Mapisarema 21

1 Kumutungamiri wokuimba. Pisarema raDhavhidhi. Haiwa Jehovha, mambo anofara musimba renyu. Mufaro wake mukuru sei pakukunda kwamunomupa!

To the Overseer. — A Psalm of David. Jehovah, in Thy strength is the king joyful, In Thy salvation how greatly he rejoiceth.

2 Makamupa zvinodikanwa nomwoyo wake, uye hamuna kumunyima zvaikumbirwa nomuromo wake. Sera

The desire of his heart Thou gavest to him, And the request of his lips Thou hast not withheld. (Selah)

3 Makamugamuchira nemikomborero yakapfuma, uye makadzika pamusoro pake korona yegoridhe yakachena.

For Thou puttest before him blessings of goodness, Thou settest on his head a crown of fine gold.

4 Akakukumbirai upenyu, mukamupa mazuva mazhinji, nokusingaperi-peri.

Life he hath asked from Thee, Thou hast given to him — length of days, Age-during — and for ever.

5 Kubudikidza nokukunda kwamakamupa, kukudzwa kwake kukuru; makaisa pamusoro pake kubwinya nokukudzwa.

Great [is] his honour in Thy salvation, Honour and majesty Thou placest on him.

6 Zvirokwazvo makamupa maropafadzo anogara nokusingaperi, mukamufadza nomufaro pamberi penyu.

For Thou makest him blessings for ever, Thou dost cause him to rejoice with joy, By Thy countenance.

7 Nokuti mambo anovimba naJehovha; nokuda kworudo rusingaperi rwoWokumusoro-soro, iye haangazungunuswi.

For the king is trusting in Jehovah, And in the kindness of the Most High He is not moved.

8 Ruoko rwenyu ruchabata vavengi venyu vose; ruoko rwenyu rworudyi ruchabata vavengi venyu.

Thy hand cometh to all Thine enemies, Thy right hand doth find Thy haters.

9 Panguva yokuonekwa kwenyu muchavaita sevira romoto. Jehovha achavamedza nehasha dzake, uye moto wake uchavaparadza.

Thou makest them as a furnace of fire, At the time of Thy presence. Jehovah in His anger doth swallow them, And fire doth devour them.

10 Muchaparadza zvizvarwa zvavo kubva panyika, vana vavo kubva pakati pavanhu.

Their fruit from earth Thou destroyest, And their seed from the sons of men.

11 Kunyange vachirangana zvakaipa pamusoro penyu nokufunga mano akaipa, havangagoni kubudirira;

For they stretched out against Thee evil, They devised a wicked device, they prevail not,

12 nokuti muchaita kuti vafuratire, pamuchavananga nouta hwakawemburwa.

For Thou makest them a butt, When Thy strings Thou preparest against their faces.

13 Simudzirwai, imi Jehovha, musimba renyu; tichaimba uye ticharumbidza simba renyu.

Be Thou exalted, O Jehovah in, Thy strength, We sing and we praise Thy might!