Mapisarema 20

1 Kumutungamiri wokuimba. Pisarema raDhavhidhi. Jehovha ngaakupindure paunotambudzika; zita raMwari waJakobho ngarikudzivirire.

For the Chief Musician. A Psalm by David. May the LORD answer you in the day of trouble. May the name of the God of Jacob set you up on high,

2 Ngaakutumire rubatsiro runobva panzvimbo tsvene, uye akupe rutsigiro runobva kuZioni.

send you help from the sanctuary, grant you support from Zion,

3 Ngaarangarire zvibayiro zvako zvose uye agogamuchira zvibayiro zvako zvinopiswa. Sera

remember all your offerings, and accept your burnt sacrifice. (Selah)

4 Ngaakupe zvinodikanwa nomwoyo wako, uye aite kuti urongwa hwako hwose hubudirire.

May he grant you your heart’s desire, and fulfil all your counsel.

5 Tichadanidzira nomufaro pakukunda kwako, uye tichasimudza mireza yedu muzita raMwari wedu. Jehovha ngaakupe zvose zvawakakumbira.

We will triumph in your salvation. In the name of our God, we will set up our banners. May the LORD grant all your requests.

6 Zvino ndava kuziva kuti Jehovha anoponesa muzodziwa wake; anomupindura ari kudenga rake dzvene, nesimba rokuponesa kworuoko rwake rworudyi.

Now I know that the LORD saves his anointed. He will answer him from his holy heaven, with the saving strength of his right hand.

7 Vamwe vanovimba nengoro, vamwe namabhiza, asi isu tinovimba nezita raJehovha Mwari wedu.

Some trust in chariots, and some in horses, but we trust in the name of the LORD our God.

8 Vanowisirwa pasi namabvi avo vagowa, asi isu tinosimuka tigomira takasimba.

They are bowed down and fallen, but we rise up, and stand upright.

9 Haiwa Jehovha, ponesai mambo! Tipindurei patinodana!

Save, LORD! Let the King answer us when we call!