kumusoro kwomuromo wangu; munondiradzika muguruva rorufu.
| יבש כחרש כחי ולשוני מדבק מלקוחי ולעפר מות תשפתני׃ |
16 Imbwa dzakandikomba; boka ravanhu vakaipa rakandipoteredza, vakabvoora maoko angu netsoka dzangu.
| כי סבבוני כלבים עדת מרעים הקיפוני כארי ידי ורגלי׃ |
17 Ndinokwanisa kuverenga mapfupa angu ose; vanhu vanondinanʼanidza uye vanofarira kutambudzika kwangu.
| אספר כל עצמותי המה יביטו יראו בי׃ |
18 Vanogovana nguo dzangu pakati pavo uye vanokanda mijenya nokuda kwenguo yangu.
| יחלקו בגדי להם ועל לבושי יפילו גורל׃ |
19 Asi imi, Jehovha, regai kuva kure neni; imi simba rangu, kurumidzai kundibatsira.
| ואתה יהוה אל תרחק אילותי לעזרתי חושה׃ |
20 Rwirai upenyu hwangu pamunondo, ihwo upenyu hwangu hunokosha, kubva pasimba rembwa.
| הצילה מחרב נפשי מיד כלב יחידתי׃ |
21 Ndinunurei pamuromo weshumba; ndiponesei panyanga dzenyati.
| הושיעני מפי אריה ומקרני רמים עניתני׃ |
22 Ndichaparidza zita renyu kuhama dzangu; ndichakurumbidzai paungano.
| אספרה שמך לאחי בתוך קהל אהללך׃ |
23 Imi munotya Jehovha, murumbidzei! Imi mose zvizvarwa zvaJakobho, mukudzei! Mutyei, imi mose zvizvarwa zvaIsraeri!
| יראי יהוה הללוהו כל זרע יעקב כבדוהו וגורו ממנו כל זרע ישראל׃ |
24 Nokuti haana kuzvidza kana kusema chibayiro chaiye akatambudzwa; haana kumuvanzira chiso chake, asi akanzwa kuchemera kwake rubatsiro.
| כי לא בזה ולא שקץ ענות עני ולא הסתיר פניו ממנו ובשועו אליו שמע׃ |
25 Kwamuri ndiko kunobva dingindira rerumbidzo yangu paungano huru; ndichazadzisa mhiko dzangu pamberi pavanokutyai.
| מאתך תהלתי בקהל רב נדרי אשלם נגד יראיו׃ |
26 Varombo vachadya uye vagoguta; vanotsvaka Jehovha vachamurumbidza, mwoyo yenyu ngairarame nokusingaperi!
| יאכלו ענוים וישבעו יהללו יהוה דרשיו יחי לבבכם לעד׃ |
27 Migumo yose yenyika icharangarira igodzokera kuna Jehovha, uye mhuri dzendudzi dzose dzichapfugama pamberi pake,
| יזכרו וישבו אל יהוה כל אפסי ארץ וישתחוו לפניך כל משפחות גוים׃ |
28 nokuti ushe ndohwaJehovha uye anotonga pamusoro pendudzi.
| כי ליהוה המלוכה ומשל בגוים׃ |
29 Vapfumi vose venyika vachadya uye vachamunamata; vose vanoburukira muguruva vachapfugama pamberi pake, navose vasingagoni kuzviraramisa.
| אכלו וישתחוו כל דשני ארץ לפניו יכרעו כל יורדי עפר ונפשו לא חיה׃ |
30 Vana vake vachamushumira; zvizvarwa zvinotevera zvichaudzwa nezvaIshe.
| זרע יעבדנו יספר לאדני לדור׃ |
31 Vachaparidza kururama kwake kuvanhu vasati vaberekwa, nokuti akazviita.
| יבאו ויגידו צדקתו לעם נולד כי עשה׃ |
