Mapisarema 20

1 Kumutungamiri wokuimba. Pisarema raDhavhidhi. Jehovha ngaakupindure paunotambudzika; zita raMwari waJakobho ngarikudzivirire.

To the chief Musician. A Psalm of David. Jehovah answer thee in the day of trouble; the name of the God of Jacob protect thee;

2 Ngaakutumire rubatsiro runobva panzvimbo tsvene, uye akupe rutsigiro runobva kuZioni.

May he send thee help from the sanctuary, and strengthen thee out of Zion;

3 Ngaarangarire zvibayiro zvako zvose uye agogamuchira zvibayiro zvako zvinopiswa. Sera

Remember all thine oblations, and accept thy burnt-offering; (Selah)

4 Ngaakupe zvinodikanwa nomwoyo wako, uye aite kuti urongwa hwako hwose hubudirire.

Grant thee according to thy heart, and fulfil all thy counsels.

5 Tichadanidzira nomufaro pakukunda kwako, uye tichasimudza mireza yedu muzita raMwari wedu. Jehovha ngaakupe zvose zvawakakumbira.

We will triumph in thy salvation, and in the name of our God will we set up our banners. Jehovah fulfil all thy petitions!

6 Zvino ndava kuziva kuti Jehovha anoponesa muzodziwa wake; anomupindura ari kudenga rake dzvene, nesimba rokuponesa kworuoko rwake rworudyi.

Now know I that Jehovah saveth his anointed; he answereth him from the heavens of his holiness, with the saving strength of his right hand.

7 Vamwe vanovimba nengoro, vamwe namabhiza, asi isu tinovimba nezita raJehovha Mwari wedu.

Some make mention of chariots, and some of horses, but we of the name of Jehovah our God.

8 Vanowisirwa pasi namabvi avo vagowa, asi isu tinosimuka tigomira takasimba.

They are bowed down and fallen; but we are risen and stand upright.

9 Haiwa Jehovha, ponesai mambo! Tipindurei patinodana!

Save, Jehovah! Let the king answer us in the day we call.